رصَاصِةْ العِشق ((من سلسلة الحب في قلب العسكري))

البارت العاشر

#رصاصة_العشق
#حنين_الشوق
.
.
.
{لا نليق بالحُب نحن يا سيدي
فأنت تُكَــابر و أنا لآ أنحنِي}

آسر "بهدوء" : معاش تعلي صوتك عليا.
وتين : حتى انت.
اسر : انا عليته بسببك.
وتين : تمام بِه.
أسر 'هز رأسه و قعدوا يشوفوا لبعض'
وتين : ممكن تباعد؟
أسر : إنتِ اللي وقفتي قدامي.
وتين : وقفت قدامك لما كنت مقعمز، لكن انت اللي وقفت.
آسر : إنتِ اللي بديتي بأول خطوة.
وتين : و انت اللي قربت بآخر خطوة.
آسر : البادي هو اللي يتراجع.
وتين : اللي كان السبب هو اللي يتراجع، و بفضل خطوتك الآخيرة احنا هكي.
آسر 'قعد يشوفلها لثواني و وخر خطوة للخلف' : هكِـي كويس؟
وتين 'وخرت خطوتين' : هكِـي احسن.
آسر : بهلبا
وتين : اي.
آسر 'رفع حاجبه' : جايبتيني هنا باش نسكتوا و نتفرج عليك؟
وتين 'ربعت يديها و رفعت حواجبها' : للعلم، انت جيت بروحك هنا.
أسر 'سكت شوية يستوعب' : إنتِ اللي قلتي على مكانك و انك ديما هنا.
وتين : و هذا مَش معناه انها دعوة باش حضرتك تجي.
أسر 'ضغط على سنونه بقوة و مر من جنبها بكل برود توجُّهاً لسيارته'
وتين : على فكرة جيّتك كانت حلوة، نتمنى ان تجي مرة ثانية.
أسر 'حط يده على باب السيارة و تلفتلها' : نعتبرها دعوة هذه؟
وتين 'إبتسمت' : اي.
أسر 'هز رأسه و ركب السيارة، رجع للمعسكر و أول ما خش تقابل مع طلال و غالب'
غالب : خير ان شاء الله يا امر، وين كنت؟
أسر 'شاف لغالب بجدية' : في قعر جهنم، شن دخلك؟
طلال 'طبطب على كتف غالب' : غالب قصده يقول، ان انشغلنا عليك لما لقينا المكتب فاضي.
أسر 'شاف لطلال' : مفيش داعي تنشغلوا عليا، انا عندي عقل يقدكم كلكم 'لف و مشى لمكتبه'
________________________________
في مكان التدريبات...

