جعل قلبي ينبض من جديد "كامله"

الفصل الثاني عشر

استغفر الله العظيم وأتوب إليه إني كنت من الظالمين 💜💜
خرج عز من الغرفه بهدوء.. لم تكد روفان تلتقط أنفاسها حتى وجدت مياسين ومصطفى يدلفا إلى الداخل... ابتسمت لهما روفان بهدوء.. لتندفع مياسين إلى أحضانها قائله بسعاده:أخيراً رجعتي ياروفان...
بادلتها روفان العناق قائله بابتسامه عذبه:وعدتك إني هرجع تاني... وشوفتي وفيت بوعدي إزاي..
ابتعدت مياسين عن روفان برفق.. لتحيط وجهها بين راحتي يدها قائله بابتسامه هادئه:كنت متأكده إنك زيان..
ابتعدت عنها.. لتخرج سلسال روفان من أحد أدراج طاوله الزينه.. أعطت مياسين روفان السلسال قائله: ده اللي بيربط بينا ياروفان..
تناولته منها روفان.. ثم هزت رأسها بالنفي.. لتقول بابتسامه هادئه:مش ده اللي بيربط بينا.. ولا الدم اللي بيجري في عروقنا.. قلوبنا مرتبطه ببعض يامياسين.. مش لازم نبقى جنب بعض عشان نحس بعض.. أرواحنا وقلوبنا أكيد جنب بعض... عارفه رغم كل اللي حصلي كنت متأكده إن هييجي اليوم اللي ربنا هيراضيني فيه... كنت فاكره زمان إن جوازي من مراد هو اليوم ده.. بس طلعت غلطانه ...اليوم ده هو النهارده لما كلكم بقيتوا جنبي.. عيله حقيقيه بقيت جنبي.. إنتوا وولادي وعز.. كلكم عيلتي اللي بحبها...
ربتت مياسين على ظهر روفان قائله بخفوت:ربنا يخليكِ لينا ياروفان..
تقدم منهما مصطفى بابتسامه هادئه... ليحتضنهما معاً قائلا بضجر مصطنع:يارب أنا كنت راضي بمجنونه واحده.. دلوقتي بقوا اتنين... صبرني عليهم يارب..
ضربته مياسين في صدره...كذلك روفان ابتعدت عنه قائله بحزن مصطنع:كده يااخويا.. مش طايق أختك حبيبتك اللي بقالك أكتر من ٢٤ سنه مشوفتهاش..
ضربها مصطفى بخفه على رأسها قائلا بمرح:ياستي إنتوا الخير والبركه خلاص حلو كده..
ثم أخذ منها السلسال.. ليطوق به عنقها قائلا بحنان:ده يفضل معاكِ على طول ياروفان مفهوم.. إنتوا متعرفوش قد إيه السلاسل دي غاليه عند بابا... دي كانت أول هديه منه ليكم ساعه لما اتولدوا..
قبلت مياسين السلسال الموجود حول عنقها وكذلك روفان... ليهرعوا ثلاثتهم إلى الأسفل بعدما استمعوا لصوت شجار ريان وسليم!!
وقف سليم قائلا لريان بغرور:متقولش أخوك دي تاني... وبعدين أنا معنديش غير بابي واحد وهو بابي عز..
نظر إليه ريان قائلا بغضب:إحنا بنهري في إيه من الصبح... ما إحنا عمالين نقول إن أنا وأنت توأم.. وأكيد لينا نفس الأم اللي هي مامي روفان ونفس الأب اللي هو بابي مراد..
رد عليه سليم قائلا بغيره:لا مامي روفان مامي بتاعتي لوحدي.. روح شوفلك أنت أم تانيه..
بلغ غضب ريان لأقصى الدرجات... اقترب من سليم.. وكاد أن يدفعه ولكن مراد أمسكه قائلا بحده:أنت هتوقع أخوك كمان ياريان.. مش كفايه عمالين تزعقوا لبعض قدامنا ولا كأننا واقفين قدامكوا..
كذلك عز أمسك سليم قائلا بتوبيخ:وأنت ياأستاذ سليم أنا علمتك تكلم الناس بالطريقه دي ومش أي ناس دول باباك وأخوك...
ابتعد عنه سليم قائلا بغضب:طيب أنت بتقول إنه بابي أنت تبقى مين بقى؟!مش أنت اللي كنت معانا أنا ومامي و أنا صغير.. مش أنت أول واحد أنا قلتله يابابي... يبقى مين هو بابي...
اقتربت روفان من سليم.. لتشير لريان بأن يقترب منها هو الآخر... فنفذ ماطلبته.. أوقفتهما بجانب بعض.. ثم قالت لهما بهدوء:بصوا على بعض كده...
نظر كلاهما إلى الآخر.. لتقول لهما:شايفين إيه؟!
