الحلقه الخامسه
صباح ثالث ايام العيد في بيت يارا
ثناء :قومي يا بنتي اجهزى الناس جايين اخر النهار
يارا :يا ماما الساعه كام دلوقتي
ثناء :عشره الصبح يلي قومي اليوم طويل وبعدين افردى وشك كده خلي ربنا يكرمنا
يارا :ماما صباح الخير يا ماما روحي انتي كملي اللي بتعمليه وانا هدبر نفسي
ثناء :طيب يا بنتي ربنا يسهلك الحال
يارا :إن شاء الله يا ماما إن شاء الله
خرجت ثناء من الاوضه وهي بتتمني أن بنتها توافق علي العريس ده
نزلت المطبخ لقيت بنتها رانيا بتعمل معاها الاكل
ثناء :يا حبيبتي روحي انتي البسي وشوفي هتعملي ايه وياريت تقلعي البتاع طه انهارده
رانيا :,اقلع الخمار ليه يا ماما هو انا اللي هتخطب ثم انا مالي حتي لو انا مش هقلعه اصلا
ثناء :اعملي اللي يريحك انا محدش بيسمع كلامي في البيت ده هو انا ليا كلمه عليكم ...
رانيا :خلاص يا ماما متزعليش نفسك
..................
في اوضه يارا
كانت قاعده علي السرير بين الهدوم الكتير مش عارفه تختار ايه تطتلع تقابل بيه اللي هيجي اللي مش عارفه عنه حتي اسمه
يارا :طب وهو انا هتعب نفسي ليه ما كده كده هرفضه يبقي البس اي حاجه وخلاص مش طالبه اوجع دماغي
تنهدت بضيق شديد ورمت الفستان اللي كان في أيدها
فتحت الواتس اب علي الشات اللي بقالها سنتين بتقراه بحزن ممسحتش منه كلمه ولا حرف زى ماهو بكل الكلام اللي فيه والوعود.اللي اتبخرت
في الشات بدأت تقرأ
قاسم :علي فكره بقي بحبك اوى اوى هي الكليه تخلص وهاجي اتقدملك علي طول
يارا :ياه يا قاسم انا بقالي اربع سنين مستنيه اللحظه دى
قاسم :بحبك اوى اوى اوى يا يارا
يارا :ربنا يخليك ليا ....بس انا خايفه اوى
قاسم :من ايه يا حبيبتي ؟؟
يارا :اصل ناس كتير اوى بيقولوا أن الارتباط مش بيكمل للآخر وفي الاخر بيسبوا بعض
قاسم :بطلي بقي الكلام ده علي فكره دى قله ثقه احنا بقالنا من سنه أولي مع بعض يا يارا
......
في اخر الشات
يارا :عارف انت اد ايه حقير منك لله يا اخي منك لله وجعت قلبي الله يوجع قلبك عمرى ما هسامحك يا قاسم عمرى
قاسم :يا يارا احنا كنا صغيرين مش فاهمين حاجه وانا بصراحه مش هقدر اكمل معاكي ومش هقدر اخطبك يا يارا انا اسف كل حاجه قسمه ونصيب وده مكتوب لنا من الاول اللي كنا بنعمله ده غلط وانا فقت منه خلاص ومستحيل ارجعله تاني وانتي كمان توبي واستغفرى ومتخافيش عمرى ماهحاول اذيكي اصلا كل صورك مسحتها واي حاجه تخصك مسحتها اصلا رقمك ده هيتمسح متخافيش
يارا :ياااااا بالسهوله دى ؟؟؟؟كل حاجه راحت عمرى ما هسامحك ابدا وهفضل ادعي عليك اربع سنين من عمرى يا قاسم عايزني انسي اربع سنين من عمرى يا اخي ؟؟؟
قاسم :سلام يا يارا مبقاش ينفع الكلام دلوقتي وعمل بلوك وانتهت كل حاجه
بعد ما سنه خمسه خلصت مبقتش اشوفه رجع اسكندريه وخلاص عادى اهي خلصت اصلا كنت عارفه بس كان نفسي تكمل انا حبيته اوى اوى
هنا انتبهت لصوت امها
ثناء :يارا ...يا يارا .....يا يارا بنت خالتك جت يارا قومي بقي خالتك سماح وبنتها ياسمين قومي بقي
يارا ابتسمت ابتسامه واسعه ياسمين جت يا ماما جت
ثناء :ايوه يا حبيبتي قومي بقي خالتك مستنيه تحت
يارا :اهو اخيرا حد بيفهمني جه
يارا حاكيه لياسمين كل حاجه عن موضوع قاسم وهي الوحيده اللي تعرف حتي رانيا اختها متعرفش مع رانيا وياسمين نفس السن
نزلت يارا سلمت علي خالتها سماح
سماح وهي تطلق زغروطه عاليه :يا الف مبروك علي عروستنا الحلوه
