حلقه ٣٣
استعد الكل في بيت قاسم للنزول
نورهان :يارب تعجبها الشبكه.اللي انا اختارتها
قاسم :اكيد هتعجبها دى عجبتني انا شخصيا 😂
الحاجه مريم :طب يلي ننزل
اميره :ايوه يلي انا عايزه اشوفها بسرعه
نزلت العائله وكمان منير وجاسم علي شأن خطوبه صاحبهم قاسم
.........
في بيت يارا
يارا :قلت مش هنزل يا ستي مش قادره
رانيا :يا بنتي عيب دول كلهم كانوا موجودين ساعه خطوبتك وامها مقصرتش معانا في حاجه وبعدين امك هناك من الصبح معاهم وانا وياسمين هنروح انتي بقي مش هتروحي ليه يا يارا ما الاستاذ حامد كلمك وطلع عاملك مفاجاه علي شأن عيد ميلادك يا ستي عايزه ايه تاني
ياسمين :خلاص يا رانيا هي هتقوم تلبس اهي ....يلي يا يارا هنستناكي تحت
نزلت رانيا وياسمين وبعد نص ساعه نزلت يارا وكانت لابسه الجلباب الخليجي الاسود اللي جابه حامد وعلي النقاب الاسود كانت تحفه فعلا
رانيا :يا خرابي علي الجمال ايه ده
ياسمين :ماشاء الله هتبقي احسن واحده في الحفله
يارا :طب يلي نمشي بدل ما اطلع تاني
ياسمين :لا خلاص وعلي ايه يا باشمهندسه يلي نمشي
وصلت رانيا ويارا وياسمين لبيت الحاج صلاح وطلعوا فوق
استقبلتهم الحاجه مروه بترحيب وقعدوا منتظرين شيماء تنزل
بعدها بدقائق وصلت عائله قاسم ومع ترحيب كبير جدا من الحاج صلاح
نزلت نورهان والحاجه مريم واميره وطلعوا من سلم النساء
واحمد جوز نورهان وقاسم وجاسم ومنير دخلوا مع عماد
في اوضه شيماء
طلعت الحاجه مروه والحاجه صفا
مروه :يلي يا بنتي الناس تحت يلي انزلوا كلكم
بصت شيماء لرقيه
شيماء :شكلي حلو يا رقيه ؟؟
رقيه :ده انتي زى القمر يا حببتي ♥️
كانت شيماء قمر فعلا بفستان بيبي روز وخمار من نفس اللون مع ميك اب خفيف جدا كانت زى القمر
وباقي البنات كلهم بفستان كاشمير وخمار من نفس اللون
البنات اتفقوا أنهم هينزلوا مع بعض منار ومها ورقيه وخديجه في الاول
وشيماء في النص....وساره واميره ونهي وراء شيماء
ونزلوا بالترتيب ده واول ما ظهرت شيماء كل الستات زغرطوا
راحت شيماء تسلم علي الموجودين كلهم
سلمت علي الحاجه ثناء وبناتها يارا وياسمين وبعد كده علي باقي الموجودين
الحاجه مروه :تعالوا يا بنات في الصاله التانيه مع شيماء وهنا الستات الكبار
شيماء تعالي معايا سلمي علي حماتك واخوات قاسم
شيماء :حاضر يا امي
دخلت شيماء مع امها الاستقبال وكانت الحاجه مريم ونورهان واميره منتظرين
اول ما اميره شافت الحاجه مروه داخله ومعاها شيماء
جريت اميره علي طول عند شيماء.وحضنتها
اميره :انتي بقي شيماء انتي قمر اوى اوى
شيماء بادلتها نفس الحضن :وانتي زى السكر ...انتي اخت قاسم ؟؟؟
اميره :اها انا أخته الصغيره اسمي اميره
شيماء :عاشت الاسامي يا اميره
قربت شيماء وسلمت علي الحاجه مريم الاول
مريم :ماشاء الله تبارك الله والله وعرفت تختار يا قاسم 😂مبروك يا بنتي
شيماء :ربنا يخليكي يا امي وان شاء الله اكون عند حسن ظنك بيا
هنا قامت نورهان وحضنت شيماء :ماشاء الله احلي بكتير مما كنت بتخيلك قمر يا روحي
شيماء :ربنا يخليكي يارب انتي احلي
نورهان :انا نورهان اخت قاسم الكبيره وتقدرى تعتبريني اختك الكبيره كمان
شيماء :ده شرف ليا يا نورهان
بعد السلام وكلام كتير ما بينهم خرجوا وقعدوا مع باقي المعزومين وكان جو رائع جدا
بعد ما الكل اتعشي في صاله الرجال
صلاح :يا حج صالح ما يلي نطلع بقي فوق علي شأن يلبسها الشبكه
صالح :يلي يا قاسم ده حتي انت لسه مشوفتهاش 😂
عماد :لا متخافش ياعمي هو مظبط حاله ولا ايه يا قاسم
قاسم :خلاص استر علي اخوك يا فواز 😂
جاسم :لا معلش اطلع معاك يا قاسم معلش معلش لازم 😂
عماد :اتفضل يا جاسم بيتك ومكانك
طلع قاسم والحاج صالح وعماد والحاج صلاح وجاسم فوق عند النساء
وبقي احمد جوز نورهان ومنير مع معاذ وحسين وطه والحاج توفيق
فوق عند النساء
الحاجه صفا :اللي كاشفه وجهها أو شعرها تتغطي الخاطب داخل
اتغطت كل النساء وارتفعت أصوات الزغاريط
اول ما دخل قاسم وشافته يارا
يارا :ياسمين الحقي ده هو اللي هيخطب شيماء .....!!!
