.......
الحلقه ١٨
منار:والله ما عارفه اقول ايه ما انا لو مكان مراه عمي اكيد هتمني لاابني واحده تقدر تسعده دى ام برضو وعايزه السعاده لاابنها
شيماء :وخديجه مش بس هتسعده دى هتنور البيت كله
رقيه :اه والله هنقعد سوا طول النهار ومش هنخليها تعمل اي حاجه دى حاجه كده زى السكر
منار :ربنا يتمم بخير يارب
...........
تحت في عند الرجال
ماجد :والله فرحنالك اوى يا عماد مبارك
عماد :الله يبارك فيك يا ابن عمي عقبالك انت ومنار
خالد :يا زين ما اختارت والله البنت ادب وخلق والكل بيشهد بكده
صلاح :فين ام عماد تسمع بي ربنا يهديها
خالد:اعذرها يا اخويا ....معلش مع الوقت كل حاجه هتتحسن
صلاح :اللي مستغربه ازاى يعني كده كانت بتحبها اوى واما عماد قال هخطبها مبقتش طايقه تسمع اسمها
ماجد :هههههههه ربنا يهدى
....
رن الجرس
عماد:ده اكيد قاسم جاي انا قلتله يجي
قام عماد وفتح الباب
قاسم :يا الف مبروووك يا عماد ربنا يتمم بخير
عماد :أن شاء الله يا قاسم عقبال عندك أن شاء الله ادخل
............
في اسكندريه
رجع حامد للبيت وهو قلقان علي يارا ليه العياط ده كله اكيد في حاجه مش تعب اللي يعمل كده يعني
اول ما دخل البيت سلم علي أبوه وراح الاوضه بتاعته
حامد :قلت متناميش قبل ما اجي
وصلت الرساله ليارا
يارا :طب قول السلام عليكم طيب 😂😂
حامد :وعليكم السلام ورحمه الله يا ست يارا ياللي جبتيلي صداع من التفكير فيكي والله مالك بقي اتكلمي
يارا :حامد هو انا لو قلتلك علي اي حاجه حصلت ده ممكن يأثر علي علاقتنا ؟؟
حامد :مش فاهم ؟
يارا :يعني اي حاجه لو اعترفتلك باي حاجه ممكن تزعل ؟؟
حامد :لا خالص طالما حكيتيلي بصدق استحاله والله ازعل مهما كان السبب
يارا :طب كويس طمنتني الله يطمن قلبك
حامد :ها ايه بقي هي الحاجه دى
يارا :مش دلوقتي يا حامد ...هتعرف بس مش دلوقتي الأهم من ده هتسافر أمتي ؟؟
حامد :يوم الاحد بأذن الله خلاص خلصت الاوراق المطلوبه وكل حاجه تمام
يارا :ربنا يوفقك يارب
حامد بعفويه برضو :هتوحشيني اوى علي فكره .....لحظه تدارك نفسه ومسح الرساله بس يارا شافتها
يارا :شفتها علي فكره 😂😂
حامد:ما انا غبي والله مش عارف اتقل حبه
يارا :قول يا حامد كل اللي جواك قول
حامد :ما انتي عارفه لازم اقول
يارا :بتبقي ذكريات حلوه مش اكتر
حامد :اتمني الشعور يبقي متبادل
يارا :لو مش متبادل كنت هوافق ليه من الاول ؟؟
حامد ؛وان شاء الله اكون عند حسن ظنك
يارا :واتمني كمان انا اكون عند حسن ظنك
....انا محتاجه انام دلوقتي نعست اوى والله
حامد :طيب يا ام يزن تصبحي علي خير
يارا :مين يزن ده 😅
حامد :ابني ايه مش عاجبك ؟؟
يارا :لا لا عاجبني طبعا
حامد :أن شاء الله يرزقنا بيه يلي تصبحي علي خير
يارا :وانت من أهل الخير
.........................
تاني يوم الصبح يوم الرؤيه الشرعيه اللي مستنيه عماد بفارغ الصبر
في بيت مها
سعاد :ماهو مش معقوله الحال ده يا مها
مها :ماما انا تعبانه لوحدى والله مش ناقصه جدال معاكي
سعاد :يا بنتي افهميني ما انا ياما قلت بس اقول ايه كلامي زى السم بالنسبه ليكي اه لو سمعتي كلامي
مها :يووووووووووه ايه يا ماما مبتزهقيش من الاسطوانه دى خلاص حفظتها يا ستي سيبيني في حالي بقي
سعاد :دى غلطتي من الاول اني معرفتش اربيكي والله عال يا مها بتزعقيلي
مها :طيب حلو انا نازله عند تماره علي شأن ارتاح من ام القرف ده
سعاد :ترتاحي وتريحي يا مها
قامت مها لبست واتصلت علي صاحبتها اللي بتشجعها علي كل حاجه
مها :انتي فين يا زفته انتي
تماره :ايه يا بنتي في البيت هكون فين مالك
مها :مفيش انا مخنوقه وجايه
تماره :لسه برضو موضوع ابن خالك ده
مها :هو فيه غيره يا تماره هو حاجه هتموتني ناقصه عمر غير الموضوع ده
تماره :طب تعالي وهنشوف حل في البت دى مش هتاخد في ايدى غلوه
مها :ياريت والله ده انا نفسي اجبها من شعرها تحت رجلي دى اصلا مفيهاش نفس تتحرك
تماره :متخافيش مش هتعصلج معايا ده انا تماره
مها :هههههههههههههههههههه هتقوليلي ثواني وابقي عندك
.........................................
