جعل قلبي ينبض من جديد "كامله"

الفصل الثاني

اللهم صلي وسلم على نبينا محمد وعلى آله وصحبه أجمعين وسلم تسليما كثيرا إلى يوم الدين ❤️❤️

مر أسبوع...
لم يحدث شيء جديد سوى أن رعد عاد من أسبانيا بعد أن أنهى إحدى الصفقات التابعه لشركته هو وأخيه وابن عمه..
نزل رعد من على السلم الداخلي للقصر.. قبَّل رأس والدته الجالسه بجانب مراد الذي يترأس السفره وعلى يمينه والدته وجلس بجانبها رعد ومرام.. وعلى يساره تكمن يارا التي تجلس تتناول الطعام بشرود...
ابتسمت مرام ابتسامه رائعه وهي ترى روفان آتيه إليهم.. غمزت إليها مرام قائله:يلا أهو صحيت النهارده لوحدي عشان متعبكيش...
ابتسمت إليها روفان وهي تناول نازلي دواءها... لاحظت نازلي شحوب وجه روفان.. لتسألها قائله باهتمام:في إيه ياروفان أنتِ تعبانه؟!
طالعها مراد باهتمام... هزت روفان رأسها بالنفي قائله بابتسامه هادئه:لا يانازلي هانم أنا تمام الحمد لله...
رد مراد قائلا باهتمام:لو تعبانه ارتاحي النهارده في أوضتك مفيش داعي إنك تتعبي نفسك...
هزت رأسها بالنفي قائله بهدوء:مفيش داعي يامراد بيه أنا كويسه..
هز كتفيه قائلا بلامبالاه مصطنعه:براحتك ياروفان...
أومأت بهدوء وهي تخرج من غرفه الطعام...
التفتت يارا إلى زوجها قائله بغضب طفيف:إحنا مالنا يامراد تعبانه ولا لا؟! دي خدامه زيها زي غيرها مش عارفه إنتوا مهتمين بيها ليه؟!
مال عليها مراد قائلا بأمر:اعتذري حالاً..
تنهدت يارا قائله بغيظ:آسفه إني عليت صوتي.. بس أنا حقي..
قاطع كلماتها قائلا بصوت عالي:مش من حقك تعلي صوتك يايارا.. مش من حقك تحاسبيني أنا أو أهلي على أي حاجه نعملها... مفهوم..
أومأت قائله:حاضر...
نهض مراد.. ليقبل رأس والدته وأخته مرام.. ثم أشار لرعد برأسه بأن يتبعه إلى مكتبه...
دلف مراد إلى مكتبه وتبعه أخيه رعد...
ربت رعد على كتفه قائلا:معلش يامراد.. تلاقي يارا غيرانه عليك ياسيدي...
ضحك مراد قائلا بتهكم:غيرانه عليا ولا خايفه لا ثروتي تضيع من ايدها... يارا يارعد مفيش حاجه في دماغها غير المنظر والبرستيج بتاعها أهم حاجه.. ده أنا ساعات بحس إني الفيزا بتاعتها يارعد...
جلس رعد على الأريكه الموجودة بالمكتب قائلا:طب وأنت إيه اللي خلاك تتجوزها يامراد متهيألي أنت من الأول وعارف هي على إيه...
جلس مراد بجانبه قائلا:من ٤ سنين أنا كنت في الشركه بتاعت السيوفي.. لولا جمال مكنتش هقدر أوصل في وقت قياسي لاللي أنا عايزوه يارعد...
رفع رعد حاجبه قائلا بسخريه:وأنت يامراد دفعت تمن الصفقه دي وأنت عارف كده كويس...
أشعل مراد سيجاره... لينفث دخانها قائلا بهدوء:جمال كان عايز يجوز بنته لرجل أعمال يارعد ملقاش قدامه غيري... أنا بالنسباله كنت أصغر رجل أعمال في السوق كله... واحد اعتمد على نفسه بعد وفاه والده وشال نصيب والده على أكتافه...وبعدين يارا برده من عيله كبيره يارعد... يعني زوجه مفيهاش حاجه غير بس غرورها...
ضحك رعد قائلا باستنكار:أهو غرورها ده لايُطاق ياشيخ.. ده أنا بحمد ربنا إني على طول مسافر...
نهض مراد من جانبه... ليجلس على مقعد مكتبه.. ثم نظر إلى رعد قائلا:يلا يارعد نشوف شغلنا اتكلمنا كتير النهارده...
عقد رعد حاجبيه.. ليقول وهو يتقدم ليجلس على الكرسي أمام المكتب بتعجب:مش هنروح الشركه النهارده؟!
أراح مراد ظهره على الكرسي من خلفه قائلا:لا مش هروح أنا النهارده هشتغل في البيت.. لو عايز تروح أنت روح بعد ماأخلص معاك...
أومأ رعد قائلا:تمام...