#جبار
#حكايات_ياسو_و_ساسو
Ajassmin
الحلقة الخامسة و العشرون
فى الشركة الكل بيشتغل و بيجهزوا لاقوى عرض ممكن يقدموه
فى غرفة الاجتماعات
مصممى شركة اصلان و اصلان و نورين الكل بيعاين الموديلات و التصميمات
نورين: ايه القرف دة؟
ماجد: ايه يا فندم؟
نورين: ايه اللى هو ايه دة اللى هننافس بيه
بصت لاصلان : شكلى غلطت فى الصفقة دى
اصلان بص لفريقه : كله على شغله و عدلوا الشغل زى ما نورين هانم قالت
الكل جرى على مكتبه و اصلان بصلها و ابتسم: متعصبيش نفسك كدة بكرة هتهرفى انها اهم صفقة عملتيها فى حياتك
نورين: برا
ايه دة اي دة ايييييه دة الوضع اتقلب جدا فعلا زمان كانت نورين هى اللى بترد ردود مستفزه دلوقتى الوضع اختلف خاااالص
نورين بنرفزة: برا مكتبى يا اصلان مش ناقصاك
خلصوا اليوم النكد دة و نورين اخدت عدة شغلها معاها
و بعد ما وصلوا
اصلان: ممكن اتطمن على نور
نورين: تمام بس اتحجج باى حجة علشان تروح بجرى ورايا شغل كتير
اصلان محاول مداعبتها: ما تركزى مع بنتك شوية يمكن حصلها كدة علشان انت اهملتيها
نورين و رافعة صوبعها فى وشه: مسمحلكش اتطمن على بنتك و غور من وشى
اصلان:طب متزقيش كدة
نورين و استغربت التفاهة اللى بقى فيها: انت اتجننت يا اصلان بيه
اصلان و بيقرب منها: حد يبعد عن روحه و ميتجننش
نورين : اطلع لبنتك
اصلان: هنيمها و امشى
عمر دخل عليهم: ايه دا انت هنا
اصلان: عاوز اتكلم معاك يا عمر
عمر: معنديش وقت عندى مذاكرة و هنام على طول
اصلان تعب من نورين و عمر و من الكل فقال يروح لبنته
اصلان: نور العين عاملة ايه؟
نور بفرحة: بابى حبيبى
طلعلها لعبة و قالها جبتلك دى ايه رايك؟
نور بفرحة: حلوة اوى ممكن تلعب معايا
نورين دخلتلهم العشا و سابتهم يلعبوا و ياكلوا و بعد شوية كانت بتراقبهم من ورا الباب قالت تروح تغير و تشتغل
لبست ترنج كحلى و دخلت اوضتها و سمعت الباب اتقفل قالت اصلان مشى على حسب اتفاقهم
خلعت جاكت الترنج و فضلت بالبادى اللى تحته و كان حمالاته رفيعة و خلعت التربون اللى هى لابساه
بدأت ترسم التصميمات و بتشتغل و مركزة
اصلان جه يقوم لقى الاوضة اياها اللى قدام اوضته نورها والع عرف ان نورين فيها و لاحظ انها مكلتش حاجة من الصبح راح المطبخ عملها سندوتشين و طلعلها و و اتأكد ان العيال نايمين (ها واخدين بالكم) لقى الباب موارب بص من ورا الباب ممسكش نفسه شكلها مغرى جداااااااااا عاوز ينقض عليها زى ما الاسد بينقض على فريسته عاوز يوريها جنون عشقه و صله لفين بس هيعمل ايه و عارفى رد فعلها لو دخل عليها و هى كدة بس مفكرش كتير دخل و اللى يحصل يحصل
دخل عليها و هى مندمجة جدا جدا فى الرسم و هو سرح فيها افتكر اما كانوا بيرسموا سوا فى حضن بعض و قام جه و قعد جنبها فجأه على الكنبة
اصلان: انا جبتلك اكل تاكليه
نوريت اتفزعت و مش مستوعبة انها مش بلبسها كله يعنى: انت اتجننت ايه اللى جابك انت مش مشيت؟
