الحلقه ١١
عماد :امي شيماء هتخلص بكره وبكره هتكلمي ام عمار يا اما انا. هروح اكلم الحج حسني
مروه :طيب يا عماد براحتك اعمل اللي انت عايزه
صلاح :مش معقول يا مروه عمرك ما كنتي كده ابدا طول عمرك بتحبي البنت دى وعلي طول تسالي عليها ودايما تشكرى فيها اشمعني دلوقتي ؟؟
مروه :خلاص يا صلاح خلاص يا عماد اللي انتوا عايزينه بس استحمل بقي طول عمرك من غير اولاد طول عمرك هتجرى بيها في المستشفيات وهتعيش متنكد
عماد :خير إن شاء الله انا هطلع اصلي وانام تعبان من الشغل
.....
طلع عماد الاوضه وبعد ماصلي
دخلت رقيه الاوضه
رقيه :أبيه ممكن ادخل ؟؟
عماد :اتفضلي يا حبيبتي خير
رقيه :عايزه اتكلم معاك شويه بلاش
عماد :يا سلام خشي يا رقيه
رقيه :عماد انت بتحب خديجه ؟؟؟
عماد :,اعتقد اي حد هيتقدم للخطبه اكيد معجب علي الأقل
رقيه :يعني بتحبها صح 😏😏
عماد :بدأنا من اولها اسئله ...انتي يا بت انتي متخليكي في حالك وتريحي خلق الله
رقيه :يوه يا أبيه كده برضو اخس عليك يا اخي 😏😏
عماد :انا بقول تروحي علي شأن انا عايز انام ها روحي
رقيه :ماشي ماشي من اولها كده الهانم شاغله التفكير
عماد :,رقيييييه .....!!!
رقيه :خلاص خلاص وعلي ايه 😂امشي احسن
وخرجت رقيه من الاوضه وبعدها عماد رجع للتفكير تاني
...................
تاني يوم في الكليه بعد آخر امتحان
في الطريق للبيت
كانت ياسمين بنت خاله يارا مع نهي واميره وساره وشيماء هي معاهم في الكليه بس مش صحاب زمايل يعني
ياسمين ،:طبعا البيت كله جاي بكره يا شيماء
شيماء :إن شاء الله يا ياسمين اكيد
نهي ،:عقبالك يا ياسمينه ومبروك
اميره :ده مبروك أن احنا خدنا الاجازه والله الواحد اخيرا هينام في سلام
ساره :الا صحيح اخوكي عماد مش قلتي قرايه فتحته انهارده ؟؟
شيماء :كان المفروض انهارده بس امي لسه مكلمتش الناس انهارده هتكلمهم وهيتفقوا علي معاد للرؤيه الشرعيه قبل الخطوبه
اميره :يألف مبروك واخيرا هنحضر فرح
شيماء :قولي يارب بس
..........
في بيت قاسم
كان بيتكلم مع احمد في التليفون
قاسم :لا الحمد لله كله تمام وكل حاجه ماشيه مظبوط
احمد :طب كويس الحمد لله عد الجمايل يا ابو النسب
قاسم :تتردلك في الأفراح يا ابو ريم يلي ورايا مشوار كده
احمد :سلام يا قاسم
قاسم :مع السلامه
رن تليفون قاسم
عماد :ايه يا قاسم اتاخرت ليه الشباب في البيت عندى
قاسم :معلش كنت بكلم البيت عندنا
عماد :طب يلي انا وعمار وماجد مستنينك
قاسم :إن شاء الله جاي سلام
بعد دقائق بسيطه في بيت شيماء في الصاله الخاصه بالاستقبال
عماد :يا مرحبا يا ابو الشباب اخيرا جيت
قاسم :السلام عليكم ورحمه الله وبركاته...ازيكم يا شباب
الكل :وعليكم السلام ورحمه الله وبركاته
عماد :ده قاسم يا شباب جارنا الجديد
قاسم ده ماجد ابن عمي وده عمٌار جارنا واخويا
قاسم :ازيك يا عمار ....ازيك يا ماجد
ماجد وعمار :,اهلا بيك
بعد شويه دخل الغدا
.............
