وهذا هو عمرى

الفصل الثالث والاربعون

حلقه ٤٣
مر اسبوع بعد ولاده منار وكان اليوم هو يوم سبوع مصعب ابن هاشم ومنار
العائله كلها اتجمعت معادا خديجه لتعبها مقدرتش تروح
كلهم اتجمعوا
شيماء وهي شايله مصعب :ماشاء الله تبارك الله جبتي الحلاوه دى كلها منين يا منار
ياسمين :شبه اخويا هيكون لمين يعني 😂
دره :لا حيلك حيلك انا بنتي زى القمر هو في زى منار
منار :هاتو ابني انتوا هتقعدوا تعاينوه 😂😂
رن تليفون منار
منار :ازيك يا خديجه اخبارك دلوقتي عامله ايه ؟
خديجه :يارب اخلص بقي علي خير مش قادره اتنفس والله وزعلانه اني قاعده في البيت لوحدى مرحتش معاهم بس والله يا حبيبي مش قادره اتحرك اعذريني
منار :انتي بتقولي ايه يا دودو ربنا ميحرمنيش منك وتقومي بالسلامه أن شاء الله انا هجيلك بس اقدر انزل واجيلك
خديجه :مبروك يا حبيبتي ربنا يباركلك فيه وتفرحي بيه
منار :يا حبيبتي وعقبال ما نشوف هتجيبي ايه 😂
خديجه :إن شاء الله يا حبيبتي يلي سلام
منار :سلام يا حبيبتي خلي بالك من نفسك
تحت عند الرجال
هاشم :خلاص كل اللحم اتوزع يا عماد
عماد :اها يا أبا مصعب انا بنفسي كنت مع ماجد وهما بيوزعوا وكله اتوزع يتربي في عزك أن شاء الله
هاشم :عقبالك أن شاء الله ونردهالك في الأفراح وابني لازم يتجوز بنتك لو هتبقي بنت يعني 😂
عماد :قول إن شاء الله وبعدين ماجد هيتجوز ومصعب يبقي يتجوز بنت عمته الاقربون أولي يا هاشم
هاشم :لا هي نونوت في دماغي بقي ومصعب هيتجوز بنت عماد
عماد :ههههههههه قول إن شاء الله
.........
انتهت الحفله البسيطه وكل واحد رجع بيته
في بيت الحاج صلاح
كانت شيماء قاعده كعادتها في الاوضه دخل عماد
شيماء :اتفضل يا أبيه
عماد :يزيد فضلك يا حبيبه ابيه اكيد عارفه انا جاي اكلمك في ايه
شيماء :ابيه الموضوع ده منتهي بالنسبه ليا خلاص
عماد :متاكده
شيماء :يا أبيه انا مستحيل اتجوز قاسم
عماد :يا شيماء حرام عليكي والله ده كل يوم يكلمني ويسألني لو هو مش بيحبك ما كان شاف حاله يا شيماء وسابك وانتي اخر مره زودتيها اوى بصراحه شيماء انتي دايما بتوثقي في كلامي اشمعني دلوقتي ؟؟؟ ذا كان حامد ويارا نفسهم رجعوا لبعض انتي وقاسم هتفضلوا كده كتير
شيماء :انت رايك كده يا أبيه ؟
عماد:ايوه يا حبيبه ابيه بقالك سبع شهور كده خلاص كفايه الراجل استوى والله كل يوم بيسال عليكي
شيماء :خليه يستاهل كده احسن 😂😂😂
عماد :يا جاسيه 😂يعني خلاص أقوله صافي يا لبن
شيماء :لا اصبر نطمن علي خديجه الاول وتولد وبعد كده نتصالح
عماد :ماشي ياستي براحتك خليكي كده كتير
شيماء :يحمد ربنا انا كنت هسيبه اصلا
عماد :الله يهديكي يا شيماء يلي يا حبيبتي انا هطلع اشوف خديجه سلام
شيماء :سلملي عليها يا أبيه وانا شويه وهطلع اقعد معاها
عماد :لا متطلعيش دلوقتي 😂 خليكي هنا
شيماء :ماشي ماشي 😂
...طلع عماد الشقه وكانت خديجه بتصلي وسايبه الباب مفتوح علي شأن لما عماد يدخل
