Way Back Home

°5°

Unicode

ရိပေါ်ရဲ့ ကျောင်းတက်ရက်တွေက ပုံမှန်ပြန်ဖြစ်ခဲ့တယ်။ အားကစားအသင်းဝင်ဖန်းရှင်းက ဘတ်စကတ်ဘောပြိုင်ပွဲအတွက် လေ့ကျင့်ရေးတွေ ဆက်တိုက်ဆင်းနေရတယ်။

နှစ်ဝက်စာမေးပွဲ နီးနေပြီမို့ ကောင်စီအလုပ်တွေလဲသိပ်မရှိတော့။စာမေးပွဲအတွက်သာအာရုံစိုက်ထားမိပေမယ့် နောက်ခုံက ရှောင်းကျန့်ကြောင့် အသက်ရှူတွေ မမှန်။ရှောင်းကျန့်နဲ့ပတ်သတ်လို့မူမမှန်တဲ့ စိတ်ကို သတိထားမိတာကြာပြီ။

ရှောင်းကျန့်နဲ့လဲ ခပ်ခွါခွါနေမိတယ်။အနေနီးရင် စိတ်ကစားတတ်တာမို့၊ ဖက်လှဲတကင်းနေတဲ့ဖန်းရှင်းကိုကျဘာမှမခံစားရပဲ ရှောင်းကျန့်နဲ့ကျမှထူးဆန်းနေတာ။

"ရိပေါ် "

"ဘာလဲ !!!! "

ခေါ်သံနဲ့အတူ ပုခုံးပေါ်ကိုလက်တင်လာတာမို့ ရိပေါ်အလန့်တကြားအော်ဟစ်မိလိုက်သည်။ရှောင်းကျန့်ကတော့ အံ့သြသွားတဲ့ပုံနဲ့ 

"ရုတ်တရက်ဆိုတော့ လန့်သွားလို့၊"

"ကျောင်းဝတ်စုံသေချာဝတ်ဖို့ ပြောမလို့၊ဆရာဝင်တော့မယ်။ "

ထိုအခါမှ ချွတ်ထားတဲ့ အပေါ်ကုတ်ကိုပြန်ဝတ်လိုက်တယ်။နောက်ဘက်ကိုတော့ ထပ်မကြည့်ဖြစ်တော့ဘူး။ သူအော်လိုက်လို့ လန့်သွားတဲ့ပုံက မျက်လုံးထဲကမထွက်။

ထိုနေ့မှစလို့ ရှောင်းကျန့်ဘက်ကလဲ ရိပေါ်ကိုရှောင်နေခဲ့မှန်း သတိထားမိတယ်။ရိပေါ်ထက် ကျောင်းစောဆင်းတယ်။ စကားလှမ်းမပြောဘူး။ ကော်ရစ်တာမှာ ဆုံရင်တောင် မပြုံးပြတော့ဘူး။ အချိန်ပြည့်သူ့ကျမ်းစာအုပ်နဲ့ပဲ။

နှစ်ဝက်စာမေးပွဲပြီးတဲ့အခါ ကျောင်းတစ်လပိတ်တယ်။နောက်ဆုံးဘာသာပြီးရင် နှုတ်ဆက်စကားပြောဖို့ ရည်ရွယ်ထားပေမယ့် ၂နာရီထဲဖြေပြီးထွက်သွားတဲ့ရှောင်းကျန့်ကြောင့် ရိပေါ်စိတ်ကူးတွေပျက်စီးသွားရတယ်။

ကျောင်းပိတ်ရက် ၃ရက်မြောက်နေ့မှာတော့ ဖန်းရှင်းနဲ့အတူ အရက်သွားသောက်ဖြစ်ကြတယ်။အသားကုန်သောက်ပြီး မူးပစ်လိုက်ချင်တာ။မူးပြီးအသိစိတ်ပျောက်သွားရင်တော့ ရှောင်းကျန့်အကြောင်းမတွေးမိနိုင်လောက်တာမို့။