#رصاصة_العشق
#الكاتبة_حنين_الشوق
.
.
.
.'وقف قدام باب الغرفة اللي كانوا مُعاقبين فيها و قعد يسمع في كلامهم'
طلال : خلاص يا جماعة أسكتوا، الامر عنده حق يعاقبنا.
أوس 'متمدد على السرير بإهمال و يمسح في سلاحه و يتفرج عليهم بملل'
غالب 'حاط رأسه بين يديه و يتأفف' : مفروض منعناهم ان يمشوا، كيف قدروا يضحكوا علينا هكي.
أيهم : خلاص سكروا الموضوع و انتوا من اول ما سمعتوا بالعقاب بديتوا تعيطوا.
أوس 'ضحك بخفة و قعد يشوف لسلاحه بلامبالاة'
خالد : يا ولاد اسكتوا نبي نرقد شوية قبل ما يبدوا التدريبات.
الحارث : مش حتلحّق ترقد والله.
غالب : هو السرير يابس و يوجع الظهر كيف بترقد مشعارف.
جميل : ظلم هكي، انا مشفتش حتى وجوههم، شن ذنبي؟
طلال : ذنبك انك كنت معانا.
أوس 'مد سلاحه لحارث' : النبي حطه لوطا.
حارث 'خذى السلاح من اوس و حطه جنب السرير'اسر 'فتح الباب فجأة مما خلاهم يوقفوا بسرعة'
أوس 'نقّز من السرير و وقف'
اسر : 3 دقائق و نلقاكم في جهة التدريب 'لف و طلع'
الشباب 'شافوا لبعضهم لحظة و بدوا يتحركوا بسرعة'
طلال "بتوتر" : وين سلاحي وين؟
أوس 'وقف قدام الباب و تلفتلهم' : طلال سلاحك على ظهرك، محمد ذخيرتك على سرير خالد، ايهم شن تستنى؟؟ .. هيا 'لف و طلع بسرعة و لحقوه الباقين'
اسر 'واقف في نص الساحة و يشوف لساعته و يشوفلهم و هما يجروا'
أوس 'وقف قدام اسر و دار التحية، ثواني و وقفوا الباقيين جنبه'
اسر 'اشر لواحد من الجنود ان يبتعد عن الباقي.. شافلهم بتركيز و طلع 3 تانيين من بينهم غالب' : اللي طلّعتهم بيديروا ضغط 190 مرة و الباقي 100 بس.
الشباب 'شافوا لبعض بصدمة'
اسر "بعصبية" : هـيـــا 'اول ما كمّل جملته لقاهم كلهم منبطحين و يتمرنوا... قعد يلف عليهم و يشبحلهم بتركيز... قعد كل ما يكمل ما يكملوا تمرين يعطيهم غيره لين فاتت ساعتين على هالحال'
اوس 'وقف قدام اسر و صدره يرتفع و ينخفض بسرعة'
اسر 'شاف للباقين و هما يجروا لجهته و يوقفوا في الصف... لف عيونه عليهم بسرعة و شاف لساعته' : انصرفوا توا... غدوه الفجر عندكم تدريبات
'حيّوه بإنضباط و لفوا بيمشوا لولا جملته اللي خلتهم يوقفوا لحظات و يشوفوا لبعض'
اسر : كل جندي في غرفة منفرده من غرف العقوبات.
اوس 'غمض عيونه بإنزعاج من صرامة خوه، تنهد بخفة و مشى مع الباقي'______________________________________________
بعد مرور أسبوعين....
اسر 'واقف قدام الروشن في مكتب التخطيط و يشوف للجنود و هما يجهزوا في روحهم، تلفت للباب لما سمع صوت أوس و طلال طالبين الاذن للدخول' : تعالوا.
أوس 'فتح الباب و وقفوا قدام اسر' : نعم.
اسر : جهزتوا كل شيء حسب الخطة صح؟
طلال 'هز رأسه بإثبات' : كل شيء زي ما امرتنا سيدي.
اسر 'كان يشوفلهم بجمود و من داخله يبتسم بحماس' : تمام، توا يا طلال امشي مع السرية الثانية و كونوا في استعداد مقابل معسكرهم و على بعد 2 كيلومتر استنوا امر مني.
طلال "بشجاعة" : تمام يا امر 'دار التحية و طلع'
اسر 'قرب جهة الطاولة اللي يجتمعوا فيها و اشر لاوس يوقف قدامه و فتح خريطة المعسكر': انا و انت و محمد و الحارث بنخشوا لـ هذا المبنى 'اشر بصبعة على مبنى كبير في نص المعسكر'
اوس : و كيف بنوصلوله و هو في النص؟
اسر : بما ان هذه عملية سرية فأكيد مش حنخشولهم من البوابة الرئيسية ولا الخلفية.
اوس "بإهتمام" : من السور؟
اسر : لا، حنخشوا بطريقة مختلفة شوية... غالب و السرية الأولى حيكونوا في الشارع الغربي و حيكونوا في انتظار سيارات السلاح اللي بتوصل للمعسكر.
أوس 'إبتسم' : يعني حنخشولهم عن طريق سيارة السلاح.
اسر : اي، و حنبدلوا السلاح الأصلي بالمقلّد... طبعا أحنا حنمشوا مع السرية الأولى و نستنوا غادي.
أوس : و كان مصارش من تسليم السلاح؟.. ولا غيروا المسار؟
اسر : ديما في خطة بديلة 'خذى سلاحه على ظهره و شاف لأوس' .. هيا 'طلع هو و اوس و مشوا للساحة اللي كانوا مجتمعين فيها كلهم'
أسر 'وقف قدامهم بشموخ' : إنتبــاه.
'في لحظة كان كل شخص في مكانه و الهدوء سيطر على الوضع كله'
أسر : شن يصير لو متنا اليوم؟
: شهداء في سبيل الوطن.
اسر : و كان اسرونا؟
: منستسلموش.
اسر : التنفيذ يبدأ... توا
'اول ما كمل جملته بدوا يتحركوا كلهم على حسب الخطة و اسر و اللي معاه طلعوا مع السرية الأولى و قعدوا يستنوا في الطريق الغربي.. اما طلال و السريه الثانية كانوا على بعد معسكر العدو بـ2 كيلومتر و يستنوا في اشارة من الآمر، اما السرية الثالثة كانت تحمي في المعسكر من جميع الجهات و كانوا على تواصل بالآمر لاي ظرف طارئ او عملية تعبئة'
أنت تقرأ
رصَاصِةْ العِشق ((من سلسلة الحب في قلب العسكري))
Actionرواية باللهجة الليبية، تحكي عن شاب عسكري مغوار، يحارب حتى يحمي بلاده و في لحظة و من دون مقدمات يقع في الحب ❤ ~~ ~~~~~~~~~ لا تقهقر أمام الفراق لا إستسلام أمام الظروف لا تعاون مع أعداء الحب فقط قوة و عزيمة و حب لا ينتهي هكذا هو الحب في قلب العسكري�...