طلعتا برا عشان اكسر التلج واكبوا ف الحفاظه ،،اثناء م انا بكسر فيهو شفتا ضل وراي،،اتلفتا لقيت ايهاب وراي،،صلحت التوب وقلتا ليهو كيفك؟،،قال لي تمام،،وانتي كيفك؟ قلتا ليهو بخير الحمدلله،،قال لي ممكن افهم انتي لي رافضاني؟،،قلتا ليهو لانو انا حاليا م عايزة اعرس🙄،،قال لي يعني انتي فعلا م عايزه ولا انتي شايفه فيني عيب؟،،قلتا ليهو أبداً والله بس انا م اقصى طموحاتي العرس،،لا انا عايزه اقرا ويكون عندي سمعه ف المجتمع افتخر بيها واهلي يفتخرو بيها،،😊قال لي القرو سوو شنو؟ ،،قمتا شلتا التلج وقلتا ليهو ،،م كل القاري متعلم وم كل متعلم قاري😉،،د حاجه م ح تفهما للاسف..،،وم ترجاني عليك الله شوف مستقبلك مع وحده تانية م إلا انا يعني😊 ومشيت خليتو..
فضيت التلج ،،وامي قالت لي سوي الشاي،،بقيت بعمل في الشاي وصارة وشي،،" افففففف افففففف انا لي اتولدتا في أسرة م عندها طموح كلولو؟🙄💔💔،،وكمان د جاي يقول لي القرو سوو شنو؟؟ فعلا والله سوو شنو،،لانو انت زاتك القاري م سويت شي😒💔 بس اصبرو انا والله موش بديتوها معاي كدا،،انا بعرف اتصرف كيف😏"
صفيت الشاي وكبيتو في السيرمس وختيت الكبابي ووديتو ليهم،،خالتي قالت لي ملعقتين،،كبيت ليها والباقين كبو براهم،،وانا اصلا م بشرب شاي احمر،،ف بقيت بس قاعده اعاين ليهم،،
شوية كدا مشيت غرفتي ولقيت توته ضاربه لي،،قلتا اللهم اجعله خيراً اصلا توته مستحيل تتضرب إلا وهي عامله مصيبه،،
رجعتا ليها قلتا ليها خير ان شاء الله بس قبل م أتم كلامي قالت ليي الحقييييييي،،
خلعتني خلعه قلتا ليها ف شنو؟،،قالت لي ملهم،،قلتا ليها مالو مات؟؟،،قالت لي اريتو لوو مات بس اتخيلي قال لي شنو؟،،قلتا ليها شنو؟،،قالت لي قال لي انا خطبتا صفاء،،قلتا ليها والله كضاااابه😯😯😯،،قالت لي والله العظيم،،قلتا ليها وووبعليي وانتي احساسك شنو؟،،قالت لي اسكتي والله قلبي واجعني لكن ي زولة لو فيها خير ليهو احسن❤️قلتا ليها تووووته والله حاسه بيك😭😭😭😢،،عايني والله بالتلفون مف طريقه اراضيك كدي لمن نتلاقى بكره،،وهسى معانا ناس خالتي اسلام،،قالت لي اها الحصل شنو؟،،قمتا قلتا ليها توته خلي بحكي ليك بكره،،قالت لي سمح يلا،،وقفلتا منها..
طبعا ملهم د صااحبها شديييد من هي في تامن❤️وصفاء د.عندها عداء مع توته عشان ملهم،،وهسى هي مغيوظه لانو هو خطب صفاء وبكره ح تجي تشغلا ليها ف المدرسه ،،
اها المغرب اذن مشيت صليت ومسكتا كتابي وبقيت بقرا،،الساعه10 كدا طلعتا من الغرفه وامي قالت لي تعالي سوي معاي العشا وناس خالتي لاهسى قاعدين،،
اها سويت معاها العشا واكلنا ولميت العده وتسابيح قاعده تعاين لي بس ولا لمت معاي ولا غيرو😒،،اها بعد لميت قالو ماشين..
خالتي قالت لي م قعدنا اتونسنا معاك،،المره الجايه م مشكلة ،،عقبال م تكوني معانا ف بيتنا ونتونس انا وانتي الليل والنهار😉❤️،،ابتسمتا ليها كدا🙂(عارفه روحي بايخه شكرا)
ودعوني ومشو،،
قفلتا الباب بي زعل كدا شديد😂😂..