أوس 'قعمز جنب الحارث بحيل مهدود' : عييت خلاص.
حارث 'حاط يده على رقبته و رافع رأسه' : رقبتي تشنجت.
أوس 'شاف الحارث' : وين ترا؟
الحارث : فكني منك يا راجل.
أوس 'ضحك' : به.
الحارث "بهمس" : مش طالعين اليوم؟
أوس : بنطلعوا، لازم نتلاقى معاها و نعرف شن صار.
الحارث : به هيا قريب تغرب الشمس.
أوس : خليها في الليل احسن.
الحارث "بإستغراب" : علاش؟
أوس 'قعد يشوف للسماء' : الليل ساتر، و مَش حيحسوا بغيابنا.
الحارث : ربي اللي يستر مَش الليل.
أوس : عارف.
طلال : تعالى انت و ياه يبينا الآمر.
أوس 'وقف و مد يده للحارث' : هي.
الحارث 'شد في يد أوس، وقف و مشوا للمكتب'
آسر 'واقف قدام الشاشة الكبيرة و يشوفلهم' : نبيكم تركزوا في اللي بنقوله، توا جت أوامر لعملية ثانية حتكون بعد ما ندمروا المعسكر متاعهم.
الحارث : هو احنا لحقنا ع الأولى باش يعطونا غيرها؟
أسر : لإن العمليتين مرتبطين ببعض، منقدروش نقولوا ان البلاد تحررت الا بعد العملية هذه.
طلال "بإهتمام" : اللي هي؟
أسر 'فتح الشاشة و بدت الصورة توضح تدريجيا و كل مرة تقرب لين بان المكان اللي هما فيه بالتفصيل' : زي ما تشوفوا هذا معسكرنا و الجهة اللي محيطة بيه 'خذا جهاز التحكم من على الطاولة و بدا يحرك في الكاميرا' ... اللي انا نتحكم فيه توا هي طائرة بدون طيار صغيرة تجول فوقنا حاليا، هي صح صغيرة لكن الأجهزة اللي فيها قيمتها كبيرة 'قعد يحرك في الطائرة لجهة بعد معسكر المحتلين، وقّف الطائرة فوق مكان أقل وصف ليه هو الدمار، منازل مهدمة و محلات مضروبة بصواريخ، تنهد أسر و تلفت للوجوه المستغربة و المصدومة' ... هذه المدينة اللي هما محتلينها، قتلوا و عذبوا الناس اللي فيها، دمروا المحلات و نهبوا المنازل.
أوس "بعصبية" : تي كيف يديروا هكِـي كيف؟.. يعني الشيء اللي جينا للحرب باش ميصيرش صار و احنا هنا!
محمد : يعني اليوم اللي كنّا نموتوا ولا نحضروه صار؟
أسر 'هز رأسه' : اي للأسف، توا مهمتنا يا جنود هي ان نفكوا الحصار عن هذه المدينة، يعني نطلعوهم من المعسكر و من البلاد كلها، بعدين نخشوا للمدينة و تشوفوا شن صاير عن قرب ... تفكروا ديما ان مهمتنا حماية الشعب، و أرواحنا فداء ليهم و للوطن.
طلال : امتى بنبدوا في التنفيذ؟
أسر 'سكر الشاشة و وقف قدام الطاولة' : بعد إسبوع تحديداً يوم الإثنين في الليل حتكون الضربة القاضية ليهم، طبعا هذا مع الهجمتين اللي بيصيروا في هالإسبوع.. اي و يوم الإثنين حيكون في هدف ثاني.
غالب : اللي هو؟
أسر : عندهم أجهزة ضد التنصت و تشوشلنا في الرؤية لازم نلغوا نظامها.
غالب : و وين موجودة هذه الأجهزة؟
أسر : في مكتب قائدهم.
أوس : ساهل الموضوع.
أسر : تو صفّوا عقلكم باش تفهموا اللي بنقوله لهجوم بعد غدوه.
'وقفوا بإستعداد و ركزوا معاه'
أسر 'قعد يشرحلهم في خطة الهجوم الإعتيادية و الخطة البديله و كيف حتكون، ختم الإجتماع بحماس في قلوبهم و إستعداد للحرب، طلعوا كلهم بعد تحيّت قائدهم الا غالب'
غالب : خير يا أسر، حسيتك تفكر في حاجة.
أسر 'شاف لغالب' : مزال عندنا خاين.
غالب : حتى انا هكِـي حاس.
أسر : في مني شاك؟
غالب : مَش معقولة يكون الخائن شخص قريب منك.
أسر : اي، لهذا انا قاعد نفكر.
غالب : رد بالك من خوك.
أسر 'شاف لغالب بمعنى شن تقول'
غالب : خوك في وراه موضوع مَش مريحني.
أسر "بإهتمام" : زي شني الموضوع؟
غالب : زي الموضوع اللي ادير فيه من غير علمنا.
أسر 'رفع حاجبه و شاف لغالب' : شن قلت؟
غالب 'إبتسم' : الخوت عندهم موضوع من ورانا و الله اعلم شن هو.
أسر 'شاف لغالب بجدية' : كلمة ثانية نحذفك في الإنفرادي.
غالب 'شاف للملف اللي كان على المكتب' : معقولة الموضوع يكون متعلق بيها؟
أسر : مني؟ 'شاف لوين ما كانت عيونه تشوف'.. شن دخلها!
غالب 'شاف لأسر' : منعرفش، شني يا اسر؟
أسر 'وقف قدام غالب' : تعرف يا غالب كان فتحت فمك في الموضوع هذا أنسى ان عندك لسان... ملف من ملفات العساكر محطوط ع الطاولة، شن الغريب في الموضوع؟
غالب : الغريب إن ليه شي اسبوع ع الطاولة... المهم يا قاائد، فكك من الموضوع خير 'لف و طلع قبل ما يسمع جواب اسر'
أسر 'قعمز ع الكرسي و قعد يشوف للملف' : شن هو اللي بيني و بينك؟ حتى في نومي مقلقتيني 'تنهد و حط رأسه بين يديه'.. يا رب شن اللي قاعد يصيرلي؟... احسن حاجة نمشي نشوف السرية الجديدة و شن وضعهم 'وقف و طلع'
_________________________________________