#جبار
#حكايات_ياسو_و_ساسو
Ajassmin
الحلقة العشرين
نورين شافت اصلان اخدت بنتها و جريت على جوة و قالت لمريم انه لازم تروح
مريم: فى ايه يا نورين؟
نورين: انتى عارف فى ايه يا مريم الله يخليكى متزعليش
مريم: اياد هو اللى هيزعل يا نورين و كمان نور
فارس: متضغطيش عليها و يلا اروحك انا بنفسى و انتى يا مريم خدى بالك من مايا بنتى
مريم باستسلام : طيب
و فعلا فارس اخد نورين و نور و مشيوا و كل دة و اصلان واقف مذهول
مراد: اتفضل يا اصلان اتفضل
اصلان بحسرة: قلتلك راجع مقلتليش ليه انها اتجوزته و كمان خلفت منه و كمان سمت بنتها على اسم امى
مراد: بقولك ايه انت بعتلى المسج انك راجع مقلتش لحد و معلقتش انت راجع ليه أساساً يا اصلان
و هى مش ملزمة تستناك طول عمرها
و متنكدش عليا عيد ميلاد ابنى الوحيد
عمر: عمى مصدقتش انك رجعت بعد المدة دى كلها
عمر كان غضبان من اصلان جدا و الكل تقريبا مش طايقه
مراد سحب عمر على جنب: عمر انت عارف كويس احنا مش هنزعل نورين
عمر: متخافش يا عمو مراد هو اللى يستحق انه يزعل
و تم عيد ميلاد اياد
فى البيت عند نورين
نور: مامى كدة اياد هيزعل منى
نورين: خبيبتى مامى تعبت اوى و قلت نروح ارتاح
نور و كانت ذكية جدا و واخدة لسان مامتها: مانتى بتريحى عند طنط مريم عادى ايه الجديد و لا حبيتى تنكدى عليا علشان بابى كان راجع النهاردة
نورين و اتوترت: لا يا حبيبتى لسة مرجعش. وانت ليه خرحتى من الفيلا اساسا يا نور
نور : يا مامى شفت القطة اللى بحبها و جريت وراها
نورين: متعمليش كدة تانى
و تيلفونها رن
فارس: انتى كويسة يا نورين
نورين: اه يا فارس
فارس : قلتى لنور
نورين : لا مش وقته
فارس: نورين متزعليش منى انتى كنتى عارفة انه جاى ايه اللى جد
نورين وقامت من جنب نور: عارفة ان مندوب من شركته جاى علشان الشغل معايا مش هو
انت قلتله يا فارس؟
فارس: انتى هبلة يا نورين انا زيى زيك سلام يا نورين علشان مراتى هتنفخنى
نورين : سلام
قفلت من هنا و كأنه يوم المكالمات العالمى
مريم: انتى كويسة؟
نورين : يوووووووه الحمد لله يا مريم
مريم : و الله ما حد يعرف انه هو اللى جاى بنفسه
و هنا مراد اخد التيلفون من مريم : نورين افهمى كويس بكرة قبل الاجتماع نقعد سوا انا فكرت هنقعد مع المندوب بس طلع مفيش مندوب
نورين: طب عمر كويس؟
مراد: اه كويس بس هيبات النهاردة مع اياد
نورين: من امتى و هو بيبات بعيد عنى؟
مراد: اافهمينى يا نورين و عدى الليلة و بكرة هنتكلم فى الشركة
نورين قفلت و دخلت الاوضة المحرمة على اى حد يخشها فى البيت كله
وقفت قدام صورة فرحهم و بحسرة : ليه رجعت؟ ايه اللى جابك؟ عاوز تدمرنى تانى؟ عاوز تدمر بنتى اللى طلعت بيها من الدنيا؟ مش هسمحلك ابدا ابدا
فى الفندق
اصلان مخنوق و كل الافكار جاية فى دماغه
طب يروحلها ؟ازاى ميعرفش هى ساكنة فين؟ طب ازاى اتجوزت بعده؟ ازاى سمحت لحد يلمسها غيره و كمان خلفت؟
و هنا لام نفسه: انا اللى ضيعتها و ظلمتها و جرحتها
على طول جبار
ليه كدة؟ ليه مبأذيش الا حبيبتى؟
قام بعمل شوية اتصالات منهم حد ينضف فيلته علشان يرجع يقعد فيه
و اااااااااااه
نسيت اقولكم الفيلا فى نفس شارع فيلا بتاعة نورين
و شكلها هتبقى حرب النجوم
الصبح كله ببجهز علشان الاجتماع و صراع الجبابرة
عاوزة اقولكم فى فترة طلاقهم نورين اتحولت لجبارة لدرجة فاقت اصلان و عمها بمراحل
ركبت عربيتها و اتحركت و هى فى العربية جالها فون
نورين: ايه يا حبيبى هتفضل بايت عند مراد
