رصَاصِةْ العِشق ((من سلسلة الحب في قلب العسكري))

البارت الأخير

#رصاصة_العشق
#حنين_الشوق
.
.
.
الدكتور : المريض عنده إضطرابات نفسية... خلينا الحرارة تنخفض و رجع لوعيه، تقدروا تشوفوه و تفهموا منه اكثر.
طلال : شكرا يا دكتور 'خش لأسر و قعمز جنبه'.. الحمدلله على السلامة.
أسر : الله يسلمك.
طلال : شن صارلك احكيلي.
أسر : شيء، تعبت و خلاص.
طلال 'حط يده على كتف أسر بمواساة' : الخيرة فيما اختاره الله.
أسر : لِـي شن تلمح؟
طلال : انت فاهم قصدي.
مودة 'فتحت الباب و وقفت تشوفيهم'
أسر : تعالي وخيتي.
مودة 'وقفت جنب أسر و ابتسمت' : الحمدلله على سلامتك وخيي، خوفتني عليك.
أسر 'إبتسم' : ربي يحفظك.
طلال 'حمحم بصوته و وقف' : هي امالا نشوفك في المعسكر يا امر.
اسر : طريقك زينه.
طلال 'طلع و خشوا اوس و نسيم'
اسر : منورين و الله، تاعبتكم معاي.
أوس : هي اوراق الخروج عندي، ولا مَش ناوي تطلع.
اسر : لا هيا 'طلع، ركب مع اوس و روحوا لحوشهم'
الأم : الحمدلله على السلامة، شن قاللكم الدكتور؟
أسر 'شاف لأوس و مشى لداره، قعد يشوف للسقف و يفكر لثواني، طلع تليفونه من جيبه و بعت رسالة، قعمز على الكرسي في زاوية الدار و في نفس اللحظة انفتح الباب' : تعالي و سكري الباب.
مروة 'سكرت الباب و قعمزت قدام اسر' : نعم.
أسر : نبيك تهدرزي، احكيلي كل شيء في قلبك.
مروة 'شافتله بإستغراب' : شني؟
أسر : مروة... انا خوك الكبير و نخاف عليك من الهواء، نبيك تحكيلي و متخليش شيء في خاطرك، قوليلي كان تحبي حد، انتِ كبرتي بعيدة عليا و على أوس، منبيكش اديري حاجة تندمي و تندمينا عليها.
مروة 'أبتسمت' : من الناحية هذه إطمّن، انا مخشيتش في سريب العلاقات و الحٌب لإن ديما نفكر فيكم و في سمعتكم، و غير هكِـي ما عندي ما نحكي.
أسر : مروة مَش عيب إنك تحبي، لكن مفهوم الحُب في مجتمعنا غلط، الحُب مَش حرام يا مروة الأفعال و الكلام اللي نقولوا فيه تحت مسمّى الحٌب هو الحرام... منبيكش تحسي انك وحيدة لإن مودة تزوجت، انا هنا و ديما نسمعلك و أوس حتى هو فاتحلك قلبه.
مروة : ربي يخليكم ليا، باهي تو انت قولي، اسر انت تحب بنت صح؟
أسر 'قعد ساكت و يشوفلها'
مروة 'صفقت بحماس' : معناها صح تحب، من هي و كيف تلاقيتوا.
أسر : فوتي الموضوع توا خلاص، الخميس خطبتي فأنسي.
مروة : علاش بتخطب و انت قلبك عند وحدة ثانية؟... أسر متضحّيش بحبك على خاطرهم، انت اللي بتتزوج و انت اللي مفروض تقرر.
أسر : نعرف، لكن هي في بلاد و انا في بلاد، بينا إختلاف عادات و مجتمعات و إختلاف أديان و عقائد، اصلا بداية هالحب خطأ، حبيتها و بين و بينها حروب.
مروة 'شدت يد أسر و حطت عينها في عينه' : مَش أسر خوي اللي يستسلم، خوي يحارب على خاطر الحاجة اللي يبيها، و الحٌب يستاهل انك تقيم حرب على خاطره... متخليش البعد يفرقكم و حبوا إختلافاتكم و إحترموا أديانكم، مَش غلط انك تحب يهودية ولا مسيحية الغلط انك تسيبها على خاطر الإختلاف.
أسر 'زفر و شاف الروشن' : مروة انتِ متعرفيش القصة، بنسكر الموضوع و بنبدأ حياة جديدة، بنتزوج دانيا ولا رانيا هذه و خلاص.
مروة : انت مش عارف حتى اسمها و بتبدا معاها حياتك! 'طلقت يده و وقفت' فكر و متتسرعش، امتى ما تقرر الحرب لمصلحة حُبك انا حنكون أول جندي يحارب في صفك يا قائد 'طلعت و سكرت الباب'