حلقه ٣٨
في منتصف الليل ليله عيد الاضحي المبارك
في شقه عماد
عماد :قومي يا خديجه ننزل تحت الكل مستني
خديجه :يوه يا عمار سبني انام
اقترب عماد منها بلطف وطبع قبله علي جبهتها
عماد :عمار مين يخربيتك قومي انا عماد 😂
اعتدلت خديجه في جلستها بسرعه
خديجه :معلش يا حبيبي لسه متعودتش بكره اتعود
عماد :قومي بقي في حاجه لازم تاخديها قبل ما ننزل تحت رقيه عماله تزن لحد ما تعبت والله
خديجه :انا نعسانه اوى 😂
عماد :قومي يا كسلانه انتي طول النهار نايمه قومي تعالي عاملك مفاجاه
خديجه :ايه ده بجد طب يلي. بسرعه قايمه اهو 😂
ضحك عماد وخرج من الاوضه وهو ماسك ايد خديجه
خديجه :افتح عيني ولا لسه
عماد:خلاص فتحي
فتحت خديجه عينها ولقيت الصالون كله بلالين وزينه وحاجه فرحتها اوى
خديجه :انت عملت ده كله أمتي 😂
عماد :انتي بعد ما فطرنا من بعد العشاء نمتي يا خديجه انا لو ببني سد كنت خلصت 😂
خديجه :معلش يا حبيبي بتعب من الصيام اوى المهم ما علينا يلي ندخل اشوف عملت ايه 😂
عماد :يلي يا قمره
دخلت خديجه وعماد وكانت الاوضه حلوه اوى بالبلالين والورد الاحمر
خديجه :الله يا عماد التورته دى ليا انا صح
عماد :لينا ها لينا مش ليا لينا 😂
خديجه :لا هذا حجي انا 😂
والبوكس اللي اطول مني ده في ايه
عماد :تعالي اما افرجك تعالي
فتح عماد البوكس وطلع منه ثلاث فساتين خروج
عماد :بصي يا ستي ده اول عيد ليكي في بيتي ودى هدوم العيد اتمني بس زوقي يعجبك يا حبيبتي
خديجه :ليه تعبت نفسك يا عماد ما انا هدومي كلها جديده جوه اهي مالبستش منها حاجه
عماد :هي دى شكرا ....ولا تسلم يا حبيبي .....ولا تعيش وتجيب يا قلبي
خديجه :ربنا يخليك يا حبيبي حلوين اوى
عماد :منسيتش خمار لون كل فستان ونقاب نفس اللون اهم
وغمضي عينك بقي
خرج عماد من جيبه علبه الدهب وبدأ يلبس خديجه السلسله والحلق والغوايش والخاتم اللي جابهم
عماد :افتحي عينك يا اميرتي الحلوه
فتحت خديجه عينها وبدأت تدمع
عماد :تؤتؤ تؤتؤ بلاش عياط بصي كده في المرايا اول مره اشوف جوهره لابسه ذهب
خديجه :بس كده كتير اوى يا عماد كتير فعلا
عماد وهو بيحضن خديجه :مش كتير يا قلب عماد ربنا يخليكي ليا ومتحرمش منك ابدا وتفضلي معايا طول عمرى
خديجه بصوت أشبه بالبكاء :مش هيحصل يا عماد انا هموت لو مش السنه دى يبقي السنه الجايه وهسيبك لوحدك
عماد :بس متقوليش كده ....هتبقي كويسه وهنسافر بره تتعالجي احسن من مصر وكل حاجه هتبقي تمام
خديجه :اخاف اسيبك لوحدك بص لو مت بلاش تطول في الزعل يا عماد انت طيب اوى انا عمر ما حد كان طيب معايا بالشكل ده اوعي تنساني يا عماد لو جرالي حاجه خليك فاكرني خليني ذكرى جميله♥️
عماد :متبقيش بومه بقي هتبقي كويسه وهتفضلي معايا وهنملي البيت ده كله اولاد وهتخفي وهنفضل سوا
خديجه :ياريت بجد ياريت
عماد :اصبرى بقي متنسنيش اللي كنت عايز أقوله
خديجه :قول طيب
عماد :جاهزه يا حاجه
خديجه :جاهزه يا ابني 😂
عماد :كل وقت بيمر في عمرى لي طعم بيكي ...فما بالك العيد ..؟
كل سنه وانتي اجمل حدث حصل ليا ♥️
عارفه انا الوحيد اللي مش محتاج هديه في اليوم ده دامك الله بخير انت هديه العيد
طب ازاى مفرحش بالعيد وانتي نفسك العيد اللي كل سنه وانا فيه بخير ❤️
طب ازاى متبقيش عيدى ...؟ وانتي الوحيده اللي بتخليني ابتسم
انتي الشخص الوحيد اللي لايق عليه الفرحه .... انتي والفرحه مخلوقين من نفس التركيبه ♥️سبق و قولتلك انتي عيدى كل خير في الدنيا دى جالي من ساعه ما عرفتك وبقي منك وفيكي ♥️بعد ده كله ومفرحش بالعيد ؟؟؟ وانتي بنفسك العيد اللي كل سنه وانا فيه بخير ♥️يا عيد عمرى وابتسامه شفاتي كل عام وانتي العيد ♥️
واقترب منها وقبل رأسها
كل سنه وانتي تاج راسي يا ست البنات ♥️
خديجه :طب خلينا نتكلم بالمنطق شويه يعني لو مت هتنساني
عماد :ابدا
خديجه :ابدا
عماد :ابدا 😂...يلي بقي متبقيش بومه يلي ننزل نقعد معاهم تحت
خديجه :,يلي
نزلت خديجه ماسكه ايد عماد
شيماء :يا خرابي علي العسل يا ناس ايه ده بجد
