#جبار
#حكايات_ياسو_و_ساسو
Ajassmin
الحلقة التالتة
الصبح نفس اللى حصل جزت على نفسها و اتوجهت للفيلا المرة دى دخلت جهزت الفطار و وقفت استنت ينزل و فجأه لقت الباب اتفتح و حد داخل قامت صوتت و لفت لقيته وقعت عينيه على عنيها
ابتسم و قلب ابتسامته دى لتكشير و زعيق و وبصلها و قاله: شوفتى عفريت
قالتله : توقعتك نايم او فى اوضتك اسفة
بزعيق و كتفها من دراعتها: كل شوية اسفة اسفة اسفة و حاضر حاضر حاضر انا بحب تتفيذ الاوامر من غير ولا كلمة و متقرفنيش و فين الفطار؟
ردت و الخوف فى عينيها : جاهز اصلان بيه
فطر و طلع اخد دوش و لبس و تالق الصراحة بس هى بصتله بصة انها احتقرته من معاملته السيئة
بلغها انها تجيب حد ياخد باله من عمر و هما مش موجودين و ممكن يكون بيتكلم انجليزى مش لازم تركى
طلبت من مكتب عمالة و جت دادة فليبينية تاخد بالها من عمر
راحوا الاجتماع ركب هو ورا و حط رجل على رجل و هى قعدت جنب السواق عم حسين
وصلوا الاجتماع مع المنتج و المخرج و طقم العمل و بعد نهاية الاحتماع اتفقوا ان فى حفلة بليل فى بيت المخرج علشان يتعرفوا على بعض
روحوا تانى امرها تلبس لبس سواريه و قالها : هتعرفى تلبسى سواريه و انتى محجبة؟
نورين: اعتقد دة شئ يخصني حضرتك اللى يهمك انى اكون لايقة بالحدث سواء سواريه او فورمال او او او
رد بعصبية : شئ يخصنى لان منظرك من منظرى
و انا محبش ابان عندى عيب و دة امر
نورين بنرفزة: حاضر يا فندم و استاذنك اجهز نفسى
بليل لبست فستان كحلى و عليه نجوم فضية و بلفة حجاب بسيطة من الستان الفضى و شووز روووعة زى شوز سندريلا جهزت نفسها و ميك اب بسيط جدا بس احكمت رسمة العين بالاى لاينر لدرجة ان عينها كانت تسحر اللى يشوفها و روج خفيف ابرز جمال شفتاها اكتر من جمالهم وصلت الفيلا و استنت الباشا يتكرم و ينزل نزل لابس بدلة سودا و ببيون محكمة و شكله كان يخبل بجد واول ما عينه جت عليها سرح فى جمالها و تخيل لو لحظة بس مسك ايديها او جت قربه
نورين: اظن كدة انا كويسة و مش هخيب ظن حضرتك
اتحولت ملامحه للغضب تانى: معقول معقول
فى الطريق
شغل عم حسين الراديو بعد ما امره اصلان علشان يسمع الاغانى المصرية و يتعرف على الموسيقى المصرية
المذيع : اسيبكم مع اقوى اغانى عبدالحليم حافظ
جباااااااااااااااااار
ضحكت نورين و ضحك عم حسين و بصوا لاصلان فى المراية
اصلان باصللها فى المراية و عينه بتطق شرار : ترجمى نورين هانم
نورين ترجمت كلام المذيع و بعدها حست انه قفش انهم بيضحكوا عليه بصت على الارض و اتكتمت خافت ليخنقها و خصوصا ان عينه بتطق شرار
سمع الاغنية و استغرب كلماتها بعد ما طلب منها انها تترجمله كلماتها
جبار فى رقته.... جبار فى قسوته....... جبااااااار
استنتج تلقائى انهم كانوا بيضحكوا عليه و حب لو بس يوريها انه جبار فى رقته بدل ماهى مش شايفة غير قسوته
....... ايه دة ايه دة ايه دة هو حبها؟ ممكن؟ اكيد؟
هو مش متأكد بس حاسس بس خايف بس بس بس بس فى ايه بس يا سولى حبيتها ولا ايه؟
…………..