دخل عماد واستناها تخلص صلاه
عماد :القمره بتعيط ليه ؟؟
خديجه :خايفه يا عماد خايفه اوى
عماد :مالك بس سلامتك احكيلي
خديجه :مفيش حاجه انا هقوم احضرلك الغدا
عماد :تعالي هنا رايحه فين قوليلي مالك العياط ده كله ومفيش حاجه امال لو فيه حاجه
خديجه :عماد سامحني علي اي حاجه زعلتك فيها ياريت تسامحني
عماد :يا الله ....هو انتي عمرك رفضتيلي كلمه ...ده انا مشفتش منك غير الخير كله والله
هو انا في حد زيي كده طب ده لو كل النساء زيك يبقي الدنيا مش هيبقي فيها غير الفرحه
قومي تعالي اوريكي جبت ايه للبيبي
خديجه :تعالي وريني
عماد :قومي ندخل الاوضه ندخل الحاجات دى يلي علي شأن نرص الحاجه
خديجه :حاضر تعالي
دخل معاها عماد وخرج الاكياس من الشنط
عماد :بصي السرير ده علي شأن قلب ابوها لما تيجي
خديجه :ومش يمكن يكون ولد ايش عرفك انت ده حتي مرضتش نعمل سونار اعرف جنس المولود
عماد :خليها مفاجاه احسن وشوفي كل الهدوم دى جبتها اقعدى نتفرج بصي كل يوم هجيب حاجه جديده لحد ما يشرف أو تشرف اهم حاجه تقومي بالسلامه
قعدت خديجه وعماد يرصوا الهدوم في دولاب البيبي ومر اليوم وهما بيجهزوا الاوضه
بالليل وعلي سرير خديجه وعماد كان عماد نايم وخديجه صاحيه مش عارفه تنام من التفكير بعد اسبوعين هتدخل في الشهر السابع وتولد وممكن حياتها تنتهي
بصت لعماد بصه طويله واستجمعت كل قواها علي شأن متعيطش
فضلت باصه عليه وحطت ايدها علي رأسه
خديجه : عماد انا عارفه ان ممكن يبقى صعب عليك تتقبل الوضع اللي جاي بس على فكره ده غصب عني انا عارفه ان انا كده كده هموت  وعارفه كمان انه مش هعيش ومش هشوف ولادى يا عماد اها تؤام ودى المفاجاه اللي سيبهالك قبل ما اموت يارب بس ما تنسانيش يا عماد انا عايزك تفضل فاكرني يا عماد خليك فاكرني خليني ذكرى جميله كل ما تزعل تعال عند قبرى يا عماد اوعى تنساني
بحبك قوي يا عماد ما كنتش عاوزه اسيبك دلوقت والله لو بس الدنيا تديني وقت أطول بس اشوف ولادى اسفه اني في كل مره كنا بنروح للدكتوره كنت بخليها تكدب عليك وتقولك أن كل حاجه تمام علي شأن متخافش يا عماد اصل هتزعل من دلوقتي ليه ما انت طول عمرك هتفضل زعلان افرح يا عماد وياريت تبقي اقوى من كده وتربي ولادنا
ثم طبعت قبله علي جبينه ونامت وسلمت أمرها لله
مر الاسبوعين دول ودخلت في الشهر السابع وكان معاد ولادتها
في صباح يوم الولاده وكانت الدكتوره محدده أنه الولاده بعد العصر
دخلت خديجه اوضه شيماء
شيماء :يا حبيبتي ارتاحي كنتي اتصلتي بيا وانا هطلعلك فوق
خديجه :يا ستي عايزه اشبع منك يمكن ماشفكيش تاني
شيماء :خديجه متقوليش كده هعيط والله أن شاء الله هتبقي كويسه وكل حاجه هتبقي تمام
خديجه:إن شاء الله يا حبيبتي ...وطلعت ورقه من جيبها
شيماء خدى الورقه دى ابقي اديها لعماد واوعي تفتحيها
شيماء :متديهالوا انتي وانا مالي يا لمبي 😅