يارا :خالتي دى مجرد مقابله وممكن اقبل أو افرض عادى
سماح :لا يا حبيبتي مفيش رفض انا بقؤلك اهو ده عاشر واحد ترفضيه ايه بقي تعليم وخلصتي وشغل وبتشتغلي
يارا :إن شاء الله خير يا خالتي تعالي معايا يا ياسمين فوق وهما هيشوفوا شغل المطبخ
ياسمين :من عنيا يا قلبي
طلعت ياسمين ويارا الاوضه
ياسمين :يارا اوعي تقولي انك هترفضي اللي جاي ده
يارا :معرفش بقي هو انا لسه شوفته
ياسمين :يارا انت خلاص المفروض تكوني نسيتي الموضوع ده تماما ده موضوع وانتهي مش هتوقفي عمرك عليه مش يمكن ربنا شايلك الاحسن
يارا :مش قادره يا ياسمين مش قادره يا ياسمين انا مش قادره
ياسمين :هتقدرى وهتبقي اقوى من اي حاجه ومن كل حاجه ويمكن ربنا شايلك الخير متعرفيش الخير فين يلي يا حبيبتي قومي كده نشوف هتلبسي ايه ونقعد مع اللي جاي ده ونفكر بعقل مش نرفض علي طول لسه حياتك قدامك يا يارا متوقفيهاش عند حد فاهمه
يارا :إن شاء الله يا ياسمين قولي يارب بس
......
في بيت شيماء
رقيه :يا شيماء حبكت أنك تكوى الخمار والنقاب دلوقتي ما طول اليوم قاعدين
شيماء :,اومال انزل بيهم مكرمشين يا رقيه علي شأن ترتاحي صح ؟؟
رقيه :طب انجزى أبيه عماد وبابا بقالهم كتير اوى مستنين وممكن نمشي ونسيبك علي فكره يلي بقي اتخنقت عايزه اخرج قبل ما اطق منكم
شيماء :خلاص يا اختي اهو خلصت ياكش بس متبقيش قاعده مبوزه طول المخروجه وفي الاخر تقولي مخنوقه وعايزه اخرج ونفسي اخرج وكلامك ده يا طفله
رقيه :طب يلي يا اختي سبنالك العقل كله
كانت رقيه لابسه فستان بيبي بلو وعليه خمار كحلي وشيماء لابسه فستان اسود في زيتي جميل جدا عليه خمار ونقاب اسود وكانت تحفه فعلا
مروه :يلي يا بنات خلصتوا ؟؟
شيماء :اها يا امي نازلين
مروه :كويس بنت عمتكم مها جايه معانا هي قاعده تحت اهي مستنيه
رقيه سمعت اسم مها اتجننت :يوه بقي يوه بقي ايه اللي جابها دى معندهاش دم دى
شيماء :,افردى وشك وتعالي يلي ننزل
رقيه :يوه يا شيماء بجد هو لازم تيجي معانا في كل حاجه لازم يعني ؟؟
شيماء :ربنا يهديها يا رقيه افردى بقي وشك عيب دى مهما كانت بنت عمتك
رقيه :خاص اديني نازله اهو ياريت بس نترحم من تعليقاتها السخيفه يارب
شيماء :هههههههه امشي يا مفعوصه قدامي
نزلت شيماء ورقيه وكانت امهم مروه مستنيه تحت هي ومها
مها :ايه القمر ده يا رقيه
عمزت رقيه لااختها بخبث وهمست في ودنها
رقيه :شكلها عايزه تجر ناعم ولو وربنا هديها علي دماغها
شيماء :ههههههههه الله يهديكم والله
ازيك يا مها عامله ايه
مها :كويسه الحمد لله
رقيه :اخبارك ايه نورتينا والله
شيماء ضحت براحه
الحجه مروه :يلي نطلع زمان ابوكي زهق وهيسيبنا
مها :يا مراه خالي انا مكسوفه اطلع كده وشاورت علي لبسها البنطلون الجينز الضيق والبوزه اللي يدوب علي الكمر والطرحه اللي مخرجه نص شعرها منها والميك اب اللي كان اوڤر اوى يعني
رقيه :طب ما انتي طول عمرك بتخرجي كده وجايه من بيتكم كده
مها :هاتيلي يا مراه خالي عبايه من بتوعك ونقاب اسود
مروه :حاضر يا بنتي ثانيه واحده تعالي معايا البسي فوق هدومك بقي
بعد عشر دقائق نزلت مها هي مروه
رقيه ،:يلي عماد بينادى بقاله كتير
مروه :خلصنا اهو
خرجوا كلهم وركبوا العربيه
......
انتهي البارت اتمني يعجبكم لو عجبكم ياريت تصويت
احبكم في الله 💓💓💓💓💓💓🌻
تابعوني
By:shahd Mohammed ♥️