عمر: لا يا نينا انا فى الطريق اهو طنط مريم هتوصلنى للبيت و هاخد بالى من نور متخافيش
نورين: انت راجلنا يا عمر
عمر بعياط مهما كان طفل: انا مش هسمحله ياذيكم و خصوصا انتى يا نورين
نورين و بتتمالك اعصابها: خلى بالك من نفسك و من نور و متخافش
وصلت شركتها
اييييه شركتها؟ ايون شركتها
(بعد ما اتطلقوا اشتغلت فى الفاشون ديزاين و بقت جبارة مجالها و بيشتغل معاها مراد و شريكها الدكتور فارس ابن عمها و كل دة مآزرة لمحنتها و نورين تفوقت فى مجالها زى ما بتتفوق فى اى حاجة تشتغل فيها)
فى مكتب نورين
مراد: بصى بقى و نلخص الكلام هتقولى مجنون هتقولى اللى هتقوليه انا مش هيهمنى
نورين: ايييه اييييه يا مراد
مراد: اصلان مفكر انك متجوزة فارس و ان نور بنت فاىس مش بنته هو
نورين باستهتار بتدارى دمعتها: عادى اللى بعده
مراد: نوريييييين هتمثلى مش عليا انا التمثيل دة
نورين باستسلام عارفة مراد بقى زنان زى مريم بالظبط: يعنى اعمله ايه
ابوس ايده و اقوله تعالالى و تعالى لبنتك
دة رمانى رمااااانى
مراد محاولا تهدئة نورين: يا نورين اهدى بس هو كمان شكله متدمر انا عارفه كويس دة هرب و بعد عن كل حاجة
نورين بنرفزة: هرب لانه جباااااااااااان
و هنا فارس بيدخل: صباح الفل عليكم و بص لنورين ولا اقولكم صباح الزفت عليكم
مالك عاملة كدة ليه على الصبح؟
مراد حكى لفارس كل حاجة و فسرله عصبيتها دى بانها لسة بتحبه و نورين بتتنرفز و تتعصب و تنكر
المهم وصلوا انهم يخلوه يفكر زى ما يفكر بس الاهم ميوصلش لنور
و جه اخينا مشرف ببدلة كحلى من غير كرافت فاتح اول زراير القميص و بدقنه اللى رباها علشان تزود حلاوته اكتر و اكتر و اما عن جسمه فضخم زيادة نتيجة التمرينات اللى كان بيقتل فيها نفسه و يفرغ فيها شحنة غضبه المكتومة و معاه فريق شركته اللى اختاىهم من احسن المصممين
اما عن نورين قهرتها بانت عليها خلال السنين دى كلها خست جدا وشها هزل و ضعف بس زادت حلاوتها اكتى و اكتر الامومة اديتها انوثة غير طبيعية و بعده و جفاه أداها قوة و جبروت فظاع يستفزه اصلان اكتر علشان يحطم الجبروت دة
دخلت السكرتيرة عند نورين
السكرتيرة: نورين هانم الضيفوف وصلوا و دخلتهم اوضة الاجتماعات
تنفست الصعداء و ردت: طيب طيب احنا هنيجى اهو
ضيفيهم بقهوة و يا ريت تكون سادة
مراد بضحك و بصوت واطى لفارس: شكلها هتبقى حرب
فارس: تقريبا
بعد كدة فارس على صوته: بقولك ايه يا نورين هو انا الصراحة مش فاضى علشان المستشفى عمالة تكلمنى عيشوا حياتكم انتو فى الاجتماع دة
نورين باستهتار: فى داهية
و هنا كان بيعدى اصلان رايح الحمام و من شباك مكتب نورين الازاز لمح المشهد دة و مش سامع حاجة
فارس قربلها: يا بنتى اهدى شوية
نورين: انا هاديه اهو
قارس: لا يا راجل
نورين ضحكت و فارس ضحك و طبطب على كتفها و قالها : شدى حيلك
نورين بضحك: الشدة على الله
اصلان برا هيطق شرار و لو هاين عليه يخش يقتله و يقتلها و يخلص و يرتاح
جه لف و راجع المكتب خبطت فيه واحدة موظفة شكلها نص كم كدة يا جماعة و بمياصة
ريم: انت بنفسك هنا
اصلان: افندم؟
ريم بتظبط نفسها يعنى و بتظبط فتحة بلوزتها: اعرفك بنفسى
اصلان قاطعها باستهتار : ميهمنيش
ريم و اتغاظت و مشيت و اصلان راح اوضة الاجتماعات
فى الاجتماع
هنشوف ايه اللى هيحصل فيه
أنت تقرأ
#جبار
Romansاول رواية و عمل مشترك بينى بين ياسمين رواية خفيفة لطيفة و ان شاء الله تعجب كل اللى يقراها
