رصَاصِةْ العِشق ((من سلسلة الحب في قلب العسكري))

البارت التاسع

#رصاصة_العشق
#حنين_الشوق
.
.
.
.
.

غالب 'حمحم بصوته و وقف' : رد بالك من الناس القريبين منك يا اسر 'لف و طلع'
اسر 'رفع حاجبه بإستغراب' : شن قصده هذا؟ ' تأفف و وقف، مشى لداره و تمدد على السرير، قعد يفكر في الهجوم و في كل لحظة تُمر صورتها في خياله و تقطع تفكيره، قعد يتأفف و يلف يمين و يسار لين رقد'
_________________________________________________

الساعة 7:20 صباحاً...
آسر 'ختم وقفته قدام المرايا بتعديل التلتيمة، طلع من الدار و توجه للساحة، لقى الجنود كلهم في إستعداد و يستنوا في أوامره... وقف قدامهم بعزيمة و ثبات'
أسر : يا جنود، في أوامر من الدولة تنص على ان الحرب لازم تكمل خلال شهرين، يعني من اللحظة هذه حنبدلوا كل جهدنا و نومت أمس هي آخر نومه تكونوا فيها شبه مرتاحين، من اليوم حيزيدوا التدريبات، الهجمات و الإستشهاد حتى، حتبدأ الملحمة و حننهوا الحرب بأي ثمن، حتى لو كان هالثمن هو أرواحنا و دمائنا، كله فداء للوطن و العلم و الشعب... مفهوم؟
•كٌله فداء للوطن و العلم و الشعب•
أسر "بفخر" : الشعب اللي مستند على جيش زيكم يحقله إن يرفع رأسه بين باقي الشعوب... الله أكبر 'لف و طلع من المعسكر و طلعوا وراه كلهم بأرواحهم قبل أجسادهم ... طلعوا و ركبوا سياراتهم و طول الطريق و هما يكبروا و مستعدين للإستشهاد، وصلوا لمرادهم و وقفوا في الأماكن اللي حددها الآمر'
أسر 'تلفت لأوس' : إنت اليوم معاي بسريّتك و السرية الآخيرة.
أوس 'هز رأسه بحماس و تلفت لجماعته' : مع القائد اليوم.
أسر : طلال و غالب تكونوا جاهزين مع الإشارة.
طلال : أمرك يا قائد.
أسر : كلكم إمشوا ع الخطة، لو صار اي خطأ توصلكم التعليمات... متنسوش ان عندكم لاسلكي جديد.
محمد : تم.
اسر: هي بِسْم الله 'لف و خش للمعسكر بقوة هو و اللي معاه، كتف بكتف مع أوس و معاهم 100 جندي ثاني'
أوس 'وقف وراء العرصة و يده مباعدتش عن الزناد' : خشينا عليهم بالقوة.
آسر 'وقف وراء التبه و يرمي عليهم' : أوس أسكت تشوش في تفكيري.
أوس : اسف نسيته.
أسر 'غمض عيونه لثواني و قعد يتفكر في تفاصيل المعسكر كلها' : أوس مع 3 تجري من العرصة اللي إنت فيها للأخيرة و انا نحميك.
أوس : به.
أسر : 1 2 3 'طلع أوس يجري و أسر يقتل كل من حاول إن يقنص عليه لين وصل أوس للعرصة، تلفت أسر للجنود اللي معاه و أشرلهم بمعنى هجوم أقوى' : أوس تقدر تأمن المبنى الداخل؟
أوس : اي بِه، الباب فاضي تو نخش.
أسر : ركز مرات كمين.
أوس : مَش أوس اللي يطيح في كمين 'مشى للمبنى'
أسر 'قعد يزيد في الهجوم و هما كل مرة يزيدوا من الرماية' : طلال تسمع فيا؟
طلال : اي معاك يا قائد.
أسر : توا.
طلال : تم.
أسر ' إبتسم بمكر في اللحظة اللي خش فيها طلال من البوابة الخلفية مع باقي الجنود' : لازم يعرفوا ان احنا نقدروا نكملوهم في هجمه وحده.
أوس : آمن يا قائد.
أسر : تمام 'قعد يتنقل بين العرصات لين وصل للمبنى، خش و لقى أوس يستنى فيه' : آمن متأكد؟
أوس : قتلتهم كلهم.
