حلقه ٣٢
اجتمعت كل البنات فى بيت شيماء وصلوا كلهم
في اوضه شيماء
خديجه :والله لحد دلوقتي مش مصدقه كل اللي بيحصل ده بس كده احسن على فكره الافراح اللي بتيجي وراء بعضها دي كده تخلي الواحد كده يعني ينسى اي زعل خلينا نفرح بقى شويه
مها :ايوه الحمد لله يارب كل اللي جاي يبقي فرحه
نهي :يلي بقي نختار الفساتين عايزين كلنا نلبس لون واحد وشيماء لون تاني
خديجه :اها كده حلو ونجيبهم كلهم نفس الموديل لان طبعا مش هنلحق نفصل
شيماء :انا عايزه البس فستان لونه بيبي روز
نهي :خلاص تمام واحنا نلبس كلنا كاشمير
مها :تمام اوى
ساره :الف مبروك يا شوشو ♥️
منار :وفي فرحي كمان يتعمل كده اها
رقيه :والله لسه مش عارفين اصلا فرحك ده جه ازاى كده فيوم وليله
منار :اذا كان انا نفسي مش عارفه 😂😂
استمر الكلام واختيار الفساتين
...............
مر يوم الجمعه والسبت وكل عائله تحضر نفسها من اجل اسبوع ملئ بالافراح ♥️
في صباح يوم الأحد
عائله الحاجه صفا الى بيت اختها مروه
رحبت الحاجه مروه ب اختها واولادها اللي هما اصلا مشيوا من كم يوم بس 😂😂
وكان البيت مليان فرحه وكانت العائله كلها في البيت من الصبح
وكمان عائله خديجه
كانت رقيه بمساعده مها وخديجه ومنار بيزينوا البيت وكانت عائشه وسلمي مع شيماء في الاوضه بيساعدها
.............
في الاسكندريه
اتجاه عربيه الحاج صالح الى القاهره يوم الحد الصبح
وكمان جاسم ومنير في عربيه جاسم
......
وصلت العربيه بعد ساعتين علي شقه قاسم أولا لأن كان الوقت لسه بدرى علي أنهم يروحوا بيت الحاج صلاح وكمان قاسم فضل أنهم يرتاحوا الاول
قعد جاسم ومنير في اوضه قاسم وأهل قاسم في باقي الشقه
جاسم: يلا يا قاسم عشان ننزل نودى الامانه دي لبيت يارا خطيبه حامد
قاسم :خلي عندك دم انا العريس النهارده عايز اظبط حالي خد معاك منير انزلوا ودوا الحاجه دي انا مش فاضي خالص النهارده ورايا الف حاجه عايزه اعملها
جاسم :طيب يا عم العريس انت اللي عارف البيت لازم تروح معايا انا ومنير اول مره ننزل القاهره
قاسم :اما نشوف الاستاذ حامد وخطيبته دول يلي بسرعه طيب
جاسم :انا لابس اهو يلي ننزل
نزل جاسم وقاسم عند بيت يارا يوصلوا الهديه بتاعتها
في بيت يارا
كانت الحاجه ثناء عند بيت الحاج صلاح بتساعد الحاجه مروه علي شأن الشبكه
وكانت رانيا ويارا وياسمين في البيت
يارا :انا هتجنن بقاله اسبوع مبيكلمنيش واتصلت بنجلاء قالت بيتصل بيهم كل يوم اشمعني انا وبعدين هو ناسي أن انهارده عيد ميلادى اكيد من الفيس بوك عرف ده حتي لا بيفتح واتس ولا فيس طب حتي يتصل يقولي أنه كويس أو يعرفني هو زعلان ليه
رانيا :يا يارا اعذريه يمكن مش فاضي
ياسمين :انا بقولها كده بقالي كتير والله يا بنتي ده بره مصر مش بره القاهره اكيد مشغول بحاجه
يارا :طب ماهو بيكلم أهله كل يوم ولا هو بيبقي مشغول عليا انا بس
.....
علي بعد عده أمتار من بيت يارا
جاسم :اهو يا سيدى قربنا اهو بص نص ساعه واتصل بيها 😂.
حامد :ماشي يا سيدى هات قاسم بقي اباركله
قاسم :ايوه يا مشغلني معاك حرام عليك ده انا العريس انهارده مش كفايه انك مش معايا
حامد :غصب عني والله يا قاسم بس اكيد في الفرح هبقي موجود إنما دى شبكه عادى يعني 😂يلي ونودع العزوبيه بقي 😂
قاسم :الحمد لله يا شيخ دى طولت اوى 😂
حامد :يلي سلام عليكم واول ما تدوها الهديه اتصل بيا علي طول علي شأن اتصل بيها
قاسم :حاضر اي أوامر تانيه يا استاذ رميو
حامد :لا خلاص كده كفايه
وصلوا لحد البيت وطبعا كان الحاج سمير في الشغل ومكانش فيه غير البنات في البيت
رانيا ؛,باب تحت بيرن
يارا :انزلي انتي مش لسه هلبس النقاب
رانيا :طب تعالي معايا يا ياسمين
ياسمين :لا مش قادره انزل
رانيا :طيب ماشي لما اطلعلكم لبست رانيا خمارها ونزلت تفتح الباب لقيت شابين واحد شافته في شبكه يارا اللي هو قاسم والتاني متعرفهوش
رانيا :السلام عليكم ... عايزين حد ؟بابا مش هنا
جاسم :انتي انسه يارا
رانيا :لا انا رانيا اختها ....عايز يارا ليه ؟
جاسم :خطيبها يا ستي. باعتلها هديه عيد ميلادها معانا وقال تيجي بنفسها. تاخدها
رانيا :طيب ثانيه واحده اناديها
طلعت رانيا الأوضه
رانيا :يا يارا انزلي يا اختي تحت فيه مفاجاه حامد وملحقتش تكمل الجمله من فرحه يارا اللي قامت من مكانها بسرعه علي تحت حتي كانت حاطه طرحه بس علي شعرها
هنا يارا افتكرت أن حامد هو اللي تحت ونزلت فعلا
رانيا استني يا بنتي افهمي بس تعالي انتي رايحه فين وكانت يارا خلاص نزلت السلم مش سمعاها
رانيا :يالهوى دى هتتكسف كسفه السنين ده صاحبه اللي تحت
هنا ياسمين اترعبت
ياسمين :صاحبه مين ؟؟؟؟
تحت قدام المدخل لسه
يارا : حمد لله علي السلامه ايه المفاجاه دى مكنتش اعرف ان ......هااااااا !!!!!
