رصَاصِةْ العِشق ((من سلسلة الحب في قلب العسكري))

البارت الثالث

#رصاصة_العشق
#حنين_الشوق
.
.
.
.

{ يقال ان في الحرب..
كل من تثق بهم هم الأعداء، و كل عدو يخطط لخيانتك}

محمد : انتوا الكبار و انا العيل بينكم أصلا.
غالب 'شاف لمحمد' : عارف روحك صار.
محمد : لما تكون الدوه معاك تكلم.
غالب 'رفع حاجبه' : لا يا واعر.
طلال "بعصبية" : متعرفوش تعيشوا 5 دقائق من غير عراك؟
محمد : للعلم احنا كنا ساكتين و جونا مليح لين جيت حضرتك.
طلال 'وقف و شافلهم بإستصغار' : ما ناقصني غير انتوا.
أوس 'حط يده على الطاولة بقوة و هو يلهث' : يا شباب 'خذى نفس بقوة و يحاول ينظمم دقات قلبه'
غالب "بتوتر" : شن في يا راجل تكلم.
اوس 'اول ما حاول يتكلم سمعوا صوت رصاص'
محمد 'وقف' : شن هذا؟
اوس "بإستعجال" : في رتل هاجم علينا.
طلال 'سحب سلاحه' : بسرعة يا ولاد شن تستنوا، أوس و محمد اطلعوا من الباب الخلفي و امشوا للآمر، اقعدوا جنبه و احموه بأرواحكم.. و انت يا غالب تعالى معاي.
اوس : تم، هي يا محمد.
محمد 'خذى سلاحه من على الطاولة و طلع مع اوس'
غالب 'شد قناصته و شاف لطلال' : هيا.
طلال 'طلع و لحقه غالب، اول ما وصلوا للساحة لقوا الجنود كلهم يحاربوا و الإشتباك بينهم كان عنيف'
👑الكاتبة حنين الشوق👑
طلال 'شاف لغالب' : غالب انت و فارس أركبو فوق مبنى المبيت.
غالب : تم 'صفر و نادى على فارس'
فارس : نعم.
غالب : جيب قناصتك و تعالى معاي.
فارس: اهي في ظهري.
غالب : تمام، ألحقني 'طبطب على كتف طلال و مشوا'
طلال ' قعد يحارب معاهم لين حس ان قوتهم أكبر و الشباب متشتتين، شافلهم و تكلم بأعلى صوته' : يا شباب، تقسموا على اساس الخطة ب.
علي 'شاف لطلال' : تم.
ـــــــــــــــــــــــــــــــــــــــــــــــــــــــــــــــــــــ
عند أوس و محمد...

أوس ' شاد سلاحه في يده و واقف قدام الباب في كامل استعداد'
محمد : يلف في الدار و قلبه يغلي على الشباب و صوت الرصاص اللي مالي الدنيا'

محمد : زعما شن صاير برا؟
أوس "بعصبية" : محمد متقعدش تنق فوق رأسي زي العزوزه، هاذي عاشر مرة تقول فيها نفس الجملة.
آسر 'فتح عيونه بصعوبة و اول ما بدأ صوت الرصاص يتخلل سمعه قعمز بصعوبة' : شن في؟
أوس 'شاف لآسر' : آسر إهدى و متتهورش.
آسر 'شاف لمحمد بعدين لأوس' : واحد منكم يشرحلي اللي صاير توا.
محمد: في رتل هجم علينا توا، احنا هنا نحموا فيك.
أوس 'فنص في محمد'
محمد 'هز رأسه بمعنى خيرك'
آسر 'وقف و حس بوخز في قلبه لكن صوت الرصاص خلاه يوقف قدام الشباب و يتجاهل وجعه' : متقعدوش تشوفوا لبعض هكي توا، أوس مد لي السلاح اللي جنبك.
أوس : اسر انت صحتك متسمحش، الشباب برا قائمين بالواجب.
آسر "بعصبية" : كلمة وحدة هي، هات السلاح.
اوس 'خذى السلاح و شاف لآسر' : منقدرش نضحي بيك يا اسر.
آسر 'تأفف و شاف لأوس بجدية' : يا عسكري هات السلاح، هذا أمر من آمر الكتيبة مش من خوك.
أوس : مستحيل نكون انا السبب في تراجع حالتك الصحية.
اسر "بعصبية" : بنعد للثلاثه منلقاش السلاح قدامي بنتصرف معاك ع اساس انك خالفت الأوامر، و مفيش امي ارحميني.
محمد 'خدى السلاح من أوس و اول ما وقف قدام اسر تكلم أوس'
اوس : شن الهدوء هذا؟
آسر : شن صار؟
محمد 'شافلهم بحِيرة' : نطلعوا؟
اسر 'هز رأسه بموافقة و خذى السلاح من يد محمد' : هيا 'فتح الباب و طلعوا الثلاثه وراء بعضهم بهدوء'
محمد "بهمس" : كان يطلع كمين؟
آوس : كمين شني يا دماغ، و الجيش اللي كان يحارب؟
محمد : ماتوا.
اوس 'شاف لمحمد' : فوق من 500 جندي را.
آسر "بصوت واطي" : 450.
اوس : نعم؟
آسر : سكروا فمكم خير.
أوس : طلال.
طلال 'تلفت' : خيركم طلعتوا؟.. اسر خطر انك تنوض من سريرك، ممكن في اي لحظة يغمى عليك.
آسر 'تجاهل كلام طلال' : شن الهدوء هذا؟
طلال : انسحبوا فجأة.
اسر : كم عندنا جريح و كم الضحايا؟
طلال 'إبتسم' : مفيش ولا جريح و ولا واحد مات.
آسر 'عقد حواجبه بإستغراب'
محمد : الحمدلله.
أوس : هكي الصح، رغم كل الإشتباكات اللي صارت مفيش جرحى و ضحايا.
طلال 'شاف لآسر' : شن في يا قائد؟
آسر : اوس عاود اخر جملة قلتها.
اوس "بإستغراب" : علاش؟
اسر : عاود و تو تعرف السبب.
أوس "ببطء" : رغم كل الإشتباكات اللي صارت مفيش جرحى و ضحايا 'شاف لاسر بمعنى شني'
آسر : الحقوني لمكتب التخطيط و جيبوا معاكم غالب.
محمد 'شافلهم بتوتر و مشى وراء آسر'
اوس : تناديه انت غالب؟
طلال : قريب من هنا هو 'نادى عليه بأعلى صوت'
غالب : نعم.
طلال : تعالى بأسرع ما يمكن.
أوس : بنمشي انا و انتوا الحقوا.
طلال : به.
اوس 'لف و مشى للمكتب، اول ما خش لقى اسر واقف قدام الروشن و يتفرج على الجنود اللي كانوا في الساحة، اما محمد واقف قدام الطاولة و يشوف لخريطة المدينه.. تقدم لجهة محمد ووقف جنبه' : في شن تفكر.
محمد 'زفر بهدوء' : شيء، وين طلال؟
اوس : يستنى في غالب.. شوية و يجوا مع بعض.
آسر 'مشّى يده على شعره الكثيف بعدين على لحيته و تلفت للشباب' : أوس اوقف في مكانك.
أوس 'هز رأسه بخفة و وقف في مكانه'
طلال : السلام عليكم.
°وعليكم السلام°
آسر : هي اوقفوا في اماكنكم بسرعة.
. 👑الكاتبة حنين الشوق👑
'اسر كان في مقدمة الطاولة و على يمينه أوس و بعده طلال و على يساره غالب و بعده محمد'