قطب كلاهما جبينه بعدم فهم.. ربتت على شعر كلاهما بحنان.. لتقول بابتسامه هادئه:أنا شايفه ولادي حبايبي اللي أخيراً اتجمعوا مع بعض... إنتوا عارفين إنكم عاملين زيي أنا ومياسين... أنا وهي عيشنا بعيد عن بعض ٢٤ سنه... أنا بقى عيشت من غير أب وأم ٢٤ سنه.. حاسه بإحساس كل واحد فيكم بس خلاص الوقت فات وعدى ينفع نقعد نلوم في بعض يبقى مش هنعوض اللي فات... يبقى الحل إن إحنا نعوض اللي فاتنا.. الحقيقة الوحيده ياحبايبي إن أنا أمكم ومراد أبوكم.. بابي عز ياسليم ده أحسن بابي في الدنيا وهيفضل بالنسبه لك بابي عز... و أنت برده واجب عليك قدام ربنا إنك تحب بابي مراد وتقوله يابابي وتفرحه ياحبيبي.. ولازم تحب ريان.. لو أنت اتحرمت من مراد بس كان عندك بابي عز... لكن ريان اتحرم مني ومكانش عنده اللي يعوضه عن حناني...
ثم أكملت بمرح:وياريت بقى بعد المحاضره الطويله العريضه دي تاخدوا بعض بالأحضان عشان أحس إني عملت حاجه..
ضحك رين وسليم.. ليحتضنا بعضهما.. لتقول روفان في نفسها:المشوار طويل ياريان أنت وسليم...
نظرت إليهما بحب.. ثم قالت:يلا بقى روحوا بوسوا بابي مراد مراد وبابي عز كمان..
نظر إليها سليم بتردد.. لتبتسم إليه بحنان.. أمسك ريان بيده.. ليسيرا ناحيه مراد... اندفعا في أحضان مراد.. ليلف مراد ذراعيه حولهما بحنان وهو يكتم دموعه بصعوبه... بدون انتباه فلتت ابتسامة روفان على مظهرهم... ليراقبها عز قائلا في نفسه باصرار:لازم ياروفان أحافظ على السعاده دي لو حتى التمن إني أبعد..
أبعدهما مراد عنه برفق.. ثم قال بحنان وهو يقبل كل إنش بوجه سليم:متزعلش مني ياحبيبي.. والله كان غصب عني..
نظر إليه سليم قائلا بابتسامه طفوليه:لا خلاص مش زعلان.. ثم أكمل بمرح:وبعدين هو حد يطول يبقى عنده اتنين بابي...
ثم ركض ناحيه عز الذي حمله وهو يحتضنه بحنان... ابتسم مراد لرفيق عمره... من الواضح أن طفله متعلق به كثيراً.. أصبح الآن مطمئن بعدما سيترك ريان برفقه روفان وعز..
نظر مراد إلى ريان قائلا بهدوء:هقولك حاجه يا ريان ولازم تعملها..
أومأ إليه ريان بترقب.. ليجلس مراد أمامه القرفصاء قائلا بهدوء:أنت هتعيش مع مامي وسليم ياريان...
قطب ريان جبينه قائلا باستفهام:وأنت؟!
ابتسم إليه مراد قائلا بحنان: كل يوم هعدي عليكم... أخرجك أنت وسليم ونقضي اليوم مع بعض...
زم ريان شفتيه قائلا بحزن:يعني خلاص مش هنام في حضنك تاني زي كل يوم..
ربط مراد على شعره قائلا بحنان:هتنام في حضن مامي وسليم.. صدقني ياحبيبي لازم يحصل كده عشان نعوض مامي عن الوقت اللي عشته من غيرك ياروحي..
أومأ إليه ريان.. أما مراد لم يكن مقتنع بأي كلمه قالها... كيف سيترك طفله الذي كان له الأب والأم؟! رفع عينيه إلى السماء وهو يدعو الله أن يلهمه الصبر...
تقدم مراد من عز قائلا بهدوء:عايز أتكلم معاك شويه ياعز...
أومأ إليه عز.. ليعطي سليم إلى روفان.. كذلك مراد ترك ريان برفقتها.. ليسير هو وعز بعيداً نسبياً.. نظرت روفان إلى نازلي ورانيا.. ثم إلى سليم وريان قائله بمرح:تعالوا نقعد شويه مع التيتات بتوعكم...
ضحك الجميع بصخب...أما سليم تذكر شيء ما.. ليشير ناحيه سليم ابن زين وسيرين قائلا بغضب طفولي:يامامي الواد ده اسمه سليم على اسمي..
أمسكه زين من قميصه قائلا بغضب مصطنع:أنت بتتكلم على ابني يلا... لم نفسك..
ابتعد عنه سليم قائلا بغرور:عشان أنا حلو وأمور سميت ابنك على اسمي.. أنا عارف..
نظر إليه سليم طفل زين قائلا بسخريه:حلو فين أنت بس كده... أنا أحلى منك ياحبيبي... أنا عينيا خضراء زي مامي...
أخرج إليه سليم الآخر لسانه قائلا:وأنا عينيا زرقاء زي بابي..
همست سيرين إلى روفان قائله:هيتعود يقول على مراد بابا متقلقيش...
ابتسمت إليها روفان بهدوء... لترفع سيرين صوتها قائله بمرح:إنتوا الاتنين حلوين أوي إيه رأيكم؟!
نظر كل من سليم إلى الآخر.. ليومآ باقتناع...
جلست روفان بجانب رانيا التي ضمتها بحنان هي ومياسين.. وأجلست ريان على ساقيها ونازلي أجلست سليم في أحضانها..