#الضيف (١٠)
_ عمر يا عمر
فتح عيناه في هدوء وهو يحاول ابعادها عنه قليلاً
_ عمر : شريف ! ، ايه الي جابك
_ شريف : ايه الي جابني ايه، بقالك تلت ليالي في قلب البحر وتقولي ايه الي جابك ! ايه الي مقعدك انت عندك
_ عمر : اشششش وطي صوتك
امسكه من رسغه ليبعده عنها قليلا
_ شريف : ايه في ايه ؟
_ عمر : انا مقلتلهاش اني بعرف أمشيه
_ شريف بخبث : يعني انت قايلها انو عطلان
_ عمر : ........
_ شريف : جرا ايه يا عم الرومانسي و ملقتش غير البحر، دا انت الغواص الي فينا
_ عمر : اووف، انت جاي ليه دلوقت
_ شريف : جاي عشان اخدكوا يا حبيب
_ عمر : دلوقت دلوقت ؟
_ شريف : الحج توفيق دايخ عليك هو ماما نجوى دا غير الاجازة الي انت اخدتها دي قالبة دماغ المستشفى وعاملة عجز وجودك يفرق يا قبطان بردو
_ عمر : يعم وطي صوتك هتفضحني، وبعدين هو فين طارق مش المفروض انو جراح بردو و لا انا غلطان
_ شريف : مهو سبحان الله طارق بردو واخد أجازة
_ عمر : طارق واخد اجازة ! غريبة دي
_ شريف : بقاله فترة حاله مش عاجبني كدا
_ عمر : خلاص نرجع و نروحله على طول
_ شريف : عمر
_ عمر : ايه
_ شريف : والدة طارق تعبانة جدا وطارق نقل بيتهم القديم وساكن معاهم حاليا
_ عمر : وبيتهم القديم دا فين ؟
_ شريف : حارة رشدي الخليلي
*******************
وقفت امام المراة تعدل خصلاتها القصيرة بضجر ملحوظ
_ آثير : يعني ايه يا نرمين هروح لوحدي ؟
_ نرمين : وانتِ صغيرة ؟ متروحي لوحدك
_ آثير : لا طبعا اخاف
_ نرمين : ما انتِ رايحة مع الدفعة كلها يا بنتي في ايه
_ آثير : فيه اني بخاف اطلع رحلات من الاساس وكنت هطلع بس عشان معاكِ تقومي قيلالي مش طالعة الرحلة !
_ نرمين : اعمل ايه يا آثير انتِ عارفة ان ماما تعبانة و طارق نزل الحارة مخصوص عشانها واحنا لازم نروح اسكندرية عشان طارق و شغله
_ آثير : ومش مشكلة أنا بقا ؟! وبعدين هتمشي تروحي فين بقا ؟
_ نرمين : طارق عنده شقة عايش فيها لوحده في اسكندرية هياخدنا معاه انا وماما
_ آثير : طب وانا ؟ هتبعدي عني عادي ؟
_ نرمين : يا ستي وافقي انتِ تتجوزي اخويا و أنا هفضل لزقالك طول حياتك
_ آثير : بردو يا نرمين ؟! بردو
_ نرمين : جتك نيلة ملكيش في الطيب نصيب
_ آثير : انا ماشية
_ نرمين : رايحة فين
_ آثير : ملكيش دعوة مش انتِ هتمشي وتسبيني؟! ملكيش دعوة انشالله اموت
_ نرمين : بعد الشر عنك يا بت انتي يا بت
********************
_ دكتور طارق دكتور طارق
التفت بعيناه الخضراوتان لمصدر الصوت الانثوي خلفه، ابتسم بجاذبية وهو يعدل من نظارته الطبية الانيقة
_ طارق : صباح الخير يا آنسة نور
_ نور : صباح النور
_ طارق : مالك في حاجة ؟
_ نور : لأ، آه ، في الحقيقة آه
_ طارق : طيب خير قوليلي يمكن اقدر اساعد
_ نور : أخويا آسر تعبان شوية و حضرتك عارف أنه عنده ثقب في القلب و دواه خلص و...
_ طارق : طيب خدي
_ نور : لا لا لا انا مش محتاحة فلوس