عماد :قولي الله اكبر لاتصيبها عين
شيماء :اقعد انت علي جنب عيني عليها بارده
خديجه :ازيك يا شوشو كل سنه وانتي طيبه يا حبيبتي
رقيه ،:العيد ده لو هيبقي حلو هيبقي حلو لان انتي معانا يا قلبي 💋
الحاجه مروه :وان شاء الله العيد الجاي يبقي معاها ابنها ولا بنتها
هنا خديجه بصت لعماد بصه فهمها كويس
عماد :إن شاء الله يا أمي انا هنزل اقعد مع أبي في المسجد لحد صلاه العيد وبعد كده هنادى عليكم تنزلوا
الحاجه مروه :احنا رايحين الجيزه عند خالتك صفا عزمانا بكره وهنقعد لااخر الاسبوع انا وأخواتك وابوك هنروح وانت وخديجه انبسطوا شويه هنا وخرجها
عماد :أن شاء الله يا امي يلي سلام عليكم
نزل عماد وقعدت خديجه مع شيماء ورقيه وكان وقت حلو لحد معاد الصلاه
لبست خديجه ورقيه والحاجه مروه
رن عماد علي خديجه
خديجه :السلام عليكم
عماد :وعليكم السلام يا عيوني ♥️ يلي انزلي انت وامي وشيماء ورقيه احنا تحت مستنينكم نورتي البيت يا دودو 😊
خديجه :طب بس علي شأن رقيه واقفه ورايا وسامعه كل حاجه
رقيه :نورتي البيت يا دودو 😂😂🤦
يارب ارحمني حتي اخويا إصابته اللعنه
والاخت الثانيه خطيبها هيجي يشوفها وانا قاعده كده 💔
ضربت خديجه رقيه بخفه
خديجه :انزلي يا لمضه يلي
..........مرت ايام العيد علي هذا النحو الجميل في بيت الحاج صلاح ومرت معه الايام والشهور ........
بعد ١٠شهور ونصف من زواج خديجه وعماد
في بيت الحاج صلاح
عماد :متخافيش يا رقيه ذاكان خديجه وشيماء نجحوا انتي مش هتنجحي وبعدين أن الله لا يضيع اجر من احسن عملا
خديجه :أهدى بس الموقع لسه مفتحش انا اديت عمار رقم جلوسك والنت عندنا سريع هيجبهولك
شيماء :طب القاهره إن شاء الله يا رقيه
الحاج صلاح :اهو عمار بيرن
رقيه :رد بسرعه يا ابي
رد الحاج صلاح
عمار :اخد هديتي بقي الف مبروك يا حاج صلاح يا ابو الدكتوره رقيه ٩٨.٥٪
الحاج صلاح :الله اكبر الله اكبر ماشاء الله تبارك الله ....الله يبشرك بالخير يا ابني
رقيه :ها يا بابا رد عليا
الحاج صلاح :٩٨.٥٪يا حبيبه ابوكي يا رافعه راسي
عمار:وفرحني انا بقي يا ابو عماد 😂🤦 انت قولتلي دى لسه صغيره وانا مش عايز اشغل دماغها باي حاجه علي شأن مستقبلها ...واهي الحمد لله ماشاء الله حققت اللي كانت عايزاه
صلاح :انت فاضلك سنه في الكليه خلصها وربنا يسهل
عمار بفرحه :يعني موافق يا حاج صلاح
صلاح :علي خير إن شاء الله ♥️
عمار :ربنا يطمن قلبك ....يلي اسيبكم تفرحوا شويه
قفل الحاج صلاح وحضن رقيه اللي كانت في حضن امها بتعيط من الفرحه
هنا اتصل قاسم بعماد
عماد :السلام عليكم يا قاسم ...
قاسم :وعليكم السلام بقولك نتيجه الثانويه العامه ظهرت اختك عملت ايه
عماد :شششش متكلمنيش انا اخو الدكتوره 😂 الحمد لله علي كرمه جابت ٩٨.٥٪
قاسم : الف مبروك انهارده فرحتين شيماء نجحت وفاضل سنه رابعه ونتجوز بقي ورقيه اطمنا عليها الحمد لله قولها الف مبروك
عماد:الله يبارك فيك يوصل إن شاء الله يلي سلام
قاسم :سلام
في دقائق انتشر الخبر في العائله وكلهم اتصلوا وباركوا لرقيه
.............
في بيت هاشم
منار :اه والله بتكلم جد الورق بتاعك اللي اتبعت المانيا بعتولي انهارده وقالوا إن العمليه ممكنه وهترجع تمشي يا حبيبي
هاشم بدموع :الحمد لله بجد الف حمد وشكر لك يارب وانتي نجحتي كمان الف مبروك
منار :ورقيه بنت عمي ماشاء الله جابت ٩٨.٥٪
هاشم :ماشاء الله تبارك الله شكلها سنه حلوه اوى علينا كلنا ....
منار :يلي حبيبي ارتاح دلوقتي ورانا سفر بعد يومين وعايزين نلحق نخلص الورق وان شاء الله هتبقي بخير
بعد ساعتين نام هاشم ومنار فضلت صاحيه في حاجه تانيه مفرحاها ومخلياها سر لحد ما العمليه تتم إن شاء الله وهيرجع يمشي تاني وهيبقي اب كمان الحمد لله والشكر لله
همست لنفسها قبل أن تنام
صابرين جايه يا هاشم ....أو مصعب اي حاجه انا راضيه يا حبيبي ♥️
............................
انتهي البارت اتمني يعجبكم لو عجبكم ياريت تصويت♥️
احبكم في الله 💓💓🌻
تابعوني ♥️
