الضيف ٦
#الضيف (٦)
_ صباح الخير يا بابا
= صباح الخير يا بني، تعالى
_ .......
= باتت عندي امبارح
_ اه منا عارف اطمنت عليها امبارح قبل ما انام
= مستنيك تحكي
_ والله سوء تفاهم هي فهمتني غلط انا مكنتش اقصد اني اشكك فيها بس ...
= يا بني احكيلي ايه الي حصل من البداية
_ هي فجر محكتش ؟
= فجر مرضتش تحكي حاجة
_ اممم ، سوء تفاهم يا حج سوء تفاهم
= طب انت رايح فين دلوقت ؟
_ رايح المستشفى وبعدها هروح مشوار كدا
= هتتأخر ؟
_ لا يا بابا مش هتأخر
******************
نزلت ورحت اركب العربية وغصب عني عوزت اني ارفع عيني لشباك اوضتها وللحظ اتقابلت عنينا، فضلت واقف ابصلها بترجي عشان تسامحني لكن هي بصت بعيد ودخلت
_ الباشا الي عايشها لوحده ومقضيها
= عايز ايه يا شريف عالصبح
_ كنت فين يا نمس لبليل كدا
= مش فاهم
_ حد بردو يبقى معاه قمر زي الي عندك دا ويسيبه ويخرج
= قمر ؟!! انت بتتكلم عن مين ؟!
_بتكلم عالشغالة الجديدة ، ست الحسن و الجمال الي انت جايبها ومخبيها يا شقي
= انت ... انت بتتكلم عن فجر ؟!
_ يا سيدي وكمان اس.. ايه يا عمر في ايه مالك
مسكته من هدومه وانا مبهدر فيه
_ انت شفتها فين و لا كلمتك امتا انطق
= ايه يا عم اهدي شوية شوفتها وانا جاي أسئل عليك امبارح
_ حاسب كلامك يا شريف هاه مش هحذرك تاني، حاسب كلامك يا شريف
= الله يا عم ما الي اداك يدينا
_ شريف !!!!!
= على ايه الزعيق دا كله
_ لان فجر مراتي
= مر... مرات مين ؟!
_ مراتي يا شريف مراتي
= ودا حصل امتا دا ؟
_ لا دي حكاية طويلة هحكيهالك بعدين
= طب مالك ؟ مخنوق كدا ليه
_ اووووف ، اتخانقنا امبارح و فجر زعلانة مني جامد
= طيب سهلة صالحها
_ يا ريتها بالسهولة دي
= لا على فكرة بالسهولة ظي الستات مفيش احن منهم بيتصالحوا بتفاصيل رقيقة جدا
_ دول الستات ، فجر غير دول كلهم
= ايه يعني مجوز دراكولا
_ لا يا اخويا مجوز تويتي
*********************
_ الله الله ، عم توفيق بنفسه عندنا في الشارع يا راجل دا احنا قلنا قعدة القصور غيرتك
= صباح الخير يا رشدي
_ صباحك منور يا عم الناس
= بص يا بني انت ليك دين في رقبتي
_ ........
= ولان الواحد مش ضامن عمره انا ناوي اسدد ديوني شغل عندك ولو حكمت باقي عمري كله و قرش من هنا على قرش من هتا اسدللك ديني
_ .........
= ساكت ليه يا بني
_ هو انت متعرفش ان الشملول بتاعكوا جاني هنا من يومين وسدد الدين وخد وصل الامانة كمان
= عمر ؟!!! ، عمر عمل كدا ؟!!
_ ايووون ، قد ايه شهم قد ايه فظيع
= طب ليه مقليش
_ ........
= رشدي ، انا عايز اقلك كلمة يا بني ابوك الله يرحمه مكنش عايزك تبقي كدا
_ .........
= أبوك مكنش عايزك تطلع صورة تانية من جدك يا بني
_ ابويا يعوز الي يعوزه يا حج توفيق انا رشدي الخليلي سليل عيلة الخليلي في المنطقة
= لااا فوق، انت مش رشدي الخليلي رشدي الخليلي مات ، مات من زمان و احنا دفناه و لا تكونش ناسي ان البلد كلها عارفة اسمك الحقيقي
_ انا اسمي رشدي الخليلي الاسم الي اختاره ابويا ليا زمان دا مات معاه
= لا ممتش انت الي بتمته ، انت الي عايز تاخد دور الفتوة عالفاضي عشان تبقي زى جدك
_ ..........
= جدك يا بني ملقاش الي يترحم عليه يوم ممات من الي كان بيعمله
_ ........
= متستخدمش الجاه و الفلوس و السلطان ضد الناس يا بني لان الخاسر الوحيد انت
_ انا مش محتاجهم في حاجة
= احنا اتخلقنا يا بني عشان محتاج بعض
_ قصره يا حج توفيق ، انا دينك اتسدد عندي يا ريت تورينا عرض كتفاك بقا عشان ورانا شغل
= ماشي يا بني ، لكن فكر ، فكر في كلامي أنت مش زي جدك يا بني ، انت مش زي جدك يا يوسف
