رصَاصِةْ العِشق ((من سلسلة الحب في قلب العسكري))

البارت الثالث عشر

#رصاصة_العشق
#حنين_الشوق
.
.
.
: متقتلنيش بالله.
أسر 'قعد يشوف للولد بملامح كلها صدمة، رمّش عيونه و إستوعب اللي صاير قدامه' : مَش حنقتلك، أنا جاي نساعدك، تعالى هنا.
الولد 'هز رأسه بنفي' : منقدرش نتحرك.
أسر "بإستغراب" : علاش؟
الولد 'يبكي و يشوف لآسر بإستغاثة' : في قنبلة على ظهري
أسر : كيف؟ شن تقول انت؟... 'قرب من الولد و شاف لظهره'... ولاد ال‎%‎‎%‎‎%‎ 'قعمز قدام الولد و مسح دموعه'... متبكيش، حيجوا الجنود اللي معاي و يفكوا القنبلة، لكن متتحركش بكل باهي؟
الولد 'هز رأسه'
أسر 'فتح اللاسلكي بعد ما سكره بسبب أصواتهم اللي سببتله صداع' : واحد منكم يجي و معاه 2 من فنيين الألغام، أنا في أول حوش ع اليمين في المنطقة الممنوعة.
أوس : تم يا أمر.
أسر 'شاف للولد بعطف' : شن اللي جابك هنا؟
الولد : أنا جيت مع بابا هنا، خذوا بابا و دارولي قنبلة و خلوني هنا.
أسر 'ضرب الأرض بعصبية' : أخ منهم آخ.
أوس : نعم.
أسر 'شاف للفنيين' : في قنبلة في ظهره موصولة بالحبل اللي رابطينه بيه، فكوها من غير ما يتأذّى.
'مشوا للولد بسرعة'
طلال : يا أمر في سيارة تبي تخش للمدينة.
أسر : أمنعوها.
طلال : صاحبها ميبيش يولّي و مُصر إن يلاقيك.
أسر : تمام انا جاي 'شاف لأوس' خليك هنا معاهم، واصل مشوار و جاي.
أوس : متشغلش بالك الولد توا امانتي.
أسر 'مشى للبوابة و لقى راجل في نهاية الخمسينات واقف قدام سيارته و يتناقش مع الجنود' : شن في؟
: الحمدلله انك جيت، الراجل هوا من امبكري يبي يخش و مَش مقتنع بكلامنا.
أسر : بِه كل واحد يلهى في خدمته 'وقف قدام الراجل'... انا القائد اللي تبي تتلاقى معاه، شن في يا حاج؟
الراجل : يا ولدي أنا أول ما سمعت بخبر التحرير جيت هنا طول، أنا مهجّر من حوشي ليا 4 سنين و 3 شهور، نبي نشوف حوشي و نطمّن عليه.
أسر : يا حاج المدينة توا مسكرة، و في داخل ألغام لا تُحصى ولا تُعد، و احنا مَش مستعدين نضحوا بأرواح المدنيين.
الراجل : يا ولدي أفهمني، حوشي معنديش في الدنيا غيره، بعت اللي فوقي و اللي تحتي باش بنيته و عشت فيه، خليني نطمن قلبي.
أسر 'ضغط على سنونه' : يا حاج! ... ورانا خدمة طويلة، قلتلك المنطقة مفخخة و كلها الغام و احنا واقفين على رجل وحدة باش ترجعوا لحياشكم بأسرع ما يمكن، إمشي توا و لما تكمل خدمتنا يوصلك الخبر.
الراجل 'شاف لأسر' : حسبي الله و نعم الوكيل 'ركب سيارته و مشى'
👑حنين الشوق👑
أسر : خيره هذا؟... نقوله خطر على حياتك و خايف عليه ينوض يتحسب فيا، ربي يهدي من خلق يفهموا بالمقلوب أ 'سكت لما سمع صوت إنفجار قوي، تلفت وشاف لمصدر الصوت، في لحظة كان يجري بإتجاه الحوش و قلبه يدق بكل قوة، وصل للمكان المطلوب و كان الدخان مغطي الرؤية كلها، وقف قدام الباب و نادى بأعلى صوته'.. أوس؟... يأ أوس 'خش للحوش و قعد يدوّر فيه بين كل الضباب اللي كان مشوش الرؤية، قعد يتحسس في الأرض بيديه لين حس برأس حد، حط يد على الشعر و يد على الخد'... أوس؟!
'سمع صوت حد يإن بألم، رفع يديه و فتح عيونه بصدمة من بشاعة المنظر، قعد يوخر وهو مقعمز في مكانه، مكانش عنده اي طاقة للوقوف، لصق ظهره في الحيط و قعد يردد في كلمة وحدة' ... لا إله الا الله... لا إله الا الله 'تشوشت الرؤية و حس بأعضائه ترتخي، لمح طيف شخص دخل من الباب و من بعدها خش في غيبوبة طويلة'
______________________________________
15/1/2020