ياسمين :اه يا ابن اللئيمه بقي بعد كل اللف والدوران ده هيخطب شيماء اللي عمرها ما رفعت عينها في راجل ؟؟
يارا :بس كده حلو اوى لو فكر بس مجرد تفكير يأذيني أو يقول لحامد انا كمان هقول لشيماء وكويس أن الشات كله معايا ممسحتوش لسه وكل الصور معايا
ياسمين :انتي بتقولي ايه حرام عليكي هي شيماء ليها ذنب في ايه
يارا:هو انا قلت هروح اقولها دلوقتي ماهي فضيحه ليا قدامها قبل ما يكون فضيحه ليه انا بقول لو فكر يقول لحامد
ياسمين :ماهو مش عارف ان ليكي علاقه بخطيبته اصلا
يارا :بقلك ايه اقعدى ساكته انا مش غبيه وهعرف اتصرف
ياسمين :اما نشوف يا ست الناصحه
دخل قاسم الاوضه وكانت شيماء قاعده وكانت زى الملاك ماشاء الله
وكان موجود أخته اميره ونورهان وامه وام شيماء ورقيه اختها والكل كان واقف بره بيصور
طبعا كان جاسم واقف بره الصاله مستني لما قاسم يرن عليه يدخل
عينه جت علي شخصيه اول ما لمحها فرح جدا
كانت رانيا في مكان قريب فرحانه جدا وبتحاول تصور شيماء والحاجه مريم بتلبسها الدبله
وهم من جواه خلاص قرر أن هي دى اللي هيكمل معاها حياته
وفجاه طلع منير من وراه
منير :الحلو متنح ليه 😏😏
جاسم :ايه يا اخي مستني اما قاسم يرن عليا انت ايه طلعك
منير:علي شأن اصورهم 😂
جاسم :بقؤلك ايه أنزل انت وانا هبقي اصور وابعتلك
منير :ابدا لازم اصور بنفسي مش زى خطوبه حامد معرفناش ناخد صوره واحده
هنا فضل منير منتظر لما قاسم يرن وهو كمان وقع نظره علي ساره صاحبه
منير ،:الله شكلنا كلنا هنطلع من الموضوع ده اثنين اثنين
جاسم :قصدك ايه ؟؟
منير :لا ولا حاجه
في الاوضه جوه
الحاجه مروه :يلي نسيبهم يتكلموا شويه
قاسم :لا استنوا اما جاسم ومنير يصوروا الاول وبعد كده اللي هيدخل هموته 😂ورن قاسم علي جاسم
جاسم :يلي يا منير ندخل
نزلت شيماء النقاب ودخل جاسم ومنير
خدوا كام صوره لقاسم وشيماء مع عائله قاسم وعائله شيماء
ساره كانت عايزه تسلم علي شيماء هي والبنات لان الوقت اتاخر
ساره :عن اذنك ممكن بس ادخل
منير:اها اسف اتفضلي
دخلت ساره واميره ونهي وسلموا علي شيماء وباركولها ومشيوا
وبعد كده نزل جاسم ومنير تحت ودقائق والشقه فضيت الا من عائله شيماء وبيت خالتها صفا
في الاوضه
قاسم :بصي انا عارف ان انتي محرجه من اخر موقف حصل بينا صح ..بس والله كانت نيتي خير
شيماء بخجل :حصل خير يا قاسم
قاسم :بس انتي طلعتي حلوه اوى اوى احلي من المره اللي فاتت لما كنتي بشعرك 😂
شيماء :علي فكره المره الي فاتت دى انا كنت فاكره اخويا اللي بره مش انت يعني اكيد مش هخرج كده لو عارفه أن حد غريب اللي بره
قاسم :اهو الغريب بقي قريب وقريب اوى هيبقي زوجك قره عينك ولا ايه يا حجه 😂♥️
احمر وجه شيماء خجلا :لو سمحت القعده طولت مينفعش نقعد اكتر من كده
قاسم :يا خرابي علي الدبش اللي انتي فيه بس ما علينا نستحمل شويه اها هو انتي اي حد 🖤
شيماء :لو سمحت ....!!!
قاسم :خلاص خلاص ايه هتتحولي يلي مع السلامه وعلي هاجي كل يوم اقعد معاكي 😏
شيماء :طيب أن شاء الله
قام قاسم ومشي هو عائلته وجاسم ومنير ورجعوا لبيت قاسم
اما بالنسبه لشيماء فضلت طول الليل تحلم بأحلام ورديه مع زوجها المستقبلي
قاسم ..........
شيماء :واخيرا ابتسمت الدنيا ليا .....هبقي خير زوجه إن شاء الله وهنطلع بيت مسلم افتخر بيه إن شاء الله
...........******************...............
انتهي البارت اتمني يعجبكم لو عجبكم ياريت تصويت
احبكم في الله 💓🌻
تابعوني ♥️