فى الحفلة
صحفيين من كل الدنيا جايين يعرفوا اصلان توركان بيعمل ايه فى مصر؟ و ليه مصر؟ و الفيلم اللي هعمله هيعمل فيه ايه؟مليون سؤال و سؤال
بعد المؤتمر الصحفى ما خلص و وقتها انتبهت نورين لسؤال اتفاجأت من الاجابة
الصحفى: ممثل عالمى زى حضرتك اصلان بيك مثل فى بلده الام و مثل فى هوليوود ليه يجى مصر و يمثل فيها مع احترامى للثقافة و الفن المصرى بس اكيد مش زى هوليوود؟
اصلان و هو عينه متعلقة على الجمال الااخذ و الفستان اللى زى سما ليل صافى و هادى و عليه نجومه و وشها منور فستانها زى البدر فى ليلة تمامه : امى مصرية و لذلك لا استطيع ان ارفض تلك الفرصة
نورين بصتله جامد و استغربت نظرته و قعدت تبربش عينيها و تفتحهم و تقفلهم و بعدين افتكرت طريقته الزفت قالت فى نفسها سبحان الله و الله انت انسان عجيب
اثناء الحفلة
المنتج محمد بيقرب و معاه بنت شابة عشرينية لابسة فستان مكشوف قصير قربت و سلمت على اصلا معرفة نفسها: اهلا بيك اصلان بيه نورت مصر اعرفك بنفسى انا سهيلة محمد الطوخى
محمد موجها الكلام لنورين : ترجميله يا بنتى قوليله انها سهيلة بنتى الوحيدة و حابة تتعرف عليه اكتر
اصلان : اهلا بيكى و باس ايديها
متعرفش ليه نورين اتغاظت منه و لا غارت منها ولا ايه لانها متاكدة انها فعلا بتكرهه بس بس حست ولو للحظة انها تستحق المعاملة
الرقيقة دى دى حتى مستحملة منه بلاوى
اثناء انشغاله بالتعارف على الناس شوية يحتاج نورين شوية يكون الحديث بالانجليزى ميحتجهاش بس عينيه مراقبها زى الصقر قرب منها مصور اجنبى و لقطلها صورة على غفلة و اتخضت
المصور: متخافيش ايتها الجميلة. ما هذا الجمال المصرى؟
نورين ابتسمت ابتسامة رقيقة و شكرته و مشيت
جه اخينا اصلان بنرفزة و عصبية : ايه اللى يخليكى تقفى مع حد متعرفوش
نورين : انا موقفتش مع حد واحد قرب يقول حاجة و سبته و مشيت
انبت نفسها هى ليه تبررله ماهو طول الليل بيرقص مع سهيلة هانم بمنتهى الجرأة و قررت انها متريحوش
اصلان : انتى مجرد خ........
نورين : انا مش خدامة حضرتك انا هنا ايدك و رجلك و من غيرى متعرفش تتصرف
سابته و مشيت و جه يلحقها علشان يعاقبها وقفته سهيلة اللى متيمة بيه و اقسمت انها تشغله بيها و توقعه فى شباكها
اصلان بيجز على سنانه و بيقول: صبراً نورين هانم صبرا
سهيله بالانجليزى : نعم؟ بتقول ايه؟
اصلان : ولا حاجة سهيله هانم
سهيلة شدته من ايده :تعالى نرقص
كان هيرفض بس اما شاف نورين واحد قرب منها قال ميشغلش باله بيها _ ههههههههه بس على مين دة الحب ولع فى الدرة _ بس فضل عينه عليها لحد ما جت الفرصة يلفت من سهيلة و يقرب منها و وقتها
......
نكمل بقى الحلقة الجاية
أنت تقرأ
#جبار
Romansاول رواية و عمل مشترك بينى بين ياسمين رواية خفيفة لطيفة و ان شاء الله تعجب كل اللى يقراها
