الحلقه ٤٤والاخيره
مرت ايام الحداد علي قلوب كل من كان يحب خديجه اصعب ما يكون وخصوصا عماد
في صباح يوم جديد صحي عماد كالعاده قبل صلاه الفجر
قام لقي السرير فاضي مفيش حد بيصحيه زى العاده
مسح دموعه ودخل اتوضأ
سمع صوت عياط ولاده تحت مع أمه فنزل علي طول
عماد :هاتيهم يا امي
مروه :خليهم يا عماد وروح انت ارتاح
عماد لا هاتيهم انا كده كده نازل المسجد هاتيهم شويه
شال عماد الاطفال ونزلت دموعه علي وجه خديجه بنته
عماد :امك كانت حلوه اوى يا خديجه كانت حنينه اوى ياريت تطلعي تشبهيها في كل حاجه
وبص لطاهر :وانت كمان عايزك تبقي راجل كده انا بعد امكم مليش غيركم ويارب بس اعرف اعوضكم عنها
بعد دقائق اذن الفجر ساب عماد الاطفال مع شيماء ونزل وكان قاسم وماجد وعمار وهاشم منتظرينه في المسجد
دخل عماد المسجد مع الحاج صلاح
قاسم:ازيك دلوقتي ؟؟
عماد :الحمد لله
صلي الجميع صلاه الفجر وخرجوا من المسجد
عمار :امي كانت عايزه بس الولاد يبقوا عندها يا عماد هي هتعرف تخلي بالها منهم
عماد :ليه وانا مش مكفي ولا حاجه ؟ ولادى مش هيخرجوا من البيت.اللي عايز يشوفهم اهلا وسهلا غير كده مفيش
الحاج حسني:خلاص يا ابني أهدى هي كان قصدها بس انك تعبان الفتره دى
عماد :لا شكرا علي المساعده مشتكتش
وبعد عنهم وطلع البيت
صلاح :معلش يا ابو عمار هو تعبان شويه متخادش علي كلامه
حسني :ومين فينا مش تعبان ربنا معاه
طلع الحاج صلاح البيت
صلاح:عماد .....يا عماد
عماد :نعم يا ابي ؟
صلاح:يا ابني حرام عليك نفسك والله انت حالك ده هيفضل كتير
عماد :ربنا يسهل يا ابو عماد
صلاح :يا ابني كلنا هنموت وده أجلها وانتهي وأعتقد أنك عارف كل ده من قبل ما تتجوزها ورضيت بكده
عماد :كنت بكدب علي نفسي يا ابو عماد ...ماكنتش عايز حاجه غيرها .....حبيتها هي ......وياريتني ما حبيتها والله يا ابو عماد انا تعبان اوى
حضن الحاج صلاح ابنه بحنان الاب :يا ابني خليك راضي بقضاء الله ....كلنا هنموت يا ابو طاهر
عماد :مكنتش عايز ولاد ....مكنتش عايزهم ...انا بس كنت عايزها هي ...والله ماكنت عايزهم
صلاح:وحد الله يا عماد انت مؤمن بقضاء الله وكلنا هنموت ادعيلها بالرحمه ده افضل
عماد :ربنا يرحمني انا يا ابو عماد ويتولاني برحمته
وطلع عماد الشقه واخد ولاده
شيماء :اقعد معانا يا أبيه بلاش تطلع لوحدك فوق
عماد :انا عايز ابقي لوحدى وبص لاامه بدموع
عماد :مرتاحه دلوقتي ؟يارب تكوني مرتاحه بعد ما ماتت خلاص خلفت وماتت المسكينه
وطلع من غير ما يسمع اي رد
طلع وكان الاطفال نايمين دخلهم الاوضه اللي فضل يجهز فيها هو وخديجه
حط طاهر وخديجه علي السرير وقعد علي الارض وسرح بأفكاره
فلاش باااااك
عماد :قومي يا خديجه ننزل تحت الكل مستني
خديجه :يوه يا عمار سبني انام
اقترب عماد منها بلطف وطبع قبله علي جبهتها
عماد :عمار مين يخربيتك قومي انا عماد 😂
اعتدلت خديجه في جلستها بسرعه
خديجه :معلش يا حبيبي لسه متعودتش بكره اتعود
عماد :قومي بقي في حاجه لازم تاخديها قبل ما ننزل تحت رقيه عماله تزن لحد ما تعبت والله
خديجه :انا نعسانه اوى 😂
عماد :قومي يا كسلانه انتي طول النهار نايمه قومي تعالي عاملك مفاجاه
خديجه :ايه ده بجد طب يلي. بسرعه قايمه اهو 😂
ضحك عماد وخرج من الاوضه وهو ماسك ايد خديجه
خديجه :افتح عيني ولا لسه
عماد:خلاص فتحي
فتحت خديجه عينها ولقيت الصالون كله بلالين وزينه وحاجه فرحتها اوى
خديجه :انت عملت ده كله أمتي 😂
عماد :انتي بعد ما فطرنا من بعد العشاء نمتي يا خديجه انا لو ببني سد كنت خلصت 😂
خديجه :معلش يا حبيبي بتعب من الصيام اوى المهم ما علينا يلي ندخل اشوف عملت ايه 😂
عماد :يلي يا قمره
دخلت خديجه وعماد وكانت الاوضه حلوه اوى بالبلالين والورد الاحمر
خديجه :الله يا عماد التورته دى ليا انا صح
عماد :لينا ها لينا مش ليا لينا 😂
خديجه :لا هذا حجي انا 😂
والبوكس اللي اطول مني ده في ايه
عماد :تعالي اما افرجك تعالي
فتح عماد البوكس وطلع منه ثلاث فساتين خروج
