حلقه ٢٠
تاني يوم في بيت مها
مها :بقؤلك ايه يا تماره والله ما عارفه اصل هروحلها بصفتي ايه يعني ده احنا جيران طول عمرنا وعمرى حتي ما قلتلها صباح الخير هاجي دلوقتي اعمل فيها بحبها وقلبي عليها لا حوار فكسان اوى
تماره :طب انا عندى فكره حلوه اوى
مها :ايه هي قولي
تماره :انتي تعرفي تجيبي رقمها ؟؟
مها :مش معايا بس هتصرف باي شكل واجيبه عادى
تماره :حلو اوى جيبيه وبعد ما تجبيه نشترى خط جديد اكيد مش هينفع الحوار ده من خطك انتي علي شأن متتعرفيش
مها :وبعدين ؟؟
تماره:هتكلميها واتس اب علي انك قريبه عماد واوعي طبعا تقولي او تعرفي نفسك ....وقوللها الكلمتين دول وحوار أنه بيشفق عليها والكلام ده وان أمه كمان رافضه الجواز وهيعاملوكي وحش وطبعا شويه بهارات من عندك
مها :ههيهيهيهيهيهيهيهي ......(ضحكه مايعه) هو في اكتر من كده عندى
تماره :,اول ما تجيبي رقمها تعرفيني علي طول وتيجي عندى علي شأن ننفذ سوا
مها :اوك يا حبي يلي take care
تماره :باي
..............
في الاسكندريه
في المطار الحاج متولي ونجلاء ومحمود وزينه ومازن بيودعوا حامد
متولي :مع السلامه يا ابني اشوفك بخير
محمود :ترجع لنا بالسلامه يا ابو حميد
حامد :الله يسلمكم
نجلاء :اول ما توصل تكلمنا علي طول
حامد :حاضر يا ست نجلاء
نجلاء :مع السلامه يا حبيبي
بعد دقائق كان النداء لطياره مدينه( الكويت )عاصمه الكويت
ودع أهله وبدأ السفر اللي هيستمر سنتين
في الطياره كان قاعد ماسك الموبايل بيبص في الصوره اللي اتصوروها يوم الخطوبه وبيكلم نفسه
يااه يا بنت ال ايه وحشتيني اوى علي فكره امال هعمل ايه في السنتين دول
معرفش امتي وازاى حبيتك كده بالسرعه دى .....بس معلش يا يارا لما ارجع مش هرحمك والله 😂
بعد ثلاث ساعات وصلت الطائره الي هدفها مدينه الكويت
في المطار
كان في الانتظار شاب كويتي هو المسؤل من الشركه عن استقبال المبعوثين المصريين كان حامد بس اللي موجود اليوم ده
(مؤيد )شاب في مقتبل العمر ٢٩سنه جذاب وهو المسؤول عن العلاقات العامه للشركه اللي هيشتغل فيها حامد
مؤيد :يا هلا وكل الغلا بأهل مصر انت حامد صحيح ؟؟
حامد :ايوه حامد اهلا وسهلا انت مؤيد صح ؟
مؤيد :ايه تكرم عساك بخير ان شاء الله
حامد :الحمد لله كويس
مؤيد :الحين بنروح علي السكن اللي راح تقيم فيه بأذن الله ترتاح اليوم وغدا ان شاء الله نبلش الشغل
حامد :بأذن الله
ركب حامد العربيه واتصل بيارا علي طول
حامد :خلاص خلاص أهدى الحمد لله وصلت
يارا :والله واما انت واصل بقالك كتير مردتش ليه
حامد :كنت بتكلم مع المبعوث اللي المفروض يوصلني للسكن يا ست يارا هانم
يارا :خلاص اسفه
حامد :عامله ايه ؟
يارا :الحمد لله كويسه
حامد :بصي علي شأن انا مش لوحدى دلوقتي اول ما اوصل هكلمك
يارا :خلاص تمام خلي بالك من نفسك
حامد :في رعايه الله سلام
......
مؤيد :ممكن نصير اصدقاء ....مبين عليك مهضوم ماشاء الله
حامد :ممكن اوى ليه لا
مؤيد :والله المصريين مافي منهم بيدخلون القلب بلي استأذن
حامد :من ذوقك والله
بعد دقائق وقفت العربيه ناحيه عماره كبيره جدا
مؤيد :ها الحين وصلنا تقدر تنزل
حامد :طب كويس اصلي عايز اكلم الأهل اطمنهم
مؤيد :بنطلع لفوق واحكي مع اللي تبيه
حامد :أن شاء الله
مؤيد :انا هون جارك ..بجوارك بالسكن اي شي بتحتاجه اوعاك تتردد لحظه كلنا اخوانك
حامد :شكرا جدا والله مش عارف اقولك ايه
مؤيد :ما تقول شي هذا واجبنا يا اخوى شوف زوجتي سوت لك غدا وتركته علي السفره
حامد :كمان لا ده حد كتير اوى والله تعبناك معانا اوى ربنا يكرمك
مؤيد :تكرم عيونك والحين في حفظ الله بنشوفك تاني نهار إن شاء الله
حامد :إن شاء الله
ودخل حامد الشقه ودخل الشنط بتاعته
دخل خد دش بسرعه وغير هدومه وبدا يرص هدومه في الدولاب
وبعد ما رص الهدوم
رن الموبايل
حامد :ايه يا ام زينه خلاص اهدي والله لسه داخل السكن وحيلي مهدود
نجلاء :خلاص يا اخويا الحلوه خدتك مننا
حامد :حرام عليكي يا شيخه هو انا لحقت حتي اشوفها ؟
نجلاء :يا سيدى ربنا يسعدك يلي اسيبك ترتاح
حامد :طمني ابوكي
نجلاء :حاضر يا سيدى ماشي
حامد :يلي في رعايه الله
.........