خديجه :اسمعي اللي بقلك عليه بس دى امانه معاكي
والورقه دى ليكي انتي والورقه دى لرقيه والورقه دى لعمار اخويا اديهالهم بعد ما اما اولد امانه عليك
شيماء :متديهالهم انتي يا خديجه متخوفنيش
خديجه :معلش اسمعي كلامي يا ستي
شيماء :حاضر يا حبيبتي
خديجه :انا بحبك اوى يا شيماء
حضنت شيماء خديجه ونزلت دموعها
شيماء :هتبقي كويسه والله إن شاء الله هتعدى علي خير
خديجه :بس حافظي علي الورق اللي معاكي دى امانه عليك
مرت ساعات اليوم وجه وقت انها تروح المستشفي
جت الحاجه ناهد والحاج حسني وعمار
راحت كل العائله المستشفي مع خديجه
قبل ما تدخل اوضه العمليات وهي بتتحضر
د.مني :انا لو حصلك حاجه لازم اقول لجوزك علي كل حاجه علي شأن ضميرى يا خديجه انا كدبت عليه كل ده
خديجه :قوليله يا دكتوره مش فارقه كتير
د.مني :انا هحاول بقدر الإمكان انا والدكاتره نكون حريصين أن كل حاجه تبقي تمام مع أن مفيش حد في حالتك يا خديجه بيتعرض لعمليات ولاده
خديجه :اللي كاتبه ربنا هو اللي هشوفه يا دكتوره
خرجت دكتوره مني وهي بتمسح دموعها
دخل عماد وهو خايف وكأنه حاسس باللي هيحصل
خديجه :عماد كويس انك دخلت تعالي اقعد جنبي ده شويه وهدخل العمليات
وعايزه اقلك حاجه
عماد :قولي يا حبيبه عماد
خديجه :بص يا حبيبي ...لو مت باليل ادفني الصبح بخاف من الظلمه ولو مت الصبح عيزاك جامد كده وانت تكون الامام بالناس في الصلاه عليا ....وانت اللي تدفني يا عماد ..وانت بتكشف الكفن عن وجهي وتوجهني للقبله اوعي تنسي اللي كنت بتعمله كل يوم قبل ما انام وتبوسني 😍...عيزاك تبوسني اه ما انا هنام برضو بس مش هقوم غير لما نقوم سوا في جنه الخلد يا حبيبي ....وانت بتصفف اللبن من فوقي متستعجلش اصل لو خلصت بسرعه مش هتشوفني تاني وبعد ما تخلص والكل يمشوا اقعد شويه ادعيلي ربنا يثبتني انا بخاف اوى من الظلمه يا عماد انت عارف ....خليك جنبي بالله عليك ولما تقعد شويه قبل ما تمشي تسلم عليا وتقولي يا خدوج مع السلامه زى ما كنت بتقول قبل ما تمشي لاي مكان وتعالي شوفني كل فتره بالله عليك متسبنيش لوحدى انا عشت لوحدى متسبنيش وانا ميته كمان لوحدى ...استودعك الله الذى لا تضيع ودائعه
عماد وهو بيمسح دموعه :يا خديجه تفائلي بالخير الدكتوره قالت كل حاجه هتبقي تمام
هنا دخلت الدكتوره
د.مني :يلي يا خديجه لازم تدخلي العمليات دلوقتي
خديجه :إن شاء الله يا دكتوره ....سلام يا عماد
دخلت خديجه اوضه العمليات ودكتوره مني ادتلها حقنه البينج
وقبل ما تغيب عن الدنيا نطقت الشهاده
مسافه ما فتحت الدكتوره مني بالمشرط حصل اللي كانت خايفه منه
خديجه عندها سيوله في الدم بدرجه عاليه وكمان ضغط دمها مرتفع جدا نزفت نزيف شديد
أحد الدكاتره :يا نهار اسود ومنيل المريضه هتموت لازم نقل دم بسرعه
د.مني :انا قلت كده من الاول بسرعه محتاجين دم
خرج الدكتور بيجرى  علي شأن يتصرف وكانت الدكتوره مني ولدت خديجه بالفعل لكن للاسف ماتت خديجه نتيجه انسداد الدعامات والنزيف
