الضيف

الفصل الرابع

الضيف ٤

_ صباح الخير يا سي عمر
= احم اهلا يا...
_ روح يا بيه، خدامتك روح
= اهلا يا استاذة روح خير في حاجة ؟
_ أستاذة ؟ هيهيي يعلي مراتك يا رب
= احم، تسلمي
_ الا يا اخويا ملقيش شوية سكر يا سكر انت
= ايه ؟ اقصد .. احم .. انا مش عارف يمكن اه ..

_ خير يا روح في حاجة
= يا اختي جرا ايه يا فجر مش تكحي يا اختي
_ ايه اتخضيتي يا بسكوتة و لا ايه
= ودي دخلة بردو
_ يعني هو مفيش في البلد كلها سكر غير عند سي عمر !
=الله مش احنا جيران يا اختي و الجيران ل..
_ لا يا اختي مش جيران احنا هنعزل هنمشي هنولع في نفسنا ليكِ فيه و بسلامة بقا عشان انتِ عارفة احنا عرسان و محتاجين نرتاح

رجعت بعنيها تبصلي جامد، اتنحنحت بتوتر و هي بتقرب بحذر .

_ تاني مرة متفتحش الباب لاي واحدة من المعاتية الي البرا دول فاهم !

سابتني ودخلت الاوضة و لقيت رجلي بتمشي وراها ..

_ هو أنا عملت حاجة غلط ؟
= بتفتحلها ليه
_ وانا المفروض اعرف منين اني مفتحش
= انت ايه الي صحاك بدري اساسا
_ كنت نازل اجيب عيش، الحج توفيق شكله تعبان من امبارح ومش هينفع ينزل
= و اما انت فالح كدا منزلتش و سبتها ليه ؟ واقف تاخد و تدي معاها و لا كانكوا صحاب
_ انا مقلتش غير اني معرفش مكان السكر
= وانت مين الي قالك انها عايزة سكر يا سكر انت
_ اومال هتعوز ايه غير السكر
= اوووف ، امشي اطلع برا
_ طب افهم طيب
= اطلع برااا

مشيت خطوة و رجعتلها تاني وانا ببتسم

_ لا بس حلوة احنا عرسان و عايزنين نرتاح دي
= اطلع برا
_ يعرفوا دول اني نمت عالكنبة امبارح
= اط ...
_طالع طالع تكونيش مطلعاني من الجنة

******************
_ اش اش ، صباحية مباركة يا عريس
= استغفر الله العظيم يا رب
_ ايه بس مالك دا بردو وش حد اول يوم دنيا ليه كان امبارح
= عايز ايه يا رشدى عالصبح
_ انا شايف ما شاء الله سندوتشات فول و عيش ايه دا دي طعمية دي و لا انتوا بتقوا عندكوا ايه عليها اه فلافل فلافل
= يا فتاح يا عليم
_ لا بس انت رجلك خدت عالمكان و بفيت حلو مننا اهو
= لا انا مش فايقلك خالص
_ طب استني بس
= تاني مرة لو مسكت دراعي كدا هقطعهولك انت فاهم ؟
_ اوه مالك عنيف كدا يا راجل دا احنا هنبقي نسايب
= انت طالبة معام هطل عالصبح ؟
_ الا صحيح ست الحسن عاملة معاك ايه

رميت الحاجة الي في ايدي على جمب و مسكت في مقدمة قميصة جامد

_ انت بتتكلم على مين يا بتاع انت
= الله نزل ايدك يا ابو النسب مش كدا

ملقتش نفسي غير و انا بديله بالبوكس في وشه خليت الدم يجي من مناخيره و شفايفه

_ مش قلتلك عنيف، بس حقك ما انت متعرفش الوصال الي بيني و بين ..
= منصحكش نهائي يا رشدي تجيب سيرتها هخلي هيبتك في الناحية بسوا الارض وانت عارف اني اعملها
_ ..........
= لو فكرت تقربلها او تعترض طريقها لو جات قالتلي انك بس بصلتلها بصه معجبتهاش هتشوف مني وش مش هيجعبك و هيزعلك و هيخليك تجيب نسوان من بتوع يزعلوا أمين ؟