_ دكتور شريف .. دكتور شريف العدوي
_ عمر : ايه يا شريف بينادوا عليك
_ شريف : استنا هي الي بتنادي ؟!!
_ عمر : اه هي
_ شريف : اهدي يا قلبي اهدي و استني
_ عمر : قوم يا شريف البت تعبت من المنادية
_ شريف : حاضر ... يا اعصابي مش قادر
_ عمر : يا عم هي هتحضنك دي في اديها نتايج التحاليل اهي
_ شريف : تصدق انك عيل فصل
_ عمر : يا شيخ اتنيل
_ شريف : انا شريف يا قمر
_ أسمهان : أفندم !!!
_ شريف : احم اقصد انا دكتور شريف
_ أسمهان : تمام نتيجة التحاليل اهي
_ شريف : هو انتِ اسمك ايه ؟
_ أسمهان مبتسمة بسخرية : وانت مال حضرتك
_ شريف : الله مش الممرضة بتاعتي
_ أسمهان : ايه الممرضة بتاعتك دي !! في ايه يا دكتور !
_ شريف : في القسم يعني ممرصة القسم بتاعنا دا
_ أسمهان : تقدر تقولي يا أستاذة او انسة
_ شريف : وايه المشكلة لو عرفت اسمك !
التفتت له لتنظر في عيناه في حدة
_ أسمهان : عشان انا حرة
وابتعدت عنه بخطواتها الواثقة
_ عمر : هااا !
_ شريف : ها ايه دي ولا ظباط الصاعقة يا عم
_ عمر : مقدرتش عليها يا عدوي و لا ايه
_ شريف : مين دا الي ميقدرش عليها يابا اديني يومين بس
_ عمر : اوماله و لو انا الي كسبت
_ شريف : هجوزها
_ عمر : انت مفكرني عبيط يا شريف مين دا الي يتجوز يا حبيبي
_ شريف : انا
_ عمر : مصدقش
_ شريف : ايوه متصدقش لاني هوقعها خلاب يومين
_ عمر : deal
_ شريف : deal
*********************
خرج من الحمام مغلقا الباب خلفه لتتقابل عيناه معها في لحظات، سادت لحظات صمت طويل قبل ان يراها تدير له ظهرها
_ أكمل : نرمين
_ نرمين : .....
_ أكمل : ممكن تبصيلي ؟!
_ نرمين : انت قلت انك مش عايز تشوف وش حد
_ لاكمل : نرمين بوصيلي
التفتت له و عيناها تلمعان بهدوء وقور، اقارب منها خطوتان
_ أكمل : أنا آسف
_ نرمين : .......
_ أكمل : كنت غبي معاكِ اوي امبارح واتصرفن بغباوة مكنتش اقصد اني اعاملك كدا
_ نرمين : .......
_ أكمل : أنا أنا .. أنا اصلي متاخد من المكان، مش عارف اتأقلم مع الي انا فيه، انا حياتي كلها اتشقلبت في يوم و ليلة
_ نرمين : عشان كدا مش عاوز تخرج تاكل معانا
_ أكمل : لا دي ملهاش دعوة انا اصلا باكل لوحدي في اوضتي على طول
_ نرمين : طيب وهتفضل كدا لحد العملية
ابتسم ساخراً دون تعليق
_ نرمين : أكمل ؟
_ أكمل : تصبحي على خير
**********************
_ اووووووف
قالتها أثير و هي تمط جسدها في كسل
_ يوسف : باقيلنا درسين
_ أثير : لا بقا كدا كتير انا ضهري وقف
رفع عيناه الرمادية وراء نظاراته الطبية الانيقة
_ يوسف : قلت باقي درسين
_ أثير : انا تعبت
_ يوسف : و انتي لازم تكوني أحسن من الي بياخدوا عند منير
_ أثير : بس مش لدرجة تلت ساعات يا يوسف!!
_ يوسف : طيب بريك تلت دقايق ونرجع
_ أثير : لا ليه تلت دقايق كمل كمل
_ يوسف : طاايب بصي يا ستي نظرية ال..
_ أثير : انت بتعمل ايه يا يوسف
_ يوسف : انتِ مش قلتي كمل !!
_ أثير : تعالى نتكلم شوية