مشيت حضرتا هدومي حقت المدرسه وكويتها وطوالي نمتا. ..
صحيت تاني يوم للمدرسه وعملتا حاجاتي الروتينية..
واستنيت الترحيل ومشيت. .
اتلاقينا انا وتوته جمب الباب،،وبقينا نتحاضن زي كأنو لينا سنه م شفنا بعض😂😂😂
قالت لي خشي خشي النحكي ليك،،قلتا ليها نفسي يجي يوم كدا م يكون ف شمار😂😂
اها دخلنا الفصل وختينا شنطتنا واصلا البنات كلهم برا والجرس لسه م ضرب،،قعدنا ف الكنبه الأخيرة وقلتا ليها اها احكي..
قالت لي عايني د قرار اتخذتو مع نفسي،،اصلا مما اتصاحبنا انا وملهم د لحد الليلة احنا م سمينا علاقتنا غير الصداقه،،ف انا م ح اتغير عليهو نهائي ولا احسسو بي شي عشان م يتضايق،،وانتي عارفه انو ملهم بعمل اي شي عشاني،،ف انا اكتشفتا انو الشعور الجواي د بس تعويدة م اكتر،،وان شاء الله مع الايام بتجاوزو رغم انو حار❤️،،قلتا ليها كويس والله انك عرفتي تتصرفي ود احسن قرار💜،،قامت قالت لي اها انتي حصل شنو مع ناس خالتي؟(خالتها وخالتي واحد م هي بت خالتي😂)،،
قمتا حكيت ليها اي شي،،قالت لي طلعتي قااادره يختي😂😂😂،،قلتا ليها عاد د كلامك😂😂😂
في اللحظه دي صفاء جات داخله ولمن شافتنا قاعدين جات سلمت علينا وعاينت لي توته قالت ليها م وريييتك انا وملهم اتخطبنا💜
(صفاء د بتبقى لي توته من بعيد ومن أهل ابوها..واصلا عائلتنا د من بدايتها لي نهايتها بعرسو بدري)،،
توته قالت ليها مبروووك اي كلمني😍❤️❤️❤️يوم العرس ح اكون وزيرتك حبيبه ويمكن بعدين نجيكم عشان نبارك ليك،،صفاء اتغاظت من توته لانو م كانت متوقعه انو ترد ليها كدا،،قالت ليها امممم تمام ومشت..
قعدتا اضحك وطقينا يدينا ببعض😂😂🖐️،،قالت لي بت الهناي د انا بعرف الف رأسها د كويس،،
قمتا قلتا لي توته عايني امتحان الشهاده بفضل ليهو شهر بس😢💔💔💔كل م اتذكر الحاجه د بطني بتوجعني،،قالت لي م تخافي لانو الخوف د بطفشك،،وبعدين عايزين تجيب درجات عاليه عشان نخش جامعه واحده لكن م ح يكون نفس التخصص😭💔،،قلتا ليها م حنك ي زولة بنتلاقى💙
#اها مرت الايام وانا امتحنتا شهاده ..
والليلة كانت النتيجه..
وانا من أمس م نمتا بس قاعده ف الحمام 😢😂😭،،بعد شوية اسمع امي بتزغرد،،مشيت ليها قلتا ليها ف شنو؟
قالت لي زااعوك😍😍😍💜💜💜💜💜💜مبرررووك95%
قلتا لي امي انتي جاده ولا بتكضبي علي😢💔قالت لي بت جااده مبروووك حبيبتي😍💜جاني ابوي وبارك لي وقال لي مبروك رفعتي راسي..
ومشا جاب الخرفان والحلاوه والبارد والناس بدت تجينا ويباركو 💜💜💜
(شفتي النجاح د حلو كيف؟ ولمن ترفعي راس امك وابوك شفتي بتكوني مبسوطه كيف؟😉❤️❤️)
#اجتهدي واقري وثابري وحققي العايزاهو و خلي عندك طموح عشان تصلي للحاجه الانتي عايزاها مهما كانت مستحيلة،،مف شي مستحيل على ربنا😉💘
#اقتباسهه..
"م وضع الله فيك رغبه إلا أنه يعلم انك ستصل إليها💜"
#نتلاقى...