واذا بها تصعق مكانها لما شافت قاسم
جاسم :انسه يارا معلش جينا من غير معاد بس حامد كان باعتلك دى معايا
قاسم نفس الكلام كان متخشب مكانه من غير ولا كلمه
جاسم :انسه يارا .....يا انسه يارا
هنا قاسم وكان حد كهربه مش قادر ينطق يا ربي معقول من بين كل بنات الدنيا يخطب يارا ...؟
جاسم انتبه لوضع قاسم ويارا اللي بدأت دموع تنزل من عينها
قاسم :اتفضلي يا انسه يارا معلش هو كان عايزها تبقي مفاجاه علي شأن كده مكانش بيتصل بيكي يلي نستاذن احنا السلام عليكم
ومسك جاسم من ايده بسرعه ومشي
بعد ما بعدوا عن البيت بشويه
جاسم :مالك بلمت ليه اول ما شوفتها وهي عيطت ليه
قاسم وهو بيحاول يتمالك أعصابه :يا ابني اصل هي منقبه لما جيت ساعه الشبكه لقيتها بنقاب فهي افتكرت أن حامد اللي تحت حتي قالت حمد لله على السلامه بس تلاقيها عيطت علي شأن طلعت من غير نقاب مش اكتر
جاسم :اها ممكن يلي المهم احنا وصلنا الامانه نتصل بقي علي حامد علي شأن يتصل بيها
قاسم :اتصل
رجع قاسم وجاسم البيت بعد ما اتصلوا علي حامد
......
في بيت يارا
رانيا :ممكن تهدى وتفهميني كل العياط ده ليه مالك يا بنتي خضيتيني
ياسمين :رانيا معلش ممكن بس انا اقعد معاها سيبينا لوحدنا
رانيا :طيب حاضر .....أهدى يا يارا
وهنا رن تليفون يارا
وكان حامد المتصل
ياسمين أهدى كده وافتحي البوكس علي شأن اكيد هيسالك عجبتك الهديه ولا لا
يارا :مش قادره والله اعصابي سايبه
فتحت يارا الموبايل
حامد :عارف اني زوقي حلو في الهدايا متشكرنيش كتير 😂😂😂
+Happy birthday to you ❤️
يارا :ايه المفاجاه الحلوه دى كده متتصلش بيا ومتردش علي اتصالاتي
حامد :يا بنتي يخربيتك ايه العياط ده كله صوتك ماله
يارا :لا دى دموع فرحه مبسوطه انك منستنيش والهديه كمان حلوه اوى اوى وغاليه اوى اوى كل ده ليه
كانت الهديه عباره عن توب خليجي ومجموعه برفانات وكمان خاتم دهب
حامد :بصي هي زوجه صاحبي هنا هي اللي اقترحت عليا موضوع العبايه الخليجي دى واول بس ما اشتغل كده هجبلك منها كتير اوى هي فعلا حلوه بس غاليه موت ....متغلاش عليكي
يارا :عجبتني فعلا ربنا يخليك ليا
حامد :ويخليكي ليا ....يارا بصي بعد العيد هنزل اكتب الكتاب ممكن بعد العيد بشويه بس علي شأن اكون مرتاح وانا بكلمك اصل انا تلقائي اوى وده مينفعش في فتره الخطوبه فقلت اكتب الكتاب وارتاح بقي 😂
هنا ازداد بكاء يارا ؛موافقه أن شاء الله خير ...كلم بابا بس وهو اكيد هيوافق
حامد :كفايه عياط يا لوجي خلاص هتجوزك والله 😂😂
يارا :مبسوطه مش اكتر والله
حامد :إن شاء الله علي طول مبسوطه يا يارا يلي مع السلامه
يارا :حامد فاكر الموضوع اللي كنت عايزه اقولهولك ؟؟
حامد :اكيد
يارا :هقولهولك بكره لان حاليا تعبانه وعايزه ارتاح ممكن رد فعلك يتعبني اكتر
حامد :متخوفنيش يا يارا مالك
يارا :بكره هقولك يا حامد
حامد :خلاص روحي ارتاحي ومتعيطيش تاني قلت انهارده عيد ميلادك ابتسمي 😍
يارا :حاضر
حامد :سلام .......
.........
في بيت قاسم كان الكل ملاحظ تغير ملامح وجهه من الفرحه الشديده للتفكير العميق
وقرر بعد انتهاء حفل الخطوبه يقول ل حامد فورا
اقترب المعاد والكل كان بيستعد علي شأن يروحوا لبيت شيماء
نورهان :والله انا متشوقه جدا اعرف مين سعيده الحظ
قاسم :كمان شويه هتعرفيها
نورهان :مالك يا قاسم ؟؟
قاسم :سلامتك يا ام ريم
...............
انتهي البارت اتمني يعجبكم لو عجبكم ياريت تصويت
احبكم في الله 💓💓🌻
تابعوني ♥️
