_ يا صباح الهوت شوكليت
_ فجر : امممم عايز ايه ؟
اقترب ممسكاً كفاها في هدوء و عيناه تبرق بلمعة خاطفة
_ عمر : مودي حلو عشان منمتش عالكنبة امبارح
رفعت حاجباها في انبساط وهي تبتسم لعيناه
_ فجر : متتعودتش على كدا
_ عمر : هو انا عملت حاجة ؟
وابتسم يغمز بعيناه في أناقة
_ عمر : لسه يعني
ضربته في كتفه و هي تبعده عنها، توجهت لتحضر له القهوة الخاصة و مددتها له
_ فجر : صليت الفجر امبارح
_ عمر : ايوه و قريت الورد الي كان عليا
ابتسمت وهي تضع امامه فطوره، مضغ طعامه وهي تتأمله في صمت، لم تستطع كبح سؤالها
_ فجر : نمت مرتاح امبارح ؟
_ عمر : امممم، بقلك مودي حلو بس عارفة
ورفع عيناه العسليتان بالتماع بريئ
_ عمر : وجع رقبتي وحشني الليلادي
_ فجر : لا و الله طب ابقي ارجعلها بقا
_ عمر : لا لا لا متبقبش قفوشة كدا
وابتسم وهو يغمز
_ عمر : سريري واسع ياخدني انا و انتِ ورقبتي عادي
_ فجر بسخرية : سريرك
_ عمر : سريرِك ؟
فلتت منها ضحكة وهي تبعد عنه مربة الفراولة
_ عمر : عرفتي منين اني عندي حساسية من مربة الفراولة
_ فجر : معرفتش
_ عمر : اومال بتبعديها ليه
_ فجر : لاني انا كمان عندي حساسية من الفراولة
********************
فتح عيناه في هدوء لتتخللها اشعة الشمس، نظر جواره فوجدها نائمة في سلام، ينسدل بدلال خصلاتها الفحمية الي جانب الوسادة مغضيا جامب وجهها الايمن، اغمض عيناه متذكراً ما حدث ليلة الامس حسناً .. عقد قرانهما .. ذهبا لوالدته ... و بعدها ناما .. لحظة نام !!!
تملمت في الفراش وهي تفتح عيناها
_ طارق : صباح النور
_ نور : صباح ال.. ايه دا مش المفروض انا الي ارد بدي ؟
_ طارق : لأ مهو انا الي هقلها من هنا ورايح صباح النور
_ نور مبتسمة : صباح الخير
قامت من مكانها تتحه نحو المرآة اما هو نظر لها بمشاكسة
_ طارق : هو ايه الي حصل امبارح
اغمضت عيناها في تذكر لما حدث الليلة الماضية
_ طارق : نور انا عايز اقلك حاجة مهمة
_ نور : قول
_ طارق : انا كنت.. انا كنت حاسس مشاعر من ناحية واحدة تانية قبلك
_ نور : .......
_ طارق : كنت عايش زي المراهقة المتأخرة كدا
_ نور : .......
_ طارق : انا عارف ان الي بقوله دا غريب لكن، بصي هو في الحقيقة انا شايف ان من حقك تعرفي كل حاجة عني
_ نور : طب ... طب ودلوقتي