أسر 'مشى للدروج و ركب لآخر دور، فتح غرفة الكاميرات و خذى التسجيلات في الحقيبة الصغيرة اللي كانت على ظهره، طلع من الغرفة و مشى لمكتب قائدهم'
وتين : معقولة تغدر من أول فرصة؟
أسر 'تلفتلها و سكر اللاسلكي': ديما في وجهي زي الشياطين.
وتين : حتى أنا شيطانه زيهم.
أسر : نهايتك تموتي من اية الكرسي.
وتين 'ضحكت' : مَش عليا انا الجو هذا، ليا عتاب عليك و الله.
أسر : شن في بينا باش يكون في عتاب؟
وتين : مرات مفيش بينا هلبا بس مرات بيكون في بينا.
أسر : مَش حيكون لإن نهايتك اليوم على إيدي 'رفع السلاح في وجهها'
  👑حنين_الشوق👑
وتين : قلتها و نعاودها اللي تجيه فرصة يقتلك و ميقتلكش معاش يقدر خلاص.
أسر 'قرب خطوتين و لصّق السلاح على رأسها' : و الله؟
وتين "بثقة" : اي.
أوس : وينك يا أمر
'شافوا لبعض بتوتر'
أسر 'دفها وراء الباب و طلع خطوتين قدام الباب' : خيرك يا أوس؟
أوس : خيرك سكرت اللاسلكي؟ معاش عرفنا نوصلوا فيك.
أسر : خيركم؟
أوس : خلاص جرحى هلبا عندنا و عندهم.
أسر : قوللهم ينسحبوا. ناخذ كم ورقة من المكتب و نجيكم.
أوس : تم 'نزل'
أسر 'وقف قدامها و هز رأسه' : شكله عمرك طويل 'لف و طلع للساحة، لقاهم باديين ينسحبوا، قعد يحارب معاهم لين إنسحبوا و رجعوا للمعسكر'
أسر 'حط سلاحه و حاجاته على طاولة المكتب و تلفتلهم' : شن كانت النتائج؟
طلال : عندنا هلبا جرحى يا آمر.
أسر 'حط يده على الطاولة اللي كانوا واقفين حواليها' : كم؟
طلال : في حدود العشرين.
أسر 'هز رأسه و تلفت لمحمد' : درت اللي قلتلك عليه؟
محمد : اي، بإشارة منك حتنقلب الدنيا فوق رؤوسهم.
أسر : كويس، اللي صار اليوم هو البداية بس، حيشوفوا منا الويل... 'دار لمحة سريعة على الواقفين بنصر قدامه' ... حيكون عندنا هجوم مماثل بعد يومين، طبعا الإدارة العليا وفرتلنا أجهزة بدل اللي تعطلوا، و توا بدينا نقدروا نتواصلوا معاهم.
غالب : باهي مَش خايفين ان يخترقوا النظام؟
أسر : لا، النظام قوي و مفيش حد يقدر يخترقه.
محمد : ع الحال هذا نقدروا نتواصلوا مع عائلاتنا.
أسر : منّا للإدارة شيء و منّا لعائلاتنا شيء ثاني، أصبروا تو ربي يفرجها.
•إن شاء الله•
أسر : الجهد اللي بذلتوه اليوم حنكتبه في تقرير ملفاتكم، حيكون ليكم ترقيات بعد الحرب، تقدروا تمشوا للتدريبات.
'إبتسموا و طلعوا كلهم إلا طلال'
أسر 'شاف لطلال' : خيرك؟
طلال "بتركيز" : في شيء شاغل بالك يا أسر؟
أسر : لا، علاش تسإل!
طلال 'إبتسم' : الشرود اللي يجيك بين كل جملة و جملة نعرفه.
أسر "بإهتمام" : شرود شني؟
طلال 'أشر بصبعه على قلبه' : هذا بدأ ينبض.
أسر : لو ما كان ينبض ماكنتش حي اليوم.
طلال : في فرق بين النبض العادي اللي كل هدفه هو حياة خلايا جسمك و النبض اللي يكون بسبب داء إسمه الحُب.
أسر 'شاف للطاولة و سكت لثواني' : الوباء الجماعي هذا اللي جايكم كلكم انا مزال موصلش فيا، انا مناعتي قوية ضده.
طلال 'ضحك' : يا صاحبي، الحُب لما يجي لقلبك مَش حيستأذن، حيهجم طول، الحب بياخذك من الواقع و يخليك تعيش في تفاصيلها، ضحكتها و نظرة عيونها... و مرات يجي مختلف، يجي على هيأة مشاكل و عناد و صد و رد، لكن في النهاية إسمه حُب و حيهجم على قلبك في يوم من الأيام، هذا لو مكانش هجم.