عماد :بصي يا ستي ده اول عيد ليكي في بيتي ودى هدوم العيد اتمني بس زوقي يعجبك يا حبيبتي
خديجه :ليه تعبت نفسك يا عماد ما انا هدومي كلها جديده جوه اهي مالبستش منها حاجه
عماد :هي دى شكرا ....ولا تسلم يا حبيبي .....ولا تعيش وتجيب يا قلبي
خديجه :ربنا يخليك يا حبيبي حلوين اوى
عماد :منسيتش خمار لون كل فستان ونقاب نفس اللون اهم
وغمضي عينك بقي
خرج عماد من جيبه علبه الدهب وبدأ يلبس خديجه السلسله والحلق والغوايش والخاتم اللي جابهم
عماد :افتحي عينك يا اميرتي الحلوه
فتحت خديجه عينها وبدأت تدمع
عماد :تؤتؤ تؤتؤ بلاش عياط بصي كده في المرايا اول مره اشوف جوهره لابسه ذهب
خديجه :بس كده كتير اوى يا عماد كتير فعلا
عماد وهو بيحضن خديجه :مش كتير يا قلب عماد ربنا يخليكي ليا ومتحرمش منك ابدا وتفضلي معايا طول عمرى
خديجه بصوت أشبه بالبكاء :مش هيحصل يا عماد انا هموت لو مش السنه دى يبقي السنه الجايه وهسيبك لوحدك
عماد :بس متقوليش كده ....هتبقي كويسه وهنسافر بره تتعالجي احسن من مصر وكل حاجه هتبقي تمام
خديجه :اخاف اسيبك لوحدك بص لو مت بلاش تطول في الزعل يا عماد انت طيب اوى انا عمر ما حد كان طيب معايا بالشكل ده اوعي تنساني يا عماد لو جرالي حاجه خليك فاكرني خليني ذكرى جميله♥️
عماد :متبقيش بومه بقي هتبقي كويسه وهتفضلي معايا وهنملي البيت ده كله اولاد وهتخفي وهنفضل سوا
خديجه :ياريت بجد ياريت
عماد :اصبرى بقي متنسنيش اللي كنت عايز أقوله
خديجه :قول طيب
عماد :جاهزه يا حاجه
خديجه :جاهزه يا ابني 😂
عماد :كل وقت بيمر في عمرى لي طعم بيكي ...فما بالك العيد ..؟
كل سنه وانتي اجمل حدث حصل ليا ♥️
عارفه انا الوحيد اللي مش محتاج هديه في اليوم ده دامك الله بخير انت هديه العيد
طب ازاى مفرحش بالعيد وانتي نفسك العيد اللي كل سنه وانا فيه بخير ❤️
طب ازاى متبقيش عيدى ...؟ وانتي الوحيده اللي بتخليني ابتسم
انتي الشخص الوحيد اللي لايق عليه الفرحه .... انتي والفرحه مخلوقين من نفس التركيبه ♥️سبق و قولتلك انتي عيدى كل خير في الدنيا دى جالي من ساعه ما عرفتك وبقي منك وفيكي ♥️بعد ده كله ومفرحش بالعيد ؟؟؟ وانتي بنفسك العيد اللي كل سنه وانا فيه بخير ♥️يا عيد عمرى وابتسامه شفاتي كل عام وانتي العيد ♥️
واقترب منها وقبل رأسها
كل سنه وانتي تاج راسي يا ست البنات ♥️
خديجه :طب خلينا نتكلم بالمنطق شويه يعني لو مت هتنساني
عماد :ابدا
خديجه :ابدا
باااااااك
عماد :,ابدا والله يا حبيبتي هتفضلي اجمل سنتين في عمرى يا حياه الروح انتي
........مر شهر علي وفاه خديجه
في بيت شيماء
عماد :شيماء قاسم عايز يتكلم معاكي واعتقد كفايه كده بقي
شيماء :حاضر يا أبيه
نزلت شيماء مع عماد الاستقبال تحت
عماد :انا بره لو احتاجتي حاجه
خرج عماد وفضلت شيماء وقاسم في الاوضه
قاسم :ازيك يا شيماء عامله ايه
شيماء :بخير الحمد لله بكل خير
قاسم :يارب تفضلي بخير .....مش ناويه تسامحيني بقي
شيماء :اعتقد ده مش الوقت المناسب بالحاله اللي فيها البيت
قاسم :شيماء احنا بقالنا سنه علي الحال ده حرام عليكي مستنيه ايه ......لما اموت صح ؟ لما اموت هتيجي عند قبرى وتقوليلي اد ايه كنتي بتحبيني صح ؟ مستنيه اما نفترق زى عماد وخديجه صح ؟؟ طب موت خديجه ده موجعكيش وانتي شايفه حال اخوكي ؟؟؟عايزن ده يبقي حالك يعني ؟طب هما علي الأقل ماتت وهما راضيين عن بعض انتي بقي مستنيه اما اموت واحنا كمان زعلانين مع بعض
نزلت دموع شيماء بشده
شيماء :انا مسمحاك يا قاسم بس بالله عليك بلاش الكلام ده انا مسمحاك من بدرى علي فكره بس كنت بشوفك هتكمل وتستحملني ولا لا ؟؟؟ كنت بشوفك بتحبني ولا لا كنت عايزه اتاكد يا اخي
قاسم :يا شيخه وقعتي قلبي في رجليا حرام عليك والله
شيماء :اوعي تقول الكلام ده تاني
قاسم :بتخافي عليا 😌
شيماء :يا ريتني ماصالحتك ما انا كنت مرتاحه 😂
قاسم :لا خلاص هسكت والله 😅
شيماء :خلاص كده كفايه بقي مع السلامه
قامت شيماء ودخلت جوه وبعد كده دخل عماد قعد مع قاسم شويه وبعدها مشي قاسم