الجهاز صفر معلن عن وفاه خديجه 💔
بكت دكتوره مني وغطت وجه خديجه وخرجت من اوضه العمليات شايله الولد والبنت
خرجت لعائله خديجه بعيون مليانه دموع
جرى عماد عليها
عماد :ايه يا دكتوره هتفوق أمتي ؟
د.مني :انا لله وانا اليه راجعون شد حيلك يا استاذ
صرخت الحاجه ناهد
بنتي ماتت ....خديجه ماتت ؟؟ ااااااااااااااااااااه يا بنتي
بنتي ماتت منكم لله منكم لله منك لله يا مروه انتي اللي خلتيها تخلف منك لله اهي خلفت وماتت منك لله يا مروه منك لله
بنتي راحت مني وفضلت تصرخ لحد ما أغمي عليها
شيماء ورقيه انهاروا من العياط وعماد مصدوم ولا كلمه قالها
د.مني :شد حيلك يا عماد البقاء لله
عماد :انتي بتقولي ايه ماتت ...مش انتي قلتي أنها كويسه
مروه ببكاء شديد :لا مكانتش كويسه انا السبب انا اللي اقنعتها بالحمل وخلينا الدكتوره تكدب عليك وتقولك انها هتبقي كويسه
عماد قعد علي الارض ونزلت دموعه بشده
اخدت شيماء الاطفال من الدكتوره
رقيه:قوم يا أبيه هنعيط كلنا بعدين بس نودى الامانه لصاحبها الله يرحمها تعبت كتير بلاش عياط وادعيلها
عماد :ماتت وسابتني يا رقيه راحت مني يا رقيه خلاص مش هشوفها تاني راحت مني
صلاح وحسني :قوم يا ابني ووحد الله
صلاح :قوم يا عماد ورانا يوم طويل
عماد :مش هندفنها انهارده الليل ليل وهي كانت موصياني ادفنها في النور
حسني بأنهيار :طول عمرها كانت تقولي كده لو مت بالليل يا بابا ادفني الصبح
صلاح :انا لله وانا اليه راجعون
رجعوا جثمان خديجه البيت بعد ما اتغسلت ووضعت في كفنها ورجع الكل معاها للبيت
انتشر خبر موت خديجه في العائله كلها والكل كان حزين بشده والكل جه بيت الحاج صلاح
في صباح اليوم التالي كان يوم الجمعه
صلاح :هنصلي عليها يا ابني بعد صلاه الجمعه ....الله يرحمها ماتت ليله الجمعه
عماد :كانت موصياني يا ابي اكون انا الامام وانا اللي اصلي عليها
صلاح :إن شاء الله يا ابني يلي قوم ووحد الله ولادك ملهمش غيرك دلوقتي قوم وادعيلها بالرحمه
عماد :ياريتهم ماجم ولا كنت عايز عيال يا ابي ....انا بس كنت عايز خديجه
صلاح :وحد الله يا عماد كلنا هنموت يا ولدى وده امر الله
عماد :اللهم لا أسألك رد القضاء ولكن أسألك اللطف فيه
صلاح:قوم يا ابني الناس معايا والشباب تحت وأبوها علي شأن نخرجها المسجد
خرج جثمان خديجه من البيت بلا رجعه وقدمها عماد للمحراب وهي في نعشها
بعد الخطبه وصلاه الجمعه 
تقدم عماد المحراب وبدموع شديده وصوت يكاد أن يكون بكاء
عماد :صلاه الجنازه اربع تكبيرات الاولي يقرأ فيها الفاتحه ثم التكبيره الثانيه الصلاه الابراهيميه ثم التكبيره الثالثه يتم الدعاء للمتوفي والتكبيرع الرابعه الدعاء لكل المسلمين الاحياء منهم والاموات 
بدأ عماد الصلاه في مصلي النساء كانت كل نساء العائله بتصلي علي خديجه