أسر : و انا عسكري و نتفنن في صد أي هجوم يجيني... ريح روحك يا طلال، الجو الشاعري و الطيش اللي عايشينه تحت مسمى الحٌب أنا مليّاش فيه.
طلال : انت حُر، لكن حيجي يوم و يطلع كلامي صح 'لف للباب و طلع'
   👑حنين_الشوق👑
إسر 'ضحك بإستهزاء' : الحٌب يعني ان نعطي لشخص حقوق تخليه يتحكم في تصرفاتي، يعني إن يقيدني شخص بمفهوم الغيرة، يعني إن يشتتني عن العمليات و عن خدمتي بسبلة الخوف عليا... عمري ما كنت أسير لأي بني آدم و مَش حنكون أسير لبني حواء 'قعمز ع الكرسي و قعد يتفكر في الهجوم و أول لقاء كان بينه و بينها... شاف للساعة و وقف، خذى سلاحه من على الطاولة و طلع من المعسكر، مكانش يعرف السبب اللي خلاه يطلع و لي وين ماشي هو أصلاً، لكن لما درس السيارة في المكان اللي وصلّه عرف إجابة كل شيء، بخطواته حذرة قرب لجهتها و وقف وراءها، راقبها بهدوء و هي تشوف للأشجار و تغني، لحظة يبتسم بخفوت و لحظة يستغرب من نفسه، مكانش يعرف إن القدر ليه كلام غير الكلام اللي قاله لطلال'
وتين 'تلفتت فجأة و لقاته واقف وراها' : إحساسي عمره ما خاب.
أسر 'قعمز بعيد عليها بمسافة طفيفة': مفيش عاقل يمشي وراء إحساسه.
وتين : الحاسه السادسة اللي عندي أقوى من عقلك.
آسر : هي مَش بالقوة، بالفكر.
وتين : الفكر.. مَش أحيانا الفكر يقتل الجمال اللي في الحياة؟
أسر : زي ما المشي وراء الإحساس يفنيك من الحياة في نهاية المسار.
وتين : جرب تمشي وراء إحساسك ولو لمرة، في أشياء تكون بالإحساس بس.
أسر 'حط رجل على رجل بتعجزف' : و إشياء بالفكر، و معدّل الحاجات الفكرية في حياتي أكثر من السخافات اللافكرية.
وتين : النقاش معاك مشوّق، نلقى في عنادي فيك.
أسر : و النقاش معاك مفيشي أي فائدة، لأن لو فيه فائدة را طلعتوا من بلادنا من غير إستخدام القوة.
وتين 'وقفت قدامه' : ممكن معاش تربط أي حديث بينّا بالحرب.
أسر 'وقف و شافلها بقوة' : مكنتش حنربطه بالحرب لو مكنتش هنا بسبب الحرب و انتِ من جنود المحتلين.
وتين 'قربت خطوة و قعدت تشوف لعيونه بكبرياء' : أنا مقلتلكش أنسى مهنتك أو بلدك أو المعتقد اللي انت عليه، أنا قلتلك خلينا نكونوا في جلسة سلمية من غير الإختلافات اللي بينّا في ساحة الحرب.
أسر 'قرب منها أكثر و شافلها ببرود' : يعني إنتِ معرفتيش السلام الا في لُب الحرب؟ معرفتوش تخططوا لجلسة سلمية الا في هذا الوقت؟
وتين "بعصبية" : متخاطبنيش بصفة الجمع، انا من رأسي جيت هنا و تواصلت معاك مَش بأوامر.. انا هنا بنفسي و من تخطيط عقلي، لو كانت أوامر حبستك من البداية.
أسر "بعصبية" : من تكوني باش تدوي معاي بصوت عالي؟ مليكش حق.
وتين : و الله؟ الصوت صوتي و بنعليه و ليا حق.
أسر 'بصوت أعلى منها' : لا، مليكش حق.
وتين 'سكتت بصدمة و قعدت تشوفله'
أسر 'سكت و بادلها نفس النظرات، لحظتها حسوا بالقرب اللي هما فيه و الطاقة السلبية اللي بينهم'

أسر : #####
_________________________________________
#حنين_الشوق
... مرات نكمل النشر في قروب الفيس 🤎  
"روايات حنين الشوق"➡️