_ عمر : معرفتكوش على بعض ، ، يوسف شريف العدوي و طارق السويعي صحابي ، شريف طارق دا يوسف الخليلي
و ابتسم باتجاه يوسف بهدوء
_ عمر : صديق العيلة
ابتسم يوسف و هو يومأ برأسه في سعادة هادئة بينما شريف اقتحم المجال
_ شريف : الخليلي ! انا سمعت الاسم دا فين قبل كدا مش دا البتاع الي انت كنت بتقعد تشتم فيه دا الي طردك من المنطقة انت وفجر مراتك
_ طارق وهو يكز غلى اسنانه : بس يا شريف
_ شريف : و بالأمارة كان اسمه رشدي الخليلي
و التفت شريف الى يوسف الذي ابتسم في مكر
_ شريف : ياه يا يوسف مقلكش دا كان راجل ابن جزمة تصور طردهم من المنطقة في شهر عسلهم اه و الله في شهر العسل مش مصدق ، احكيله يا عمر
و التفت نحو عمر و طارق الذي احمر وجههما
_ شريف بتلقائية : ايه يا جماعة مالكوا بتبصولي كدا ليه
_ يوسف : انا يوسف الخليلي ، الشهير برشدي الخليلي
احمر وجه شريف للحظات و توترت انامله
_ شريف : انا كنت من البداية بقول عنك راجل ابن راجل و ربنا حتى اسأل عمر كان يقعد يقول عليك مش عارف ايه و انا اقله عيب يا راجل و .. و ... و انتوا طلبتوا اكل هاه انا هقوم اطلب حاجة
التفت عمر ليوسف الذي كان يضحك في صفاء لشريف
_ عمر : متخدش على كلامه شريف أكتر واحد تلقائي فينا
_ يوسف : بالعكس دا دمه خفيف جدا انا حبيته
_ طارق : تعرف اني كان نفسي اتعرف عليك من زمان يا كبير
_ يوسف : مبلاش يا كبير دي بقا يا طارق
_ طارق : اوماله
_ يوسف : قولي يا يا بشمهندس يوسف على طول
تعالت ضحكات الشباب الخشنة بينما وضع عمر كفه على كتف يوسف
_ عمر : اهلا برجوعك ... يوسف الخليلي
ابتسم يوسف له ليقتحم شريف المجلس مرة أخرى
_ شريف : يعني بقبنا أربعة بصلاة عالنبي
عاود الجميع الضحك و بدأوا في تناول الاحاديث المشتركة
*********************
_ يوسف !!!
ابتسم بهدوء و عيناه تلمعان ببريق ساحر
_ أثير : امشي من هنا مش عايزة اشوفك
_ يوسف : استني بس
_ أثير : قلتلك امشي
_ يوسف : طب قولي يا حجة انا عملت ايه طيب ؟!
_ أثير : بقالك اسبوعين مختفي و بكلمك مش بترد
_ يوسف : مشغول
_ أثير : طب ما تقول
_ يوسف : منا اهو بقول
فلتت منها ضحكة بينما هو اقترب يهمس دون حياء امام عيناها
_ يوسف : اشششش، بحبك
صمتت للحظات اغلقت باب الشقة و سارت معه نحو حديقتهما الخلفية
_ يوسف : مالك مصدومة كدا ليه
_ أثير : انت قلت ايه ؟
_ يوسف : ب ح ب ك
_ أثير : ........
_ يوسف : لا انتِ بتهنجي كتير و هتتعبيني
_ اثير : ودا من امتا
_ يوسف : مش عارف، بس اهو .. بحبك وخلاص امتا و ازاي مش هتفرق الاحساس موجود
