#رصاصة_العشق
#حنين_الشوق
.
.
.
أوس 'وقف على حيله بسرعة و شاف لآسر بخوف'
اسر 'رفع حاجبه بإستفهام' : شن في؟
أوس 'بلع ريقه بتوتر' : هـ.. جيت بناخذ الملف نسيته.
اسر 'تلفت للطاولة بعدين شاف لأوس من جديد' : ما في شيء هنا.
أوس : ها؟ ... ا معناها نسيتها في الغرفة متاعنا
اسر 'رفع حواجبه' : في الغرفة؟
اوس : اي.
اسر 'هز رأسه بشك' : به امشي هي.
اوس 'دار التحيه بسرعة و مشى'
اسر 'شاف لطلال' : خيره هذا؟ مش عاجبني من كم يوم.
طلال 'إبتسم' : مش عارف.
اسر 'قعد مركز على وجه طلال لفترة' : لو نعرف انكم تلعبوا في لعبة مفرخ من وراي يا طلال مش حيصير خير.
طلال : ها؟ ... انا ما دخلي في شيء 'وقف' .. عن إذنك يا امر.
اسر 'هز رأسه بموافقة'
طلال 'طلع و سكر الباب'
أسر 'وقف قدام الطاولة و قعد يشوف للصندوق الأسود.. حط يدّه على القفل و قعد يشوفله لثواني، رد يدّه لجيبه و قعد يلف في المكتب، لفتت نظره الرصاصة اللي كان حاطها في نص طاولته، خذاها في يده و إبتسم' : حتندمي في حياتك كلها على اللعب معاي... مدارهاش رئيس دولة بيديرها جندي؟ ... لا و بنت الزيادة 'ضحك بإستهزاء و قعمز يشوف في باقي الملفات'
_____________________________________________
في غرفة الشباب...
غالب 'مقعمز على سريره و يقرا في الملف بكل جديّة'
محمد 'مقعمز في المكتب اللي كان في زاوية الدار و يتفرج على التسجيلات بتركيز'
أوس 'متكّي على سريره و يقرا في معلومات الجنود بملل'
طلال 'مقعمز ينظف في سلاحه و يشوفلهم مرة مرة'
أوس 'تأفف' : تو علاش عطاني الملف الممل هوا.
طلال : لإنك الوحيد اللي تفهم في لغتهم و تعرفها.
أوس : تعلموها مش صعبة را.
طلال 'شاف لأوس و رجع ينظف في سلاحه'
أوس : وين الحارث؟
محمد 'صفر' : يا شباب في عندهم وحدة عسكرية مش للضي.
طلال 'حط سلاحه و وقف وراء محمد' : حي على امه.
غالب 'حط الملف و وقف جنب طلال' : وينها؟
محمد : استنى 'رجّع التسجيل شوية' .. اهي بتطلع توا.
غالب : أُوبااا.
أوس 'رافع حواجبه و يشوفلهم' : عندكم الحق ليكم 5 سنين من غير النتايات .
محمد : و الله محلاهم هي.
الحارث 'فتح الباب و قعمز جنب أوس' : جيتكم.
طلال 'ضرب محمد على رقبته' : أشحط روحك يا بناوتي.
محمد 'حط يده على رقبته و شاف لطلال' : تي خليت سلاحك و جيت تجري.
طلال : بنشوف ذوقك بس 'قعمز في مكانه و رجع ينظف في سلاحه'
محمد : شن معنى كلمة مرأة بالنسبة لقاموسكم.
طلال : حنان، حب، هدوء.
أوس 'ضحك بخفة'
الحارث : دلع، نقّان، مياعة، نفخ.
غالب : نكد، إسراف، جمال.
محمد : و انت اوس؟
أوس 'حط الملف ع جنب و قعمز' : النساء يا عسكري انت و هو أنواع، و كل نوع يبي قاموس بروحه... المرأة مش مجرد كلمة و تبي معنى.
الحارث : امالا شني؟
أوس : المرأة مخلوق سايكو في ستين ألف حالة مزاجيه في الدقيقة الوحدة، كلامهم هلبا و نكدهم هلبا و طلباتهم هلبا.
'ضحكوا كلهم و كل مرة واحد يقول حاجة بإستهزاء'
الكاتبة_حنين_الشوق
آسر 'فتح الباب و شافلهم'
'في لحظة كانوا كلهم واقفين في صف واحد قدامه'
آسر 'رفع حاجبه و شافلهم بعصبية' : مسيبين خدمتكم و لاهيين تهدرزوا ع النسوان!
'شافوا لبعضهم بعدين شافوا للأرض'
آسر : احنا هنا مش جايين نلعبوا، احنا نحموا في بلادنا و ندافعوا عليها... شدّوا خدمتكم خير ما ندير عليكم خط 'طلع و سكر الباب بقوة'
أوس 'حذف روحه ع السرير' : الله عليك يا ولد امي 'خذى الملف و رجع يقرا فيه'
الحارث : هي امالا، نطلع نكمل تدريبات خير ما نلقى روحي في الإنفرادي 'خذى سلاحه و طلع'
طلال 'شد سلاحه و رجع ينظف فيه'
أوس 'يشوف للملف' : طلال راهوا تنظيف السلاح مش امر من القائد، و ليك ساعة تنظف فيه و هو ميبيش 5 دقائق.
غالب 'ضحك و شاف لطلال' : حق و الله.
طلال 'باس سلاحه' : تي هذا اعز صاحب عندي، انظفه حتى يوم كامل.
أوس 'هز رأسه بلامبالاة و قعد مركز في الملفات'
محمد 'وقف فجأة و خذى اللابتوب و طلع بسرعة'
غالب : خيره هذا؟
طلال : أبصر شن شاف في التسجيل.
غالب : ربي يستر.
_________________________________________________
أنت تقرأ
رصَاصِةْ العِشق ((من سلسلة الحب في قلب العسكري))
Actionرواية باللهجة الليبية، تحكي عن شاب عسكري مغوار، يحارب حتى يحمي بلاده و في لحظة و من دون مقدمات يقع في الحب ❤ ~~ ~~~~~~~~~ لا تقهقر أمام الفراق لا إستسلام أمام الظروف لا تعاون مع أعداء الحب فقط قوة و عزيمة و حب لا ينتهي هكذا هو الحب في قلب العسكري�...