ورن التليفون
حامد يالله مش هنخلص انهارده :السلام عليكم اهلا يا قاسم
قاسم :وصلت الحمد لله
حامد :اه من ساعه ونص كده
قاسم :طب حمد الله على السلامه يا ابو حميد
حامد :الله يسلمك يا قاسم انت مرتاح في الشغل ؟؟
قاسم:اهو ماشي الحال الحمد لله يا ابو حميد الا بقلك مش نويت أخطب
حامد :قول والله ؟؟
قاسم :اه والله خلاص قررت
حامد :ومين سعيده الحظ دى
قاسم :اسمها شيماء اخت عماد واحد جارى هنا وناس طيبين بس لسه مش عارف اجبهاله ازاى
حامد :اصبر شويه انت مكملتش شهرين في القاهره 😂😂
قاسم :ولو ولو يا سيدى ولو
حامد :ربنا يتمملك بخير يا قاسم ويسهلك الأمور
قاسم :إن شاء الله خير يا ابو حميد يلي سلام يا حبيبي
حامد :سلام ...وطمن الشباب لاني هقفل التليفون وانام
قاسم :يوصل إن شاء الله سلام ....
......
قفل حامد التليفون ونام من التعب
....................
في بيت مها
مها:ماما خارجه عند شيماء
سعاد :ليه خير ؟؟
مها :في ايه يا ماما هو انا اول مره اروح يعني ؟
سعاد :لا مش اول مره بس احب اقولك أن الي كنتي بتروحي علي شأنه خلاص خطب ركزى في حالك انتي بقي يا بنتي وكفايه لحد كده ..يا بنتي فوقي بقي
مها :انا رايحه اقعد مع شيماء يا امي
سعاد :اعملي اللي انتي عايزاه بقي انا تعبت يا مع تعبت بجد
خرجت مها من البيت من غير ما ترد
وبعدها بدقائق وصلت بيت الحج صلاح ولحسن حظ عماد كان بره البيت
استقبلت مها الحاجه مروه وشيماء ولحسن حظ مها أن رقيه كانت نايمه
شيماء :ازيك يا مها عامله ايه اخبارك
مها :الحمد لله يا حبيبتي انتي اخبارك
شيماء :تمام الحمد لله تعالي نطلع نقعد فوق
مها :امال فين رقيه ؟؟
شيماء:متخافيش نايمه في اوضتها 😂تعالي تعالي
طلعت مها مع شيماء الاوضه
مها :شيماء ممكن تليفونك اتصل بواحده صاحبتي لان معييش رصيد
شيماء :اتفضلي يا حبيبتي .....
مها :يا خبر نسيت شنطتي تحت وفيها موبايلي اللي هاخد منه الرقم
شيماء :خلاص هنزل اجبهولك ...ثواني وجايه
مها :معلش يا حبيبتي هتعبك معايا
نزلت شيماء تجيب شنطه مها اللي سابتها تحت بالقصد بس كان التليفون في جيبها
طلعت التليفون ودورت علي رقم خديجه علي شأن تاخده ولقيته اخيرا
بسرعه سجلت الرقم قبل شيماء ما تطلع
طلعت شيماء :اتفضلي يا مها الشنطه اهي
مها :خلاص خدى التليفون لما اروح ابقي اكلمها خلاص مش لازم دلوقتي
شيماء:خلاص علي راحتك يا مها عامله ايه اخبارك انتي
مها :تمام الحمد لله ....الا ايه اللي حصل في موضوع عماد
شيماء :مقابله عادى ومستنين الرد
مها :ربنا يتمم بخير
شيماء :إن شاء الله عقبالك
.......بعد فتره
مها :طب يا حبيبتي اروح انا اتاخرت سلام
شيماء :مع السلامه يا مها
خرجت مها من البيت وعلي طول اول ما خرجت اتصلت بتماره
تماره :ها جبتيه
مها :اها جبته
تماره :ايوه بقي هو ده الشغل بكره تجيلي البيت نشوف هنعمل ايه
مها :هيهيهيهيهي ...اما اشوف انا ولا البت اللي ما تتسمي دى
تماره :انتي طبعا يا روحي هي مين دى اصلا
...............
انتهي البارت اتمني يعجبكم لو عجبكم ياريت تصويت
احبكم في الله 💓💓💓💓💓💓💓🌻
تابعوني ♥️
