"فـخ الـشـيطـان" بقلمي :فـاطـمـة عـادل

part :"20"

الفصل العشرون
رواية فخ الشيطان
بقلمي :فاطمة الزهراء

"طــب احــنا المــفروض هــنظهر نفــسنا ولا ايــة"اردف "علي "في حيرة وتساؤل .

اردفت "حلا" بذكاء: لا طبعاً مش هينفع نظهر نفسنا عشان لو خطتنا فشلت مين هيكمل بقية الخطة .

اردف "علي" بحيرة اكبر : طب مين اللي هيقوم بالمهمة دية .

اردفت "حلا" بمكر : المعلم هو اللي هيقوم بالمهمة دية .

اردف "علي" بتهكم : انتي لحقتي اتفقتي معاه دا انت متعرفه عليه من يومين بس .

اردفت " حلا" بغنج ودلال وهي تعبث بإحدي خصلات شعرها : كله بتمنه ياعلوة .

اردف "علي " بخبث : اه مانا عارف انتي هتقوليلي ،المهم بقا هنخطف فريدة ازاي وهي اصلا مبتطلعش من البيت .

اردفت "حلا" بكره : فريدة دية عبيطة اووي وسهل يضحك عليها بأي كلمة بس احنا بقا هنضرب عصفورين بحجر واحد ومش هنخطف فريدة وبس لا هنخطف اسيل معاها وبكدا محمود هيجي عشان اسيل وعمار هيجي عشان فريدة و اول ما يوصلوا علي المكان هنكون مجهزنلهم حتة مفاجأة .

اردف "علي" وهو يقهقه بحقد وسعادة لقرب وصوله من هدفه وتعالت معه ضحكات تلك الساحرة الشريرة "حلا".

"ممكن ادخل عاوزة اتكلم معاكي شوية " تفوهت بهذه العبارة "اسيل" لـ"فريدة" وقد دلفت الي غرفة "عمار".

اردفت "فريدة" بهدوء : تعالي يااسيل .

اردفت "اسيل" في توتر جام بعد ان جلست بجوارها علي الأريكة : انا بصراحة مش عارفة ابدأ منين بس كل اللي اعرفه اني انا ندمانة علي كل اللي عملته واقسملك بالله اني انا مش بحب محمود وبس لا انا بموت فيه وبعشقه وكنت ناوية اصارحه بالحقيقة ويعلم ربنا اني كنت دايما اقول لعمار انك انتي ومحمود ملكوش ذنب في كل اللي حصل .

اردفت "فريدة" ببساطة : انا عارفة انك ساعدتي عمار بهدف انك تلاقي اللي عمل كدا في هنا و عارفة كمان انك مأذتيش محمود ولا هتأذيه و عارفة كمان انك بتحبيه دا انتي عيونك فضحاكي .

اردفت "اسيل" بابتسامة مثقلة بالهم والحزن: ويفيد بأية كل دا ومحمود مش راضي يسمع مني ولا حتي يحاول يسمعني .

اردفت "فريدة" بهدوء وهي تُربت علي كتفيها في محاولة منها ان تواسيها : رد فعل محمود طبيعي جدا بالنسبة للي اتعرضلوا ، محمود اتجرح مني ومنك ،اتجرح من اقرب الناس لية ، ولازم يقعد مع نفسه شوية ويعيد حساباته ، وانتي كمان اديله مساحة عشان يعرف يفكر ويستوعب اللي حصل والموضوع كله موضوع وقت وكل حاجة باذن الله هترجع احسن من الاول صدقيني .