#جبار

الحلقة الثانية و العشرون

#جبار
#حكايات_ياسو_و_ساسو
Ajassmin

الحلقة الثانية و العشرون

نورين و كانت فى حضن اصلان: اصلان حبيبى ممكن فارس يجيبلى بنته اقعد بيها
اصلان: ليه؟
نورين : مش عارف يتعامل مع البنت بعد انفصاله عن مامتها و كمان عمى تعبان اوى و عاوز اللى يرعاه
اصلان كان مضايق من وجود فارس بس مش ممانع: تمام يا حبيبتى
رجع اصلان تصوير فيلمه و كان بيرجع تعبان لانه مضغوط جدا و فترة تاجيل الفيلم خلت الشغل يتضاعف
نورين الفترة دى اهتمت بمايا و عمر و مريم و عمها اكتر من اى حاجة تانية حتى اكتر من اصلان
و لاحظ تقربها من فارس اللى هى بتعتبره اخوها الكبير
كان متضايق اوى بس من ناحية تانية نورين كانت شايفة انها بتعمل اللى عليها
و فى يوم كانوا فى الفيلا عند اصلان الولاد بيلعبوا مايا بتجرى ناحية البسين و نورين بتجرى وراها وقعت فى البسين و فقدت وعيها فارس جه فجأة انقذها و هو كمان اتبل بس طلعها اوضتها و قال يتطمن عليها الاول
اتطمن عليها و سالها حست بايه علشان يغمى عليها و صفتله و قالها تعمل اختبار حمل و فعلا طلعت حامل
فى نفس الوقت اصلان وصل و طالع اوضته و كان يومها متضايق جدا نورين مبقتش تتصل بيه ولا تسأل عنه زى الاول
نورين نايمة على السرير و هى مبلولة و بتشاور لفارس يجيب تى شيرت يلبسه من عند اصلان
اصلان بيفتح الباب فى نفس الوقت اللى فارس بيخلع تى شيرته و فجأة
مسكه ضربه بوكسين جاب بقه فيهم دم
نورين مسكها ضربها قلمين و قالها كلمة بترن غى ودانها كل يوم الصبح و بليل : انتى بتخونينى
( استوووب نورين غلطانة الى حد ما بس اصلان غلطته اكبر بكتير)
نورين: اصلان انت فاهم غلط
وقتها فارس اتعصب و قام علشان يضربه لقم العيال قدامهم الكل سكت ما عدا جبارنا ضرب نورين حتة قلم و بعدها خرج و ساب البيت ثم جه مراد و مريم و اخدوا نورين و عمر عندهم على ما يهدى
مريم: طالما مانتى عارفة انه غيور كدة مكنتيش عملتى كدة
نورين: انا مائة مرة قلتله فارس اخويا و واقفة جنبه علشان محنته دة انا حتى كلمت مراته و هى قالت انها هتنزل مصر علشان يتكلموا
مريم: حلو اوى روحى قولى لاصلان كدة و قوليله موضوع الحمل
نورين: انتى شايفة كدة؟
مريم : اااه
نورين : طيب
المهم راحتله تانى يوم برضو و جاية تقوله الحقيقة ة انها حامل
دخلت باب الفيلا هو خرج من اوضته فخلعت طرحتها و طلعت و بتقوله اصلان حبيبى
و هنا اصلان اتحول لوحش
اصلان بزعيق : جيتى لييييببه اطلعى برا يا خاااااااينة
نورين وقفت على السلم الكلمة شلتها و عنيها دمعت: ايه اللى انت بتقوله دة؟ انا يا اصلااان؟ انا؟
اصلان مسكها مش شعرها و و جرجرها على السلم فتح الباب و طردتها طردة الكلاب
نورين بترزع على الباب: اسمعنى افهمنى بس يا اصلان مفيش حاجة من دى
اصلان من ورا الباب: انتى طااااااااالق يا خااااااااينة
نورين بترزع على الباب من قهرتها: هندمك هندمك و هتموت من قهرتك يا اصلان انا هدمرك و هتشووووووووف