اصلان و عينه على شفايفها و على جسمها : دى الدادة هى اللى مشيت انا كنت بجهزلك عشا
نورين ضيقت عنيها: انت بتبص على ايه؟
بصت على نفسها صرخت و شدت الجاكت و لبسته و قامت
اصلان قام وراها قالها : متخافيش يا نورين و برضو مهما كان انتى كنتى مراتى
نورين: مخافش؟انت فاكر كنت عاوز تعمل ايه زمان؟ فاكر عملت فيا ايه؟ اطللللللع براااااااااا
اصلان لف ضهره : البسى و انا مش همشى هخلص الشغل معاكى
نورين و هى بتلبس: شكرا اتفضل امشى
اصلان و فى داخله لا مش هفقد الأمل و قالها برجاء: انا مصممتش حاجة من يوم ما سيبنا بعض برسم بس بعيد عن الشغل ممكن بقى؟
نورين و كانت بتلبس التربون: طيب يلا علشان الصراحة التصميمات كلها نيلة
اصلان لفلها و بصلها و ضحك : طيب يلا بس كلى الاول
قعدوا يرسموا سوا و يصمموا و يطبقه على المانيكانات و جم فى اخر تصميم كل المانيكانات مشغوله فوقفها قدامه و استغل انها مندمجة فى الشغل و مش بتعنفه و لف على وسطها القماش و وقفها قدام المرايا و قالها دة هيكون شكله كدة و فضل ماسك وسطها
و هى شالت ايده : تمام بس مش هيليق على الجزء العلوى
جاب قماش الجزء العلوى و بيحطه و بيثبت بدابيبيس: لا جميل اهو
و مسك ايدها على وسطها و لف ايده على ايدها و همس عند الشامة اللى فى رقبتها و بصوت مغرى: حلو جدا عليكى. سكت و همس فى ودنها :وحشتيييتى يا نورى يا نور حياتى.
نورين كانت متخدرة بس رنت فى ودنها كلمة انتى طالق فزقته و بعدته عنها: خلاص خلصت شغل النهاردة
بعد اذنك روح بيتك و هنشوف التصميمات الصبح
و جه الصبح فعلاً و هى منمتش و لا هو نام سهرانين حيرانين
ابتسمت لقربه اللى وحشها بس انبت نفسها على عذابه ليها
و هو كانت الفرحة مش سيعاه كونه بس قرب لحبيبته و اقسم انه هيدوب جبالها و هيفك حصنها باى طريقة
خفف دقنه زى زمان لبس بدلة رمادية و بقميص اسود و من غير كرافت و اتوجه لعربيته
هى جهزت ببلوزة كحلية طويلة و سادة و عليها طرحة بينك و شوز بينك بكعب و كانت مزة المزز
و اتجهوا للشركة
فى الشركة الكل قاعد بيجهز للاجتماع قعدوا فى غرفة الاجتماعات و بدأوا
ماجد: نورين هانم احنا عدلنا تصاميمنا
نورين بصرامة: لا تصاميمكم دى فى الزبالة
اصلان ابتسم: طب ورينا اللى عندك نورين هانم
طلعت التصاميم و عرضتها على الكل
شهيرة فتحت بؤها: واااااااااااو فظيييييع
اصلان ابتسم: جميل جدا نورين هانم
مراد ابتسم بخبث: شايف امل و حب فى التصاميم
اصلان عينه عليها و هى زغرت مراد و بتتوعدله فضحك اكتر
جابوا الموديلز و الخياطين و بدأوا ينفذوا و بيجهزوا للعرض الخرافى اللى هيكون فى الجونة
و مع كل دة بيروحوا يطمنوا على بنتهم و اصلان قرب لنور جدا و هى ما صدقت ان ابوها رجعلها و صحتها فى تحسن مستمر والحمد لله
