_ اضربني بقولك اضربني
ابتعد خطوة عنه ليجذبه مرة أخرى اليه
_ يوسف : اضرب !
_ عمر : رشدي
_ يوسف : انا مش رشدي !!
صمت ينظر له في حيرة بيننا الاخير ينظر بتردد
_ يوسف : كفاية رشدي بقا كفاية
ورفع عيناه يقترب من عمر الذي يقف لا يعلم ماهية ما يحدث
_ يوسف : يوسف ! انا يوسف
_ عمر : يوسف ؟
_ يوسف : انت واقف كدا ليه اضربني
_ عمر : خلاص
_ يوسف : بقولك اضربني
امسكه من مقدمة قميصه وهو يصرخ فيه في غضب
_ يوسف : اضربني بقولك انت مش ضربتني قصاد الحارة كلها عشان تاخدها اضربني
ابعد عمر يد يوسف عنه و حاول الابتعاد الا ان يوسف جذبه مره اخرى
_ يوسف : مش هسيبك الا اما ت...
ولم يكملها ، ضربه ، كور قبضته و ضربه في وجهه ترنح للخلف من الصدمة و جلس على الكرسي ، توجه عمر اليه و في يده منديل ليجلس الي جانبه
صمت، صامت لا ينبت ببنت شفه
_ يوسف : أنا
_ عمر : انت ايه
_ يوسف : انا الي بعت الصور لفجر
_ عمر : انت !!
نهض من مكانه وهو ينظر له في غضب بينما الاخير يكمل و هو يمسح اثر الدماع على شفتاه
_ يوسف : بعت رجالتي يشوفولي ماضيك بعد ما مشيت انت و فجر من شهور و عرفت كل حاجة عنك
رفع عيناه له وهو يكمل
_ يوسف : قولتلها انك تعرفها و عايش معاها قصة حب و انها. .
وابالع ريقه وهو يتنهد
_ يوسف : و انها مش مراتك و انكوا عايشين مع بعض في الحرام
نظر له مطولا، قبل ان يكور قبضته و يضربه مرة أخرى و يوسف ثابت لا يتحرك تلقي الضربتان وهو صامد
_ يوسف : انا بحاول أرجع ليوسف ممكن تساعدني
نظر عمر له مطولا، صامتا، ينتظر ان يكمل
_ يوسف : اوعدك اني هصلح كل حاجة
_ عمر : وانا المفروض اصدقك مش كدا يا رشدي
_ يوسف : متصدقش رشدي، لكن صدق يوسف
_ عمر ساخرا : هه، ما الاتنين نفس الشخص
_ يوسف : لا .. لا مش نفسه انا لو عرفت أصلح غلطتي دي صدقني هرجع ليوسف
صمت عمر ينظر له ، لم يتبق له شيئا ليخسره، يحبها و يتشبث بأي طريق قد يؤدي اليها
_ يوسف : أرجوك
_ عمر : انا مش مصدقك
نهض يوسف بعد لحظات من الصمت ليمسك جاكيته و يتجه نحو الباب قبل ان يسمع عمر
_ عمر : بس هساعدك
_ يوسف : بجد ؟
_ عمر : مش عشان سواد عنيك، عشان مش هلاقي حد زيها
