الحلقه التاسعه
الحج متولي :اها والله زى ما بقؤلك الشبكه الخميس ده إن شاء الله
نجلاء :الف مبروك الحمد لله يارب هنفرح انا جايه بكره يا بابا
متولي :تنورى يا حبيبتي في اي وقت
نجلاء :يلي انا هقفل واتصل بيه اباركله
متولي :ماشي يا حبيبتي سلام
نجلاء :سلام
محمود جوز نجلاء
محمود :خير يا نوجه ؟
نجلاء :الحمد لله البنت اللي خطبها اخويا حامد وافقت والشبكه يوم الخميس وهنروح بكره عند بابا علي شأن نسافر
محمود:بجد مبروك يا حبيبتي ...خلاص تمام اخد اجازه بكره واحد اخر الاسبوع ونروح القاهره
نجلاء :أن شاء الله
رن موبايل نجلاء
نجلاء :السلام عليكم ازيك يا عريس لسه فاكرنا دلوقتي
حامد :,وربنا لسه داخل البيت دلوقتي اليوم كان طويل بس الخبر ده جه في الاخر كده خلاه احلي يوم والله
نجلاء :,ربنا يجعل ايامك كلها فرح يا حامد إن شاء الله
حامد :إن شاء الله ازيك انتي ومحمود وزينه ومازن ؟؟
نجلاء :,كويسين الحمد لله خد محمود عايز يباركلك
حامد :اهلا اهلا اهلا
محمود :ياراجل تفضل ساكت ساكت كده وتطلع مره واحده
حامد:يا اخي الحمد لله المهم اني طلعت بقي وخلاص
محمود:ودع يا ابني ايام العزوبيه دى هتوحشك بعدين والله افتكر اني قلتلك
حامد : لاحظ نجلاء قاعده جمبك يعني اي هكه ولا هكه هنموت كلنا
محمود :لا وعلي ايه نجوله دى قلبي اصلا
حامد :ايوه كده من خاف سلم 😂😂
محمود :بالظبط 😂 ........يلي حبيبي الف مبروك هنبقي عندكم بكره الصبح إن شاء الله
حامد :إن شاء الله سلام يا ابو مازن
.................
في بيت شيماء
في المطبخ تحديدا رقيه والحاجه مروه بيحضروا الغدا ...وشيماء في اوضتها فوق المفروض انها بتذاكر اخر ماده ...ده المفروض بقي .😂
في المطبخ
رقيه :يا ماما انتي معترضه ليه علي خديجه
مروه :مش معترضه ...هعترض ليه يعني
رقيه :طب بزمتك ده منظر حد ابنه الكبير هيخطب واول فرحتك يا شيخه 😂
مروه :اه لو تحطي لسانك جوه بقك واسكتي انتي صغيره لسه مش فاهمه حاجه
رقيه :بصي يا ماما عماد طول عمره ملوش في اي حاجه والله راضي بأي حاجه يعني يوم ما تعجبه واحده نقول لا
مروه :ويوم ما تعجبه واحده تبقي عيانه وهتموت ومش قادره اصلا يا بنتي خديجه انتي عارفاها لو عدى يوم من غير مستشفي يبقي كده فل اوى مش حمل جواز دى والله ....
رقيه :الاعمار بيد الله يا امي افرحي بقي وخلينا نفرح شويه
مروه :أن شاء الله ربنا يسهل
رقيه :عارفه انا اكتر حاجه مفرحاني أن لو الموضوع ده تم الزفته اللي اسمها مها دى هتتهد بقي 😂
مروه :يا بنتي عيب
رقيه :الحمد لله يارب هنخلص منها ومن قرفها
........رن الموبايل بتاع البيت
مروه :,هروح اشوف مين خليكي متابعه الحاجه اللي علي النار
رقيه :حاضر يا امي
راحت الحجه مروه للتليفون
مروه :الو سلام عليكم
ثناء :وعليكم السلام ازيك يا ام عماد
مروه :الحمد لله ازيك انتي اخبارك
ثناء :احنا بخير الحمد لله ....عقبال عندكم يارا بنتي اتخطبت والشبكه الخميس الجاي لازم تكوني موجوده
مروه :يألف بركه مبروووك يا ام يارا
ثناء :الله يبارك فيكي عقبال شيماء وعماد ورقيه
مروه :أن شاء الله ...لو محتاجه اي حاجه نيجي نساعدك
ثناء :لا يا حبيبتي الحمد لله سماح اختي وبنتها ورانيا عاملين كل حاجه
مروه :الف مبروك يا حبيبتي يلي مع السلامه
ثناء :سلام يا حبيبتي
......