انتهت الصلاه وخرج جثمان خديجه من المسجد وخرج المصلين من عائلتها وغير عائلتها يشيعون جثمان خديجه
وصلوا المقابر
حسني :انا اللي هنزل يا ابني انت تعبان
عماد :لا دى وصيه يا عمي معلش
تناول عماد خديجه بيد مرتعشه ووجهها ناحيه القبله وفك جميع الاربطه وكشف وجهها
وزي ما طلبت قبل جبينيها
صفف عماد اللبن من فوق خديجه وخلاص مش هيشوفها تاني
دفنت خديجه ودفن معها قلب عماد
دعي الجميع لخديجه أن يثبتها الله عند السؤال وان يجعل قبرها روضه من رياض الجنه
صلاح :يلي يا ابني لازم نمشي ورانا يوم طويل
عماد :امشوا كلكم انا لازم افضل هنا شويه
صلاح :مينفعش يا ابني اسيبك هنا لوحدك
عماد :وانا مش همشي دلوقتي يا ابي
صلاح :خلاص يا ابني هستناك بره
خرج الحاج صلاح ومشي الكل بقي قاسم وعمار والحاج حسني منتظرين عماد
جلس عماد بجوار قبر خديجه ورتل ايات من سوره البقره وسوره يس
مرت سعاتين وقام عماد ووضع ايده علي القبر
عماد :هتوحشيني اوى يا غاليه ...عند الله لقائنا
خرج عماد ومشي معاهم دون كلمه
اثناء العزاء كان عماد تايه جدا حاسس أنه بيحلم اكيد كل ده حلم وهحصي منه الاقيها
في بيت الحاج صلاح كان عزاء النساء
راحت شيماء جنب الحاجه ناهد
شيماء :انا زى خديجه برضو يا حجه
ناهد :بنتي ماتت خلاص يا شيماء ماتت
شيماء :في الجنه والله وطلعت الورقه
دى كانت سيباها معايا امانه لعمار اخوها ياريت متفتحيهاش هي موصيه أن هو اللي يفتحها
وقامت مشيت
وأدت رقيه الورقه بتاعتها وفتحت هي روقتها ومنتظره عماد يرجع تديله الورقه
بدأت شيماء تقرا كلام خديجه
بصي يا حبيبتي مش هوصيكي علي ولادى ملهمش غيرك دلوقتي اوعي يحسوا بالنقص يا شيماء انا دفعت حياتي كلها علي شأن اجيبهم
.......هتوحشيني اوى يا عمرى كان نفسي احضر فرحك بس أمر الله
......وعند الله نلتقي 💔خليكي مع عماد لحد ما يبقي كويس وحاولي تخليه يتناسي بس بلاش تنسوني
قفلت شيماء الورقه وقعدت تعيط وبصت لولاد اخوها في حضن امها وازداد بكائها
فتحت رقيه الورقه
...... حبيبتي مراه اخويا 😂
اها مراه اخويا اوعي ترفضي طلبي ده بيحبك اوى من زمان والله
وافقي بالله عليكي وفرحيه عمار ده روحي
.......هتوحشيني اوى يا رقيه خلي بالك من الأولاد  ..........اشوفكم علي خير في الجنه ⁦♥️⁩
خلص اول يوم عزاء ورجع عماد من دار المناسبات هو والحاج صلاح وكل النساء مشيت
شيماء :عماد ممكن دقيقه
عماد :مش قادر يا شيماء
شيماء :انا عارفه والله بس خد الورقه دى خديجه سابتها معايا امانه
اخد عماد الورقه بأهتمام
وبدا يقرأ بدموع شديده
