حلقه ٢٥
نزلت مها ورقيه وشيماء مع الحاج صلاح لحد الدور الأول علي شأن يروحوا يجيبوا الهدوم
كانت مها غايه في الجمال والروعه باللبس اللي لبسته كان عباره عن درس اسود ساده وخمار اسود ساده ومع لون بشرتها البيضاء كان احلي كتير من مليون بنطلون طبعا
رقيه :شايفه كده قمر ازاى اضحكي بقي
مها :حاضر يا رقيه
شيماء :هو بابا اتاخر فوق عند الرجال ليه
مها :مش عارفه ؟؟
رقيه :اطلعي معلش يا مها استعجليه انا رجلي ورمت من الواقفه
مها :حاضر طالعه
طلعت مها وسابتهم عند مدخل البيت
خبطت
معاذ :دى اكيد شيماء افتحلها يا حسين قولها الحاج بيصلي هو وعماد ونازلين لأنهم ماحقوش الصلاه معانا في المسجد
حسين :طيب
فتح حسين الباب وشاف الملاك زى ما سماها
مها :فين خالي ابو عماد
حسين :بيصلي ثواني وخارج
هنا خرج الحاج صلاح
صلاح :خلاص يا مها يا بنتي خلصت اهو انزلي تحت
مها :حاضر يا خالي
حسين :عامله ايه دلوقت يا انسه مها
مها بدون ما تلتفت وهي بتنزل :الحمد لله بخير
نزلت مها بدون كلمه اضافيه ونزل الحاج صلاح وراها
بعد ما دخل حسين
عماد بجمود علي غير العاده :حسين انت مش شايف انك زودتها شويه ...علي طول تسال عليها ولما جت بتخبط بتسالها عامله ايه ...انت نسيت ولا ايه دى بنت عمتنا يعني زى اخواتي بالظبط ...
حسين :في ايه يا عماد انا بسال البنت عامله ايه
عماد :سألتني انا وقلتلك كويسه
معاذ وطه بيحاولوا يهدوا الجو :خلاص حصل خير يا عماد انت عارف حسين ميقصدش حاجه
عماد بهدوء :متزعلش يا حسين بس انت عارف البيت هنا ليه حدود
حسين :حصل خير يا عماد
...............
في احد المولات التجاريه المتخصصه لبيع ملابس المحجبات
مها:كفايه يا خالي كل ده لبس كتير اوى يا خالي كده
صلاح :زى ما بجيب لشيماء ورقيه جبتلك
مها :بس دول كلهم الوان يا خالي مفيش غير واحد اسود وكل دى خمارات لا كده كتير اوى يا خالي
صلاح :دى لحظه الهنا يا بنتي لما تبطلي اللبس ده كان نفسي من زمان اقلك بس الحمد لله الذى هداكي
رقيه :يلي نروح بقي انا تعبت بقالنا سعات بنلف
صلاح :جبنا لاامك جلباب جديد صح ؟
رقيه :وهو واحد يا ابي دول كتير ربنا ميحرمناش منك
مها :خالي انا عايزه اقعد معاكم لحد العيد كده كده فاضل أقل من شهر
شيماء :اها يا بابا قول لعم صابر مها هتقعد معانا
صلاح :اقعدى زى ما انتي عايزه يا بنتي إن شاء الله طول العمر حتي
مها :محتاجه افضل هنا فتره اطول ارتاح فيها
صلاح :حبيبتي لو هتقعدى العمر كله علي عيني وراسي
مها :ربنا يخليك يا خالي ...يلي بقي نرجع
............
في اسكندريه وصل قاسم من ساعه وكانت نورهان أخته وجوزها عندهم
الحاجه مريم :وحشتني اوى يا ابني
قاسم :انتي اكتر يا امي اهو قاعد معاكم الأسبوع كله اهو
مريم :تقعد وتنور يا ابني
احمد :ها مرتاح في الشغل
قاسم:مرتاح كتير والله وبصراحه انا جاي علي شأن حاجه تاني ...تعالي يا مفعوصه ياللي اسمك اميره هتفرحي اوى
مريم :يارب يكون الي في دماغي يا ابني
صالح :ها ابشر
نورهان :خلاص باين اوى عليه يعني 😂 مين هي
قاسم :اختي حبيبتي فهماني
الحاجه مريم :بجد يا قاسم مين ؟؟
قاسم:ناس جيراني هناك بس ايه أخلاق ودين وحاجه كده انقرضت من زمان
اسمها شيماء
مريم :خلاص يا ابني نيجي كلنا معاك نخطبهالك
قاسم :اكيد طبعا باذن الله
اميره :انا فرحانه اوى اوى يا أبيه
قاسم :افرحي يا قلب ابيه
بصي انا نازل لجاسم ومنير مستنيني من ساعه ما وصلت ساعتين كده وراجع
مريم :متتاخرش ها عايزين نلحق نشبع منك
قاسم :حاضر يا امي أن شاء الله
نزل قاسم وراح النادى اللي بيتقابلو فيه هو وجاسم ومنير
اول واحد قام هو جاسم
قاسم :والله وليك وحشه يا جاسم
جاسم :حمد لله علي سلامتك يا قاسم ايه اخبارك واخبار الشغل هناك
منير :عامل ايه يا قاسم وحشتنا يا اخي
قاسم :اقعدوا اقعدوا عايز اقولكم علي حاجه
منير :انا بقول برضو وشك باين عليه حاجه
جاسم :هتخطب انت كمان 😂
قاسم :ايه ده عرفت منين
منير :واضح اوى مش محتاجه تفكير يعني
قاسم :اه يا سيدى خلاص نويت الحمد لله عقبالكم بقي
منير :لا احنا ننزل القاهره يا جاسم ده كل اللي بيروح هناك بيخطب
جاسم :انا كده كده راجع معاه القاهره حامد كان باعت حاجات لوالده واخته وحاجات عايزها توصل لخطيبته وعاملها مفاجاه علي شأن عيد ميلادها علي شأن كده مقالهاش أنه باعت حاجه وانا اللي هروح اوصل الامانه دى لما تكون في الشغل هديها لاي حد هناك يمكن يبقي لينا حظ ولا حاجه
قاسم :هههههههههه المهم البنت علي خلق ودين وانا كمان اتصاحبت علي اخوها أهلها ناس طيبين جدا والله وهي اسمها شيماء
منير:ربنا يتمم بخير وطبعا انت جاي علي شأن تعرف الوالد والوالده
قاسم :اها والله واخد اجازه مخصوص علي شأن كده
............................