رقيه :في ايه يا ماما
مروه :يارا بنت جارتنا ثناء شبكتها الخميس الجاي وامها كانت بتعزمنا
رقيه :عقبال ما تعزميها انتي علي شبكه عماد بقي
مروه :اعملي اللي في ايدك وخلصي
...........
في احد شركات المقاولات في القاهره
وصل قاسم الشركه اللي اتعين فيها واستلم الشغل وعدى اول يوم تمام اوى
اخر اليوم
قاسم :يا باش مهندس امين كان احمد جوز اختي قالي أن حضرتك هتشوفلي سكن
امين :اكيد شوفته يعني يا باش مهندس
قاسم :تمام شكرا ليك فين
امين ؛هركب معاك واوصلك اعرفك علي صاحب البيت والجيران ده هنام شارع كلهم ناس طيبين وخصوصا جارك اللي اسمه الحج صلاح وابنه عماد انا اعرف الناس دول بقالي سنين قمه في الاخلاق والاحترام
قاسم:أن شاء الله خير
خرج قاسم وأمين من الشركه وركبوا عربيه قاسم ومشي قاسم زى ما امين وصفله
امين :ايوه هنا انزل
ركن قاسم العربيه ونزل هو وأمين
كان البيت اللي في شقه قاسم مجاور لبيت يارا بالظبط مع سوء الحظ
وكمان مجاور لبيت الحج صلاح
قاسم :الشارع شكله حلو بدايه مبشره
امين :وكمان هتحب الناس هنا اوى
مشي قاسم مع أمين لحد البيت واستقبلهم صاحب البيت بترحيب كان راجل كبير
امين :عم جابر فينك من زمان ياراجل
جابر :,اهو عايشين ازيك انت
امين :هو ده الباشمهندس قاسم اللي قلتلك عنك
جابر :ازيك يا ابني
قاسم :بخير الحمد لله ياحج
جابر :شوف يا ابني الشقه في الدور الثالث انا هعتبرك زى ابني انا اصلا لوحدى انا ومراتي في العماره كلها هتونسنا
قاسم :شرف ليا يا حج
امين :هننزل احنا للحاج صلاح لازم يتعرف عليه
جابر:الحج صلاح هو في زيه ربنا يطول في عمره
امين :يارب يلي سلام
طلع قاسم شاف الشقه ورص هدومه وحاجاته فيها كانت كويسه نوعا ما
وبعد كده نزل مع أمين
قاسم :مش عارف ايه اصرارك اني اتعرف عليهم قدر الناس مش عايزين يعرفوني
امين :انت غريب هنا لازم تعرف حد ومفيش حد احسن من عماد والحج صلاح
قاسم :ماشي يا سيدى أما نشوف
اتصل امين علي الحج صلاح
صلاح :يا الف اهلا بالقاطع
امين :,هو انا اقدر يا حج ازيك انا هنا اهو تحت البيت
صلاح :طب انا في مشوار بره عماد ابني زمانه رجع من الشغل اطلع وثواني ابقي عندك
امين :خلاص أن شاء الله في رعايه الله
امين :يلي نطلع يا قاسم
قاسم :إن شاء الله
كانت في الوقت ده شيماء ورقيه والحجه مروه علي الغدا منتظرين عماد والحج صلاح
الباب جرسه رن
شيماء ده عماد هقوم افتحله وقامت تجري وهي بشعرها من غير اي حاجه وبلبس البيت
فتحت شيماء الباب ومن غير ما تشوف مين :عماد كل ده تأخير حرام عليك جوعنا
هاااااااااااااااا...... !!!
قاسم لف و شه الناحيه الثانيه وشيماء دخلت جوه وسابته علي الباب
..........
انتهي البارت اتمني يعجبكم لو عجبكم ياريت تصويت
احبكم في الله
