سجن القلوب لكاتبة صبرينة غلمي - مكتملة ✔️

الفصل الخامس

ياريت وانتي معديه ما تنسيش الفوت او النجمة الي تحت عشان تقيم شكرا...

فقالت مروى : لا لا مش هي .

أمير : إنتي متأكده .

مروى : متأكده مش هي دي اللى شاورت للضابط عليها . إللي شاورت عليها كانت لابسه برتقالي .

أمير : ما هي دي اللى الضابط قبض عليها .

مروى : أكيد في غلط لإن مش دي اللى شاورت عليها , و أنا شورت على بنت و روحت لإن الضابط بعد مشورت عليها قالي توكلي على الله .

تأكد أمير أنه حدث سوء فهم فقال : طيب يا أنسة مروى ممكن أطلب منك طلب ؟؟

قالت مروى : تفضل .

أمير : إنتي ما تحبيش الظلم مش كدا ؟؟

مروى : طبعا ما حبوش .

أمير : عشان كدا عايزك تجي بكرا القسم و تشهدي إن مش دي اللى كنتى بتتكلم عليها, لأنها دلوقتي محجوزه ظلم .

مروى : أكيد طبعا من غير ما تطلب .

أومأ أمير برأسه . أما نزيم فقال : شكرا مش عارف حضرتك ريحتيني قد إيه كنت خايف ما قدرش أثبت برأة أختي .

مروى : هي بريئه فعلا و مش محتاجه إثبات ولا حاجه .

استأذنهم أمير ونزيم على أمل اللقاء في الغد في القسم أوصل أمير نزيم للمنزل لطمأنتهم وليقول لهم أخر الأخبار وعاد هو إلى نديم لتنفيذ وعده الذي قطعه لها .

**************************

دخل نزيم البيت ليجده في حالة سكون لم يعهده أبدا من قبل حتى في وقت النوم ,توجه لصالة ليجد والده و والدته كل منهما في عالمه الخاص وعباراتهم على وجوههم باختلاف خفيف سعاد تبكي ببعض الشهقات و حسين يبكي على صغيرته بصمت لدرجة أن كلاهما لم يرى نزيم وهو يدخل ولا وهو يجلس قبل أن ينادي عليهما : ماما......بابا

سعاد بعد أن انتبهت لنزيم : هه يا بني أختك فين؟؟

نزيم : ما تخفيش يا ست الكل هي مع أمير .

حسين : وصلتوا لإيه ؟؟

نزيم : لكل خير وراك رجال يا كابتن حسين .

إستشعر حسين من كلام ابنه أن في تطورات وكل شيء بخير فبادره بابتسامة سطحية .

سعاد : أختك ح ترجع مش كدا ؟؟

أومأ نزيم برأسه وقال : إنشاء الله بكرا .

قالت سعاد : الحمد الله , أقوم أصلي ركعتين شكر .

بعدما تركتهم سعاد , أخبر نزيم والده ما حدث مع مروى و أنه سوء فهم من الضابط لا غير .

قال حسين : يعني بكر إنشاء الله تطلع ؟؟