_ بابا شايف العمارة الي بنتها
ابتسم والده في حنان وهو يحرك خصلات ابنه الناعمة
_ برافو يا يوسف هتبقي مهندس ممتاز اما تكبر
_ يعني هبني عمرات كبيرة
_ ايوووون و هيبقي ليك اسم عالي فوووق
_ هيبقى ليه اسم عالي فوق لانه السليل الي وحيد لعيلة الخليلي مش عشان هيبني عمارات كبيرة
كان صوت جده الذي اقتحم غرفته، كان صغيراً جداً ليفهم الحوار الدائر بين والده و جده ذو المظهر الغاضب الحاد
_ بابا لو سمحت
_ عايز ابنك الي هو الوريث الوحيد للعيلة يطلع خيخة شبهك
_ انا مش خيخة انا اخترت صح و ابني كمان هيختار صح
_ ابنك ملكش دعوة بيه، رشدي مش هيبقي زيك
_ انا ابني اسمه يوسف يا والدي يوسف
والشدة عالاسم والصغير يشاهد الحوار بصمت تام عيناه البريئتان لا تستوعبان كم الحقد بين أب و إبنه، صراع تواجد و يتواجد بين الخير و الشر فيه ، راقب جده يمسك بزراعه في غلظه ودهس عمارته الكرتونية و انجازه الاول
_ رشدي تعالى مع جدك هوريك حاجة
_ انا اسمي يوسف
_ لأ ، انت رشدي الخليلي عايز تبقي قوي زي جدك و لا ضعيف زي ابوك !
رفع عيناه لوالده الذي صمت ينتظر رد ابنه
_ قوي شبه بابا
جمله صغيرة لطفل في الخامسة من عمره وابتسامة خفيفة طغت على قلب اباه قبل شفتاه
عاد من ذاكرته وهو ينظر للقبر بصمت
_ أثير : أيا كان قرارك يا يوسف ممكن ترجع عنه
_ يوسف : فات الاوان خلاص كل حاجة بقت رشدي الخليلى
وهمس في فحيح
_ يوسف : حتى الانتقام بقى رشدي الخليلي
لم تسمع جملته الاخيرة بل اقتربت
_ أثير : لو فضلت حابس نفسك في الصراع الي جواك هتخسر الاتنين
والتفت لعيناها ينظر لها في عمق
_ أثير : لا انت هتكون رشدي و لا هتقدر ترجع يوسف
ابتلع ريقه في صمت وعيناه صوب الفراغ
**********************
_ فكرتي
رفعت عيناها في صمت بينما الاخير ابتسم في ثقة
_ شريف : الهاني مون هيبقي في باريس عشان هواها نضيف
لم تبد اهتمام ضمت شطيرتها في صمت وهو يتأملها في تقييم
_ شريف : لطيف اوي الشو بتاع امبارح مش كدا
_ أسمهان : العملية نجحت
وكانت تثق من نجاحها، و " الشو " يقصد به بكائها على دموع السعادة التي قفزت في عينا والدي المريض الذي نجحت عمليته الخطيرة