في بيت خديجه
الحاجه ناهد منهمكه في إعداد الغداء والتنظيف من أجل الزياره
اما خديجه كانت في الصاله تحت قاعده في حاله صمت عادى ولا فارق معاها حاجه
انتبهت علي صوت امها تنادى
ناهد :يا بنتي قومي الله يرضي عليكي جهزى نفسك شوفي هتلبسي ايه من الهدوم اللي جبتهالك قومي يا حبيبتي
خديجه :لسه بدرى يا امي الساعه لسه واحده وهما هيجوا علي المغرب مش دلوقتي ابقي اقوم كمان شويه
ناهد :طب بالزمه ده منظر واحده هتقابل عريس وأهله انهارده
خديجه بملل :تعبانه يا ماما تعبانه
ناهد :مالك يا بنتي في ايه
خديجه :يعني هو التعب جديد عليا يا ماما عادى اتعودت
ناهد :الله يصلح حالك يا بنتي
.............
في الشركه اللي شغال فيها قاسم
كان قاسم قاعد علي المكتب بيبص في الورق اللي قدامه وبيحاول يركز
فجاه ساب القلم من ايده ومرر ايده في شعره
وبعدين يعني هتفضل تفكر فيها كتير كده لحد أمتي؟؟
بس ليه يعني كل ده ده انا مشفتهاش غير مره واحده بس وكان موقع محرج اصلا
يوه بقي سيبك من شغل المراهقين ده وشوف شغلك احسن
............
في بيت تماره صاحبه مها
مها :يعني متاكده هتشوفي حل
تماره :عيب عليكي هو انا اقدر اخلف كلمتي بس زى ما قلتلك عايزاكي تبداي في انتقاضها يعني حاولي تثبتيلها بأي طريقه انها ولا تسوى حاجه وان عماد بيعطف عليها شغلتك انتي تكرهيها في الفكره
مها :ازاى يا بنتي هو انا ليا كلام معاها اصلا انا عمرى اصلا ما اتعاملت معاها
تماره :هقؤلك انا اعملي نفسك عايزه تنصحيها وروحي زوريها عادى اول مره متقوليش حاجه ازيد من كلام البنات تاني مره حاولي تقوليها ده بيشفق عليكي لما امه اتكلمت عليكي كذا مره قدامه وانك لو وافقتي كده بتقللي من نفسك وجودى كده هو انا اللي هقؤلك
مها :يعني شايفه أن ده هينفع معاها ....يعني هتتقبل كلامي اصلا
تماره :وليه لا انتي بنت عمته واكيد هتفهم انك عارفه حاجات عنه هي متعرفهاش
مها :هشوف بس ياريت متكشفش بقي لحسن انا مش ناقصه كلام من اللي اسمها رقيه الزفته الله يحرقها لسانها طويل
تماره :دى شطارتك بقي ياقطه
مها :هشوف يلي انا ماشيه بقي هكلمك اقلك عملت ايه
تماره :زى ما قلتلك استني يومين كظه وبعد كده نبدا الشغل
..................
في بيت خديجه
وصلوا عائله عماد
استقبل الحاج حسني صديق عمره الحاج صلاح وعماد بالترحيب وكذلك عمار
ودخلت الحاجه مروه وشيماء ورقيه مع الحاجه ناهد الي غرفه خديجه
وبعد الترحيب من قبل الحاجه ناهد
شيماء :ماشاء الله طالعه زى القمر
خديجه :بجد شكلي حلو
رقيه :ده ابيه هيتجنن ....جايبه الحلاوه دى منين
خديجه :عيونك اللي حلوه يا قمر
دخلت ناهد
ناهد :يلي يا بنتي ابوكي بينادى عليكي
خديجه :جايه اهو
شيماء ورقيه :ربنا معاكي 😂😂😂
رقيه :براحه علي عماد ..ها 😅
خديجه :أن شاء الله
دخلت خديجه الاستقبال وكان عماد قاعد منتظر بفارغ الصبر
نهض الحاج صلاح والحاج حسني وعمار
حسني :نسيبكم بقي مع بعض شويه
يلي يا صلاح يا عمار
خرج الكل وبقيت خديجه وعماد في الغرفه
كانت خديجه قاعده علي الكنبه المقابله لعماد وكانت لابسه خمار وردى وفسان بنفسجي مع لون بشرتها البيضاء وعيونها العسليه كانت تبدوا كالملكات
بعد فتره صمت طالت لدقائق
عماد :ازيك يا انسه خديجه
..............
انتهي البارت اتمني يعجبكم لو عجبكم ياريت تصويت
احبكم في الله 💓💓💓💓💓💓💓💓🌻
تابعوني
by:shahd Mohammed ♥️