و الكل فى الشركة مستغرب التناغم فى الشغل بين اصلان و نورين اما يكونوا فى مشكلة يحلوها سوا بس رغم التناغم اللى فى الشغل دة ميعرفوش الحىب الداخلية اللى بينهم
ماجد و انسحب من طريق نورين لانه اتأكد انه مسدود
اما عن عمر ابن اخوه مش قادر يسامحه و كان اصلان عند نور و بعدها اتغدوا سوا
نور: بابى انت ليه مزعل مامى و عمر؟
اصلان: انا؟ ازاى؟و انتى عرفتى ازاى؟
نور بصوت منخفض: هما مفكرينى صغيرة و عبيطة بس انا كبيرة و عارفة كل حاجة
اصلان: طبعا كبيرة بس عارفة ايه بقى؟
نور: مامى زعلانة منك علشان انت على طول مسافر و سايبها انا سمعتها بتقول لطنط مريم انها نفسها تشوفك و لو مرة واحدة
اصلان و فرح جدا و عرف ان نور هتكون مفتاح و حل لكل المشاكل : طب و عمر ؟
نور: عمر زعلان منك اوى علشان انت سبتنا انا ليه سبتنا كل دة يا بابى مامى كانت بتتعب كتير و عمر كمان؟
اصلان اخدها فى حضنه و شم فيها ريحة نورين و ضمها لصدره: مش هسيبك تانى يا حبيبة بابى بس انا طعلت مامى و عمر ممكن تساعدينى نتصالح كلنا
نور: اكيد يا بابى
باسها و سابها و بص على الجنينة لقى عمر بيلعب طلعله
اصلان: عمر
عمر: عاوز ايه؟
اصلان بصرامة: تعالى هنا
عمر بيتأفأف: اوووووف قلتلك عاوز ايه؟ و بعدين انت هتفضل تيجى كل يوم؟
اصلان: ايه يا عمر نسيت انت تحترمنى ازاى؟
عمر و جه يمشى بس اصلان مسكه و قعده جنبه على كرسى فى الجنينة
اصلان: انت كبرت دلوقتى و هتفهمنى
عمر: اه انا راجل البيت دة و مش حابب وجودك
اصلان: انت تعرف انى لو بس بلغت المحكمة قانونا هتيجى تقعد معايا غصب عنك
مهما كان عمر طفل و مش هيستحمل فبيتكلم بعياط: علشان تسيبنى تانى ولا علشان تضربها تانى انا شفتك يومها و انت بتضربها و فضلت فى الغيبوبة شهرين و رغم دة اهتمت بيا و شالت همى مع انك انت عمى رميتني
اصلان و بيطبطب على عمر و اخده فى حضنه: سامحنى يا عمر غصب عنى الغيرة كانت عميانى
عمر و بعد عنه: عمياك عن مراتك و ابن اخوك اليتيم
اصلان جواه بيقول قد ايه الولد دة كبر و بقى راجل و اتأذى كتير و قد ايه هو كان جبان معاه
اصلان: انا محتاجك انت يا عمر علشان انت الل. هتقدر تصالحينى عليها
عمر: لو قررت تسامحك وقتها هسامحك
اصلان: انت تقدر تخليها تسامحنى طى ما قدرت زمان تخليها تحبنى
عمر : يعنى ايه؟
اصلان: تسمح تدينى فرصة انى اقربها منى و اصالحها و ابينلك حسن نيتى و انى مش هسيبكم تانى؟
عمر: وعد يا اصلان بيه؟
اصلان: وعد. انت موافق؟
عمر:موافق بس بشرط
اصلان و رفع حواجبه من لماضة ابن اخوه: اشرط و اتأمر
عمر: لو يوم نورين عيطت بسببك هطردك من حياتنا
و سابه و مش
كدة الى حد ما المهمة بدأت تصغر على جبارنا
فاضله الراس الكبيرة نورين هانم
هو متاكد من حبها ليه بس عارف اللى فيها
أنت تقرأ
#جبار
Romansاول رواية و عمل مشترك بينى بين ياسمين رواية خفيفة لطيفة و ان شاء الله تعجب كل اللى يقراها