و بعدها اصلان اختفى اختفى خالص حتى ساب عمر ابن اخوه و بعد مدة كانوا اتطلقوا و مراد قالها لازم يعرف بحملها و هى رفضت بشدة و حلفته و وقتها مراد اخد صف نورين علشان مريم مراته و علشان اصلان كان زودها و انقطعت علاقته بصديقه حتى الرسالة اللى وصلتها منه و بيقوله انه هيرجع مصر مدهاش اى اهتمام
نرجع بقى لحاضرنا
اكيد وضحلكم ان مهمة اصلان تقريباً مهمة مستحيلة
اصلان طلع اوضته غضبان و بيبص من الشباك و لقى الاوضة اللى فى بيت نورين نورها مولع فدقق النظر لقاها واقفة كأنها بتكلم حد و بتعيط و فجأة الجنان اخد حقه معاها و فضلت ترمى حاجات و تكسر فى حاجات
عند نورين بعج ما مشى طلعت الاوضة المحرمة على البيت كله واقفة قدام صورته: انت جيت ليييييه رجعت لييييييه انا هدمرك قبل ما تدمرنى
و العياط اخد حقه و فضلت تكسر فى الاوضة و. بعدها استكانت فى ركن من اركان الاوضة علشان تنام على الارض و تاخد وضع البيبى و تضم ايديها و رجليها على صدرها و تعيط بحرقة
اصلان شايف المنظر قدامه و وقتها استحقر نفسه جداً هو اللى عمل فيها كدة
بس برضو اللى شاغله مين نور
مين اما جرجرها يومها نزفت يعنى لو حامل كانت اجهضت
(بس القدر يا جماعة القدر بس هو اللى انقذها علشان تكون حتة منه جواها و نورين حاربت علشان الحمل يكمل لانها برضو لامت نفسها جامد)
الصبح طلع بشمس يوم جديد نورين حست انها مرتاحة شوية و اصلان منمش و بيمارس عادته الجديده عليكم بيدخن فى سيجارته و ينفخ فيها المه و بيشرب قهوة بشراهة علشان جفنه مينمش و بيفضل يرسم
قام من على الكنبة جرى على الشباك جه بلص مدرسة عمر و جت الدادة بتاعة نور و نورين جت تتحرك جهز نفسه جرى مهما لبس او عمل بيكون مز الصراحة
و اتحرك بعربيته و هيبدأ فى مشاكسة قطته بس يستحمل خربشتها
و صلوا الشركة
لحقها جرى كانت بتجرى زى اللى بتهرب من بعبع و دخلت الاسانسير بس الحظ محالفهوش و ركب معاهم مااااااجد
ماجد : اصلان بيه صباح الخير
اصلان بعدم اهتمام: تمام
ماجد بابتسامة : صباح الخير نورين هاااانم
نورين: صباح النور و مش وقت سلامات هنا كلام شغل
ماجد اتكسف بس اصلان فرح من الدبشة اللى لسة رماياها
وصلوا الدور بتاعهم جم بتحركوا واقفة على الباب بمنتهى الاغراء ريم هانم
واقفة و بصة لاصلان بصة بمنتهى السفالة و بتقوله : انا هنا علشان اقولك مكتبك فين و هكون دراعك اليمين
اصلان : طب انجزى شغلك و بس يا مدام ريم
برضو نورين حست براحة بس دارتها عاوزة تعرف اخرتها ايه مع اسدها
اه صحيح معلومة ليكم بس
اصلان يعنى اسد 😉😉
وصلوا مكتبه اللى مكنش بعيد اوى عن مكتبها و كانهت بتقوله انت هتفضل تحت الحراسة و هو استمتع جداً انه هيكون شايف وشها اغلب اليوم
يا ترا هيحصل ايه
يا ترا ريم هتجيبها لبر ولا ماجد هيتهد ولا ايه اللى هيحصل
و يا ترا نورين هتسامح اصلان
او اصلان ممكن يعمل ايه علشان يصالحها
و هيعرف ازاى انها بنته؟🙄 🙄