فوق في اوضه شيماء كانت خديجه جت مع اخوها عمار زى ما اتفقت مع والدتها ....طبعا شيماء مقالتش حاجه خالص عن الموضوع
شيماء :وانتي اخبارك ايه دلوقتي
خديجه :زى ما انا وايه الجديد ...الحمد لله بطلع السلم في سنه وبيغمي عليا عشر مرات بس في اليوم ودايما نوبات ضيق التنفس والضغط الواطي عايشين معايا
شيماء :يا حبيبتي أن شاء الله خير تفائلي مش الدكتوره قالت العمليه اللي عملتيها من كام شهر دى نجحت
خديجه :,دى عمليه تركيب دعامات يا شيماء علي شأن توسيع الشريان مش اكتر
شيماء:تعالي نتكلم في اي حاجه غير الموضوع ده انسي يا ديجه انسي
خديجه :ايوه انا جايه اصلا افرفش من جو البيت الكئيب ....شيماء بالله عليكي ابقي تعالي انتي انا عقبال ما بنزل السلم واطلع تاني روحي بتبقي هتطلع
شيماء :حاضر يا حبيبتي من عيوني ...ومين عارف مش يمكن تبقي موجوده هنا معانا علي طول 😅
خديجه :ليه يعني هحدد اقامه هنا 😂😂
شيماء :بكره تفهمي يا دودو 😊😊
خديجه :هتروحي بكره شبكه يارا
شيماء :اها يا حبيبتي هنروح كلنا دول جيرانا من زمان صحيح مليش علاقه بيها اوى بس لازم نروح لان امها صاحبه ماما جدا
خديجه :ماهي اتصلت بماما عزمتها برضو هيرحوا كلهم انا مش هقدر هنام في البيت
شيماء :متروحي تغيري جو شويه ....
خديجه :لا مش هقدر انا أخرى اجي عندكم وشكرا كويس علي قلبي كده أنه لسه مستحملني اصلا 😂
.........
بعد شويه مشيت خديجه وعمار وماجد وقاسم وكل واحد رجع بيته
........
في اسكندريه في بيت حامد
نجلاء :خلاص جهزت البدله بتاعتك وكل حاجه احنا هنمشي الفجر علي شأن نوصل بدرى
حامد :أن شاء الله يا حبيبتي كل حاجه جاهزه
محمود :والله وهتلبس يا ابو حميد افتكر كلامي ده هتندم عليه بعدين الحق افرح بشبابك
حامد :يا ابني انت محسسني اني رايح انتحر انا هتجوز يا محمود هتجوز انت فاهم .😂😂مستوعب يعني
نجلاء :محمود سيب اخويا يفرح بقي الله
محمود :خلاص يا اختي انتي واخوكي اسفين 😅
بعد الفجر سافرت عائله حامد للقاهره علي شأن الخطوبه
.......
في بيت يارا الساعه ٦الصبح
ثناء :قومي يا يارا الناس فاضلهم نص ساعه ويوصلوا قومي البسي علي شأن لما يوصلوا
يارا :حاضر يا ماما هم فاضل لهم قد ايه كده يعني نصف ساعه بالضبط
ثناء : مش عارفه والله يا بنتي بس قومي اجهزي بسرعه واختك تحت بتحضر الحاجه وانا هانزل معاها
يارا : طيب يا ماما نازله حاضر ثواني وجايه
قامت يارا بتفتش بين هدومها بتدور على احلى فستان عندها عشان تقابل به نجلاء اخت حامد لانها اول مره تشوفها
بعد نصف ساعه الحاج متولي اتصل ب سمير
متولي : احنا خلاص فاضل لنا خمس دقائق ونكون عندكم هناك
سمير تيجوا بالسلامه انا مستنيكم قدام الباب
متولي : ان شاء الله يلا سلام
.......
ثناء : يلا يا رانيا روحي نادي اختك قولي لها الناس فاضل لهم خمس دقائق استعجليها
رانيا : حاضر يا ماما طالعه اهو
طلعت رانيا قلتها لقيتها لبست وخلصت لف الحجاب بتاعها وكان لبسها عباره فستان بنفسجي واسع وعليه خمار كشمير و كان شكلها حلو جدا واكتفت بالكحل بس
رانيا : الله الله ايه الحلاوه دي من اولها كده الحلاوه دي
يارا : يا لمضه انتي
رانيا :طب يلا ننزل بسرعه الناس وصلوا وبابا مستنيهم قدام البيت وماما قالت لي يلا استعجلي اختي
يارا :طيب ايه رايك كده في الفستان شكلي حلو والخمار مظبوط
رانيا : اه والله يا زي القمر يلا بقى بسرعه عشان خاطر ماما متزعقش
يارا :طيب يلا نازلين اهو
نزلت رانيا هي ويارا وفضلت مترقبه تحت في الصاله مع امهم لحد ما العربيه وصلت ونزل منها عائله حامد و حامد
كان الحاج سمير منتظرهم واول نصفهم رحب بهم جدا وقرب بيسلم على الحاج متولي
بعد ما سلم عليهم كلهم وسلم على محمود ونجلاء دخلوا كلهم جوه
نجلاء كانت مترقبه انها تشوف خطيبه اخوها اللي قاعد يوصف لهم فيها كثير وعن ادبها واحترامها ولبسها كانت متشوقه تشوفها اوى
..............
انتهي البارت اتمني يعجبكم لو عجبكم ياريت تصويت♥️
احبكم في الله 💓💓🌻
تابعوني ♥️
By:shahd Mohammed ♥️