في الكويت
كان حامد عمال يظبط بوكس الهدايا اللي هيبعتها ليارا ولحد دلوقتي اصلا هي متعرفش أنه عارف معاد عيد ميلادها دخل علي الفيس بوك بتاعها وعرف
اثناء ماهو بيحط الحاجه رن الموبايل
حامد :بنت حلال والله كنت لسه هتصل بيكي
يارا :عامل ايه اخبارك
حامد :ماهو بصي بقي انا بقالي كتير عايز اقولها وخلاص زهقت بصراحه بقي بحبك 😅♥️♥️
يارا :يا راااجل علي أساس انا معرفش يعني
حامد :اعملي نفسك متفجاه يا ستي انا عارف اني مدهول اصلا ومش عارف اتقل حبه
يارا :ربنا يخليك ليا يارب عارف والله انا يمكن مقعدتش معاك فيس تو فيس غير مرتين بس وحشتني قاعدتك
حامد :قاعدتي بس اللي وحشتك
يارا :حاااااامد .....!!
حامد :خلاص خلاص الطيب احسن
يارا :يلي مع السلامه يا ابو حميد
حامد :متناميش ورايا كام حاجه وهكلمك شات
يارا :حاضر
حامد :بحبك علي فكره 😅🖤
يارا :وانا كمان بحبك 🖤
حامد :اخيرا نطقتي 😅😅طلعتي عيني
يارا :خلي بالك من نفسك مستنياك ترجع بفارغ الصبر
حامد :لا كده اخاف عليكي والله مالك انهارده
يارا :مليش 😅
حامد :خليكي كده علي طول بقي 😂
يارا :كفايه رغي بقي سلام
حامد :مع السلامه
قفل حامد مع يارا ورجع يكمل اللي كان بيعمله
..........
في بيت يارا بعد ما قفلت
كانت عندها خالتها سماح وياسمين بنت خالتها
ياسمين :لسه برضو مصممه تحكيلوا يا يارا كل حاجه ماشيه تمام اهيه مش لازم تحكي والله مش هيعرف
يارا :انا زعلانه اوى يا ياسمين انا بدات احبه اوى يعني مش متخيله رد فعله لو عرف وسابني انا مقدرش اكرر الوجع مرتين يا ياسمين كفايه عليا صدمه قاسم قعدت فيها سنتين بنساه انا مش حمل حاجه تاني
ياسمين :يا حبيبتي خلاص انسي موضوع قاسم ده خالص اهو ربنا عوضك باللي احسن منه بكتير يا حبيبتي عيشي حياتك بقي
يارا :مش عارفه يا ياسمين مش عارفه
ياسمين :بصي بقي علي شأن انا فرحانه اصلا وانتي عيله كئيبه ده انا اخويا راجع خلاص من البحرين
يارا :بجد هاشم راجع
ياسمين اها والله حبيبي راجع خلاص
................
في بيت خالد عم شيماء
ماجد :يعني خلاص كده يا هاشم راجع
هاشم :ايوه بقلك راجع خلاص
ماجد :انا مش مصدق والله اخيرا هشوفك يا حبيبي والله ليك وحشه
هاشم :راجع اهو وهقعد علي قلبك عايزك تعزمني بقي اول ما ارجع
ماجد :يا سلام تعالي انت بس
بعد دقائق قفل ماجد مع صاحبه وصديق طفولته هاشم
خالد:ايه يا ابني مالك كنت بتكلم مين ؟
ماجد :هاشم ي بابا
خالد :هو راجع خلاص ؟
ماجد :اها خلاص
هنا منار كانت مش مركزه معاهم اصلا ومركزه للتليفزيون
منار : راجع ؟؟اه ماشي
ماجد :لا خلاص متخافيش 😂😂ايام زمان خلصت ايام ما كان بيضايقك دلوقتي هو شاب وانتي انسه وميقدرش يتعدى حدوده
..............................................******...................
انتهي البارت اتمني يعجبكم لو عجبكم ياريت تصويت
احبكم في الله 💓💓🌻
توقعاتكم للأحداث الجايه ♥️🖤
