#جبار

الحلقة الثالثة والعشرون

#جبار
#حكايات_ياسو_و_ساسو
Ajassmin

الحلقة الثالثة و العشرون

مر اول يوم عمل بسلام و جه وقت المرواح بس المرواح مكنش بسلام كان بعافية حبتين
نزلت متعرفش ان اصلان لسة فى الجراج و هنا شافت السافلة ريم و هى بمنتهى الوقاحة بتعرض نفسها عليه
ريم بهمس و بدلع: انا عاوزاك و عاوزة ابسطك و مش هتخسر حاجة
اصلان : انتى ازاى شغلوكى فى الشركة انا ليا كلام مع اللى مشغلينك
ريم: دة ماله و مال الشركة انا بقولك اهو همتعك و مش هتخسر حاجة
هنا ظهرت نورين: ريم انتى مرفودة
ريم بتحاول تظبط نفسها : يا استاذه نورين
نورين بصرامة: انا مش فاتحة بيت دعارة و الكاميرات راقبت اسلوبك الرخيص و كمان ملكيش اى مستحقات
و فتحت باب عربيتها و رزعته و هنا اصلان ابتسم لانه متأكد انها طردتها من غيرتها عليه
ركب عربيته و مشى وراها و هى بتبص عليه فى المراية كل شوية و فاتحة الراديو و هووووووب تشتغل اغنية جبار علشان تبتسم و تفتكر و هو متابعها و فرحان لابتسامتها و فجأه ابتسامتها اتحولت لحزن و تجهم و قفلت الراديو و كملت الطريق فى صمت و اما اصلان شافها كدة استنتج اللى حصل ماهو كان برضو مشغل نفس المحطة
روحت و هو روح و بعد شزية من مراقبته ليها طول اليوم لقى البيت كله بيصرخ و عربية اسعاف جت قدام الفيلا و مين اللى على النقالة
نووووووووووووووووور
و نورين مقتولة عياط و بتكلم مراد و مريم يلحقوها و هنا اصلان متحملش اخد عربيته و جرى و راهم الكل واقف مترقب البنت دخلت اوضة العمليات و بعد مدة طويلة الدكتور خرج
الدكتور : محتاجين دم بسرعة
الكل وقف و سكت و معرفش يعمل ايه نور فصيلتها مختلفة عنهم كلهم نفس فصيلة اصلان و بقلة حيلة راحتله نورين
نورين : ادخل انقذها محتاجاك دمها نفس دمك
اصلان واقف ساكت مبينطقش اخه كدة فعلا بنته ايوة اكييد بنته : قال للدكتور انا نفس فصيلة دمها
الدكتور: الافضل صلة قرابة
نورين: دة ابوها
الكلمة نزلت عليه صاعقة مدوية بس ماكدة اللى جواه
عقموه و دخلوه و بدأت عملية نقل الدم و هو بيبص للصغيرة و بيدقق فى ملامحها
عيون نورين و شفايفها بس واخدة مناخيره و شعره و ودانها صغننة زى نورين و عندها شامة و غمازتين و عينه دمعت
اصلان للدكتور: اناةمش فاهم ايه اللى حصل
الدكتور و هو مركز فى العملية: البنت دى ضعيفة جدا و قلبها فيه مشكلة نتيجة ان الام اثناء الحمل دخلت فى غيبوبة فطلع قلبها نموه مش كامل از بمعنى احرى وظايفه مش كاملة
اصلان مصعوق: غيبوبة؟ قلبها مش كامل ازاى؟
الدكتور:حالة استاذة نورين معجزة يا فندم فضلت فى غيبوبة شهرين بس تمسكت بالبنت و تمسكت بالحياه
اصلان و ندمان على كل اللى عمله ماهو اكيد هو السبب و عينه بتدمع
الدكتور: اهدى يا فندم علشان البنت متحسش
و العملية شغالة تمام بس خايف على بنته اللى اما حافظت عليها اكتر منه
عملية نقل الدم خلصت بفضل الله و لسة العملية مكملة
اصلان خرجلهم برا و قرر ميتعرضلهاش الا فى الوقت المناسب بس خرج هو و مراد و فارس
و هنا مسك فى رقبة مراد : انت ازاى متقوليش
مراد و بيكح: اقولك ايه انك موتها و دمرتها
اصلان بيشد اكتر على رقبة مراد و هنا اتدخل فارس
اهدو ا اهدوااااا احنا محتاجين هدوء