بص يا حبيبي ...انا عارفه اد ايه الحياه هتبقي صعبه عليك ...بس انت كنت متوقع الخبر ده علي فكره ....كان نفسي بس الدنيا تديني فرصه او حتي وقت زياده بي .....عارف والله هتوحشوني كلكم رغم أن انا اللي هموت ....بس يا حبيبي وأبو عيالي الموت مش نهايه ابدا ربنا هيجمعني بيك في الاخره ...عارفه انك هتتعب بس اجمد كده ولادنا ملهمش غيرك دلوقتي ....اها صحيح 😅نسيت اقولك ان هما اثنين مش واحد .....كان لازم امنعك تروح معايا للدكتوره لو كنت سمعت كلامها كنت خلتني نزلت الحمل وانا كده كده هموت يا عماد ومن قبل ما نتخطب حتي وانا عارفه أن عمرى قصير ..... حبيبي خلي بالك من ولادنا وربيهم كويس خلي بالك منهم واوعي فيوم تبين ضعفك قدام حد يا حبيبي ومستنياك في الجنه .....في مكان احسن ....ساعتها هقدر اسعدك من غير ما اتوجع كل تعبي وألمي هيروح .....اصل مفيش وجع في الاخره يا حبيبي ....واوعي تفكر مجرد تفكير تتجوز اها انا بغير علي فكره وعفريتي هيطلع يجننك 😈😈 عارفه ومتاكده انك مستحيل تعملها بس بفكرك بس ..😅
بص هما ولد وبنت سمي البنت خديجه علي شأن اسمي ميتنساش من البيت كل ما تنادى عليها تفتكرني واتمني تتطلع شبهي في كل حاجه اه لو تعرف اد ايه كان نفسي اربيهم واشوفهم وهما ببكبروا ....والولد سميه طاهر علي شأن كل حاجه جمعتنا كانت طاهره وعفيفه وحبي ليك كان حب طاهر برئ ... 💔 واوعي فيوم تقسي عليهم مهما غلطوا اصل لما يعيطوا مش هيلاقوا حضن امهم يطبطب عليهم .....وكل يوم افتكرني يا حبيبي بالخير واني كنت عايشه معاك يا عماد .....افتكر يوم اني كنت بضحك وبزعل وكل حلاتي تفتكرها عارفه أن الحمل هو اللي عجل بموتي ....بس كنت هتستفاد ايه لما اعيش معاك سنه زياده واموت واسيبك لوحدك ؟؟.....انما دلوقتي سيبالك ولد وبنت زى القمر مش ولادى اكيد لازم يبقوا زى القمر ....واوعي تمسح رقم تليفوني أو تقفل الفيس بتاعي خليه زى ماهو وتعملي تاج علي اي حاجه زى ما كنت بتعمل ومش هقول وداع يا حبيبي لاني مقتنعه أن الموت مش نهايه اصلا الدنيا دى كلها متجيش حاجه جنب نعيم الاخره وهناك عند الله نجتمع كل ما تفتكرني ارفع راسك للسماء وقول اللهم اغفر لها و ارحمها .....وذى ما قلت مش هقول وداع هفضل ذكرى جوى قلبك ومتاكده انك هتعيش تفتكرني ....هتوحشني اوى والله لحد ما نلتقي ....كنتم خير أهل بعد اهلي وكنت انت يا عماد خير زوج جزاك الله عني خيرا
يا ابا طاهر تعالي كل عيد عند قبرى قولي الكلمه اللي اتعودت عليها منك في العيد ....كل وقت يمر في عمرى له طعم بيكي فما بالك بالعيد ......يلي يا حبيبي احفظ رسالتي دى لااخر يوم في عمرك ....إلي أن نلتقي يا حبيبي .....⁦♥️⁩
اغلق عماد الورقه ونزلت دموعه بشده
..........
في بيت الحاج حسني
فتح عمار الورقه ودموعه نازله
  اخويا وحبيبي عمار
اخويا الوحيد منستش طلبك يا حبيبي
قولتلها وان شاء الله تكونوا احلي عريس وعروسه كان نفسي ابقي موجوده وافرح بيك ده انت اخويا الوحيد بس معلش سامحني يا حبيبي وخلي بالك من ولاد اختك يا عمار ملهمش غيرك وهدى ماما وقولها خديجه تعبت طول عمرها وهي دلوقتي مرتاحه وفي مكان احسن
سلام يا حبيبي ⁦♥️⁩
................
انتهي البارت وسالت معه دموعي
انتظروا الحلقه الاخيره
وهذا هو عمرى ⁦♥️⁩
شهد محمد
احبكم في الله 💓💓🌻