الحلقه العاشره
مروه :في ايه يا بنتي ؟؟
شيماء راجل بره يا ماما
مروه :طب ادخلي جوه انتي واختك
خرجت الحاجه مروه بعد ما لبست نقابها
مروه :معلش يا ابني اصل البنت منقبه وكانت فاكره اخوها اللي رجع من الشغل
ايه ده ازيك يا عم امين اتفضل
امين :والله يا ام عماد الحج صلاح قالي أن عماد في البيت
الحجه مروه :ولو مش في البيت اتفضل انت وضيفك
امين وقاسم :يزيد فضلك
دخل قاسم وأمين صاله الاستقبال ودخلت الحجه مروه العصير
الحجه مروه :اهو الحج صلاح جه وعماد كمان اخرج انا بقي شرفتوا
دخل الحاج صلاح وعماد
صلاح وهو بيسلم علي امين والشاب اللي معاه اللي ميعرفوش :معلش يا امين الطريق كان واقف انا كنت فاكر عماد في البيت
امين :حصل خير
صلاح :ازيك يا ابني
قاسم :الحمد لله بخير ...
امين :ده قاسم الباشمهندس اللي جاي من اسكندريه هو ميعرفش حد هنا غيري
جوز اخته قريبي عايزك تكرمه هو ساكن هنا جمبيكم في عماره الحج جابر
عماد :اهلا وسهلا يا قاسم تشرفنا ...
قاسم :,انت عماد صح ؟؟
عماد :ايوه عماد ...شرفتنا يا قاسم
صلاح :عايزك تعتبرنا اهلك وعماد اخوك
قاسم :شرف ليا يا حج صلاح
عماد :لازم تتغدو معانا لازم
قاسم :لا والله مش هقدر انهارده فرصه تانيه
عماد :اتمني تعتبرني اخوك انا هنا في اي وقت تحتاجني فيه كفايه انك من طرف عم امين
قاسم :إن شاء الله يا عماد وانا يشرفني اني اتعرفت علي ناس زيكم والله يلي السلام عليكم
عماد والحج صلاح:وعليكم السلام
خرج قاسم من البيت
في الشارع
قاسم :ياعم امين مكانش لازم انهاده عجبك منظرى قدام الناس دلوقتي
امين :يا قاسم دى بنت الحج صلاح ...شيماء وبعدين احنا كنا نعرف منين أن اخوها مش هنا ما الحج صلاح نفسه قال اطلع فوق عماد موجود
قاسم :حصل خير بس شكلهم ناس محترمين جدا والله ...
امين :الشارع ده كله ناس محترمين من اول بيت الحج صلاح لحد بيت الحج حسني ابو عمار ناس كويسين اوى مع الوقت هتتعرف عليهم يلي اسيبك انا بقي ترتاح شويه زمانك تعبان من السفر وكمان اشتغلت انهارده ....يلي مع السلامه
قاسم :سلام
طلع قاسم البيت وبعد الحمام نام علي طووول
................
في بيت يارا
رانيا :انا خلاص مش قادره اصدق بعد بكره ده بعيد اوى والله خلوهم ييجو دلوقتي
سماح :يا بنتي دول في اسكندريه وبعدين احنا لسه مخلصناش كل حاجه
ياسمين :مبروك يا عروستنا الحلوه ايوه كده يا شيخه فرحتينا
يارا :جماعه والله انا مبسوطه بلمتكم حوليا دى بالدنيا والله
ثناء :بقالنا كتير مفرحناش والله الحمد لله
سماح :,جهزتي الفستان يا يارا ؟؟
يارا :,اها خلاص كله تمام
ياسمين :علي فكره شكلك حلو اوى كده مع انك كنتي رافضه الخمار ده من ايام رانيا ما بدات تلبسه
رانيا :بس خلاص الحمد لله بقت قمر اوى كده
سماح :كنتي استنيتي بعد الشبكه
يارا :لا كده حلو والله
ياسمين :انتي اصلا قمر في اي حاجه يا روحي
...........
في بيت خديجه
كانت خديجه نايمه علي السرير من كتر الوجع الي بتحس بيه علي طول نايمه وبتاخد مسكانات ومنومات
دخلت ناهد الاوضه
ناهد :خديجه يا بنتي قومي كفايه نوم
خديجه بتعب :صاحيه يا ماما صاحيه
ناهد :طب تعالي اقعدى معانا بره يلي متفضليش لوحدك كده
خديجه :مش قادره اتحرك ومش قادره اتكلم سيبيني
ناهد :يا بنتي الحاله اللي انتي فيها دى مش حلوه ....ايه يعني لما متخلفيش .
خديجه :مقتنعه بالكلام ده ؟؟
ايه يعني اما اتحرم من الامومه ؟؟؟ومن الجواز وحتي من أن انا اعيش طبيعيه زى اي بنت من غير ادويه ماما انا بقيت اخاف ازعل انام مقومش يعني حتي الزعل والكبت اللي جوايا خايفه أطلعه عايشه في رعب نفسي ديق علي طول وفي اي وقت وأي مكان بيغمي عليا ....
الحمد لله يا ماما الحمد لله
ناهد :احمدى ربنا يا بنتي انتي قادره تمشي وتتكلمي غيرك عاجز
خديجه :الحمد لله
ناهد :طب عارفه مين اتخطبت ؟؟يارا جارتنا وعزماكي علي الشبكه يوم الخميس
خديجه :مبروك
ناهد :بصي يا بنتي اللي كاتبه ربنا هو اللي هيكون عيشي حياتك يا خديجه انتي صغيره وسيبك من موضوع الجواز والخلفه ده يعني هما اللي اتجوزوا عملوا ايه ؟؟
خديجه :انا عايزه اروح عند شيماء يا ماما هي لسه مخلصتش ؟؟
ناهد :هتخلص الماده دى بكره وخلاص
خديجه :طب هروحلها بكره يا ماما
ناهد :روحي يا حبيبتي اخلي عمار يوديكي ويجيبك
خديجه 'ان شاء الله يلي طالعه معاكي بره اهو
ناهد :ايوه كده قومي كده وسيبك كله رايح
..........
في بيت شيماء
شيماء يادى الكسفه كده بشعرك حتي من غير حجاب اقول ايه بس غبيه
...انا بقول نذاكر الماده بتاعه بكره دى ونخلص علي شأن انا تعبت والله
.....
تحت في الصاله
مروه :ها يا ابني لسه علي قرارك
عماد :,ايوه يا امي كلمي امها بكره
مروه :طيب يا عماد براحتك
صلاح :جرى ايه يا مروه ده منظر واحده ابنها هيخطب مالك ؟؟؟ البنت لا يعيبها شئ علي خلق ودين والإعمار والصحه دى بيد الله ولو علي الخلفه برضو ده شئ مكتوب
مروه :ماشي يا ابو عماد ماشي حاضر
صلاح :ابتسمي كده ما انتي طول عمرك بتحبي البنت
مروه :احبها اه ...لكن اجوز ابني الوحيد لواحده ايد في الدنيا وايد في القبر ليه يعني
صلاح :استغفرى ربنا يا مروه الاعمار بيد الله
مروه :ونعم بالله يا صلاح
..........
انتهي البارت اتمني يعجبكم لو عجبكم ياريت تصويت
احبكم في الله 💓💓🌻