اصلان موجه الكلام لفارس: انت بالذات متدخلش انت السبب
مراد و فك نفسه منه : السبب فى ايه دة انقذها و انقذ بنتك
اصلان بيأس: انا عاوز ارجعلهم عاوزهم فى حضنى انا ندمت و اتدمرت
فارس ز هو عارف ان نورين لسة بتحبه و ضعيفة قدامه: انا هساعدك انا حاسس يعنى ايه تبعد عن مراتك و عيالك عيشتها قبل كدة و لولا نورين بعد ربنا مكنتش هرجع لمراتى ابدا
اصلان و زى الغريق اللى بيتعلق بقشاية: بجد؟
مراد : اه هنساعدك بس هى تقبل اعتذارك فى الاخر
طلعوا تانى و نور خرجت من العمليات و بتفوق و نورين قاعدة معاها
نور: مامى بابى جه صح؟
نورين و علشان متكسرش بخاطر بنتها: اه يا حبيبتي
نور بفرحة : طب هو فين
نورين خرجت نادت على اصلان و قالتله قولها كنت مسافر و بس
دخل اصلان لصغيرته و اول مرة يخدها فى حضنه و عينه دمعت هو ازاى قدر يبعد عن حبيبته و بنته وقتها بص لنورين بصة عتاب مدموجة بالالم نورين حست بغصة فى قلبها و فضلت تهمس لنفسها هو اللى باعنى هو اللى باعنى
عنده فى راسه مائة سؤال و قرر يسأل نورين و يستغل هدوءها
اصلان: نورين ممكن نتكلم؟
نور: اتكلموا بدل ما بتفضل تكلم نفسها
اصلان بابتسامة على براءة بنته و على عمايل امها:ممكن؟
نورين علشان متكسرش بخاطر نور: اتفضل
وقفوا برا عند الباركنج شوية و وقتها طلع سيجارة و بدأ يشربها
نورين باشمئزاز: ايه القرف دة؟
اصلان: بطلع فيها همى
نورين: خطر عليك
اصلان: مفيش خطر عليا الا عيونك
نورين بربشت عنيها: انت عاوز ايه؟
اصلان: مقولتيش ليه انك حامل؟ عاجبك اتحرم من بنتى كل السنين دى؟
نورين: و كان هيهمك فى ايه اذا كان انتذا شفت عملت فيه ايه
اصلان : عمرى ما هسامحك على سنينى اللى ضاعت من غير بنتى
و هنا نورين اتعصبت و انهارت: انا عمرى ما هسامحك ابدا
جيتلك علشان اقولك انى حامل و تعالى نتفاهم طردتنى و جرجرتنى على السلم حتى من غير طرحتى تسترنى
قعدت اخبط عليك تفتحلى نتفاهم طلقتنى
من قهرتى و من عنفك جالى نزيف اتصلت بمراد و مريم يلحقونى
بعدها دخلت غيبوبة مستحملتش ببس كنت متمسكة بيها
مش عاوز تسامحنى ظز و الف ظز فيك اصلان
انت اللى بدأت و قلتلك هندمك طول عمرك
انا انجبرت انى اقولك دى بنتك علشان صحتها و حالتها
اما دخلت الغيبوبة قصر على صحتها و على قلبها اتولدت بقلب ضعيف فرص علاجه بتقل كل ما تكبر
لقيتها طول اليوم بتقولى نفسى اشوف بابا و فجأة وقعت منى فكرت فكرت ولو للحظة بنتى راحت منى و خفت علشان كدة انت عرفت انها بنتك
اصلان بانكسار و بيحاول يقرب منها: انا اسف يا نورين انا بح....
نورين: مش قابلة اعتذارك و انت مبحبنيش و انا مش لسة نينا بتاعت زمان انا اتغيرت و اتغيرت جامد يا اصلان بيه
اصلان بيحاول يهديها بس اتعصب: عاوزانى اعمل ايه اما اخش بيتى و اوضة نومى الاقى راجل بيقلع قدانى و نراتى مبلولة
نورين و دمعة خانتها : يعنى لو هخونك هخونك مع فارس اللى هو اخويا
طب ماهو كان قدانى قبل ما اعرفك أساساً و كنت ممكن ممكن اوى انى اقربله هو
و هنا اصلان سكت هى فعلاً معاها حق فى دة
و نرين و انهارت جدآ : دانا كنت بموت و لولا فارس كان زمانى ميتة
انت دمرتنى يا اصلان و انا مش هسمحلك
اصلان مكتوم و مش قادر ينطق الى ان اتى دكتور احمد دكتور نور اللى متابع حالتها