Unicode
ကျောင်းစဖွင့်တဲ့ရက်မှာတော့ စည်းရုံးရေးစဆင်းဖို့ဖန်းရှင်းကိုအကူအညီတောင်းရပြီ။
"စိတ်ချ သားကြီး၊အားကစားအသင်းကမဲတွေ မင်းအတွက်ဖြစ်စေရမယ်။ "
"သေချာရဲ့လား "
"စိတ်မပူနဲ့ ကောင်စီဥက္ကဌကမင်းပဲ ဟုတ်ပြီလား။ "
ဖန်းရှင်းက ယုံကြည်ချက်အပြည့်နဲ့။
စည်းရုံးရေးဆင်းဖို့အတွက် စကားရည်လုပွဲဝင်ရတယ်။ဥက္ကဌဖြစ်လာရင် ဘာတွေဆောင်ရွက်ပေးပါမယ် စသဖြင့်ပေါ့။ဖန်းရှင်းကြောင့်ပဲ သူ့ကိစ္စတွေချောမွေ့သွားတာပါ။သူတို့အတန်းကျောင်းမှာ ကျောင်းသား ၅၀၀ရှိတယ်။အားကစားအသင်းဘက်ကမဲတွေကိုပဲအားကိုးရတာ။ဖန်းရှင်းအကူအညီကြောင့်ပဲ
မဲတွေ သူရလိုက်ပြီး ကောင်စီဥက္ကဌဝမ်ရိပေါ် ဖြစ်လာခဲ့တယ်။
"ရိပေါ် ဒါလေး"
နောက်ခုံကနေ ရှောင်းကျန့်ကစာရွက်လေးကမ်းပေးတယ်။ဘာသာရပ်တစ်ခုခုကိုထပ်ရွေးဖို့ စာရွက်လေး။
ဓာတုဗေဒနဲ့ အိမ်တွင်းမှု တဲ့။ ဖော်မြူလာတွေကျက်ရ၊ထုတ်ဖော်မှုပုံတွေဆွဲရတာထက်စာရင် စာမေးပွဲလဲဖြေစရာမလိုတဲ့ အိမ်တွင်းမှုဘာသာကပိုမကောင်းဘူးလား။
"ခင်ဗျား ဘာရွေးထားလဲ "
"ငါ? ငါက အိမ်တွင်းမှုဘာသာရပ်"
"အော် "
ရိပေါ်လဲထပ်တွေးမနေတော့ပဲ အိမ်တွင်းမှုဘာသာဆိုတဲ့ အကွက်လေးမှာအမှန်ခြစ်ခြစ်လိုက်တော့တယ်။
အိမ်တွင်းမှုဘာသာဆိုတဲ့ခေါင်းစဉ်အောက်မှာ ခေါင်းစဉ်သေးတွေထပ်ခွဲမှန်း ရိပေါ်မသိခဲ့တာအမှန်။
ခုတော့ လက်မှုပညာနဲ့မုန့်ဖုတ်အချိန် ဘယ်ဟာကိုထပ်ရွေးရမလဲတွေဝေနေရပြန်ပြီ။
စားခဲ့ဖူးတဲ့ပေါင်မုန့်အကြောင်းခေါင်းထဲဝင်လာတာမို့ မုန့်ဖုတ်အချိန်ပဲတက်ဖို့ ရွေးချယ်လိုက်တော့တယ်။
မုန့်ဖုတ်အချိန်တက်ဖို့ အခန်းထဲဝင်လိုက်တဲ့အချိန်မှာတော့ ရိပေါ်မျက်လုံးပြူးသွားတော့တယ်။
မိန်းကလေးကအယောက်၂၀လောက်ရှိမယ်။ယောကျာ်းလေးဆိုလို့ စီနီယာအစ်ကိုတစ်ယောက်ရယ်၊သူရယ် ၊ရှောင်းကျန့်ပဲရှိတယ်။
KAMU SEDANG MEMBACA
Way Back Home
Fiksi PenggemarCan't wait to tell this story to my grandchildren.
