البوست ده خاص بمتابعين الفيس وحبيت أنزله هنا كمان علشان يوصل لكل متابعين الرواية
صباح الخير أولاً
هو أنتوا مصدومين كده ليه أن ليل جزئين دي أول جملة كتبتها في الفصل الأول 😒
ليل جزئين الجزء الأول كتبته بالضبط من ٣ أغسطس لـ ١١ يناير يعني في خمس شهور تقريباً
والجزء الثاني قيد الكتابة وغير مكتمل فبالتالي مش هينزلوا ورا بعض احتراماً لنفسي وليكم ✋ أنا لا بحب أنشر على ما تفرج ولا بحب أدبس نفسي في نشر عمل غير مكتمل
أنتوا زعلانين أنهم مش ورا بعض وأنا بنتظر نهاية النشر بفارغ الصبر متخيلين كم الضغط عليا، بيت وطفلة ومدارس ومذاكرة وكتابة ونشر وعليهم تعب وقلة نوم 😡 أنا بقالي أسبوعين مش لاقيه وقت لنفسي ولا بلحق أرد على التعليقات وفي ناس زعلت معرفش ليه بصراحة أنا لما بتواجد برد على الكل بالحساب والبيدج والجروب والواتباد وكل الأماكن اللي بنزل فيها
أنا قولت أكتر من مرة أن بعد الجزء الأول من ليل هاخد أجازة وبعدها هرجع بالجزء التاني لسلسلة حورية قلبي اللي في ناس منتظراه من سنتين
وللعلم الجزء التاني لليل أصعب من الأولاني بكتير ومعنديش أي استعداد أكروته كتابة علشان أنشره
الأهم من ده كله في بعض المتابعين بيعلقوا بقلة ذوق بقالهم فترة وأنا ساكته وبفوت بمزاجي بس قسماً بالله أنا لما بقفل من حد ما بشوفش هو مين، العلاقة بينا الاحترام هو الأساس فيها ومش علشان بضحك وأهزر أبقى سعيدة ومبسوطة ربنا يعلم اللي بالقلوب
زي اللي تقولي حرام عليكي إحنا بننسى الأحداث ليه تلات أيام وبتتاخري في النشر من أمتى اتاخرت في النشر وتلات أيام مش قليل غيري بينشر مرة كل أسبوع ومرة كل أسبوعين 😡
وبعدين معلش بقى بتابعوا المسلسلات التركي بالسنين وهي أصلاً فيلم هندي ومش قادرين تصبروا أقفل الجزء 😡
ده أنا قعدت أربع سنين أتفرج على مسلسل Lost كان بيجي شهر واحد في السنة وانتظره من السنة للسنة وقعدت ست سنين أتابع مسلسل تركي 😒
أدمونات الجروب بيقنعوني ما اعتزلش بس واضح أني هاخد القرار وأنفذه للمرة التانية لأن مفيش حاجة بترضيكم للأسف وأنا تعبت بجد 😔
أنت تقرأ
ليل - منى سليمان (الحكاية الثالثة لثلاثية قدر النساء)
Romanceالمقـــدمــة آه يا قلبي... لِمَ تنسى الدنيا دوما حظك من الفرح والسعادة؟ لمَ كُتب عليك العذاب من الشخص الوحيد الذي سلمته مفتاحك فاستولى عليه وبادل مشاعرك بالذل والمهانة؟ إلى متى ستظل تنبض بإسمه وإلى متى ستبقى أسير عشقه وبلا كرامة؟.. تحول العمل إلى...
