اها بعد الفرحه د والبارد والحلاوى والضبيحه🧡بعد شوية اشوف ليك توته من بعيد،،جريت قدام الناس واتحاضنا😍😂🧡بحبها يخواني،،❤️❤️❤️❤️❤️
المهم باركت لي وبدت تبكي🧡قلتا ليها وانتي جبتي كم ؟ قالت لي 86%،قعدتا اصرخ وقلتا ليها حبيييبتي مبروووك😍😍😍😍😍❤️
باركنا لبعض حتى ي داب فكيتها😂سلمتا علي خالتو محاسن(امها)،،وباركت لي وادتني هدية❤️،،،دخلتهم جوه وانا سقتا توته ودخلتا غرفتي وم اشتغلنا بزول تاني😂❤️،،توته بس كانت بتبكي عشان ح نفترق ف الجامعه😭💔،،قلتا ليها توته اقلب من تخصصي عشان نبقى سوا؟،،بس طوالي سكتت قالت لي ي بت انتي هبلة اكيد لا❤️وبعدين م مشكلة انتي بت خالتي وبجي كل يوم وبقدك😂😂😂،،قعدتا اضحك وقلتا ليها يلا قشي دموعك حبيبتي لانو غاليه علي💜.
بعد مسافه اسمع ليك امي بتكورك لي،،مشينا ليها انا وتوته،،قالت لي توته امشي سوي الشاي وقالت لي تعالي خالتك اسلام بتفتش فيك عشان تبارك ليك،،مشيت لي خالتي وسلمتا عليها وباركت لي لمن جيت ماشى تسابيح قالت لي شنو لكن م عايزة تسلمي علينا انا وايهاب؟،،قسما بالله انا م شفتهم😲
سلمتا عليها وباركت لي وسلمتا على ايهاب برضو واداني كيس ،،كنت عايزة ارجعو ليهو بس لقيت خالاتي كلهم بعاينو لي ،،قلتا شينه احرجوا قدامهم،،قمتا شلتو وقلتا ليهو تسلم متعب روحك لي🙂❤️،،قال لي ماف تعب ياخ💜
اها دخلتا الغرفه ومعاي توتا بعد سوت الشاي وقلتا ليها عايني د جاب لي شنو كمان هو انا ناقصه،،قالت لي ووبببعليييي جيبيهو النشوف فيهو شنو😂😂😂😂اديتو لي توتا وقلتا ليها لو عجبك شيليهوو م عايزاهو،،قالت لي ي بت د سلسل فضه وريحه وشكولاتات كتيره❤️❤️❤️،،قلتا ليها جيبي الشكولاتات وشيلي الباقي😂😂😂😂،،قفلت الكيس وختتو لي ف دولابي قالت لي الهدية لا تهدا ولا تباع،،قلتا ليها امممم بس نا م عايزاها،،قالت لي مشكلتك،،يلا انا طالعه برا..
#مرت الايام واتسجلتا في جامعه الخرطوم تصميم ديكور😍😍😍🧡وتوتا م شالوها الخرطوم،،مشت السودان it
اها ابوي أداني قروش ومشيت السوق ومعاي توته،،اشترينا السوق وجينا😂😂😂
توتا قالت لي د بتقعدني لحد م اتخرج😂،،قلتا ليها بالجد😂قالت لي شعورك شنو والجامعة بكرا😉،،قلتا ليها والله حاسه بالحماس😂،،قالت لي انا زاتي والله🧡،بس ي امنيه عليك الله م تباري الفارغه يعني انتي دخلتي الجامعه م معناها خلاااص ليك الحريه ف اي شي،،ختي ف بالك انو انتي ماشى تقري وبس🧡قلتا ليها اصلا ي بت انتي بتوصي فيني
💜💜
اها تاني يوم قمتا مع اذان الصبح😂🧡(الشفقه تطير😂)
عملتا حاجاتي الروتينية💜 ومشيت لبستا هدوم الجامعه ..
لبستا اسكريت اسود ومعاهو بلوزة بيضاء فيها ورده بالجمبه بالرصاصي ولبستا معاها طرحه رصاصيه بالحجاب🧡واسبورت ابيض✨
شلتا معاي شنطه حقت ضهر اسود🖤
ودعتا امي وطلعتا ..
وصلتا الجامعه ونا طبعا م بعرف زول ف بقيت زي الاطرش الفي الزفه،،
لقيت مجموعه بنات كدا قلتا احسن امشي ليهم واسال من مكان القاعه حقتي،،
مشيت ليهم وقلتا ليهم"سلام عليكم ي بنات بس عايزه اسألكم من قاعه برالمه تصميم ديكور وين؟"
في وحده كدا ردت لي قالت لي شايفه المكتب داك؟ قلتا ليها اي،،قالت لي امشي باتجاهو طوالي ولفي يمينك بتلقيها..شكرتها ومشيت..
مشيت ع حسب وصفها..
لقيت لي قاعه كدا وفرحتا قلتا كويس اني لقيتها💜وطوالي دخلتا ،،اول م دخلتا القى ليك مجموعه من الطلبه،،
مشيت قعدتا ف اول مقعد قدامي..
وبقيت مستنية الدكتور..
بعد شوية الاحظ ليك الناس د كلها بتعاين لي وبتضحك..وانا زاتي لاحظتا انو ديل م قدري ديل كبار..
بعد شوية قمتا عرفتا روحي اتسمبكته😂😂😂😂
في ولد كدا قال لي ماشى وين نورتي والله في سنه رابعه😂💜،،قلتا ليهو انتو سنه رابع؟،،قال لي اي،،قلتا ليهو ايوه دخلتا غلط معناها...
ممكن توصف لي قاعه تصميم برالمه وين؟قام وصفها لي وهو ميت من الضحك غايتو بس فهمتو بالجلاله😒
مشيت محل م وصف لي ودخلتا...
اول شي عاينتا للناس عشان م اتسمبك تاني😂
لقيت أشكالهم صغيرة يعني بكونو قدري..
اها قعدتا وبقيت مستنية الدكتور..
بس اشوف ليك البنات السألتهم من القاعه اول م دخلتا ووصفوا لي غلط جو داخلين..
عينهم جات علي وبقو يضحكو،،جاتني البت قالت لي معليش ياخ اصلا اي برلوم بعملو ليهو كدا😂😂😂اسفين والله واحنا زاتنا سمبكونا زيك😂😂😂فقلنا نعملا فيك واسفين،،قلتا ليها اوك ماف مشكلة..
قالت لي اسمك منو؟،،قلتا ليها امنيه وانتي؟،،قالت لي نهاد ود صحبتي ريهام ود عسجد،،قلتا ليهم اتشرفنا🤗💜
اها الدكتور جا وبقى يتكلم معانا..
"كلكم برالمه صح،،عاينو انا ح اقول ليكم الكلام د لانو كل سنه بقولو للبرالمه..
انتو البتبنو البلد د..
انتو لسه شباب ولو فكرتو تخططتو صح من هسى لي قدام بكون عندكم مستقبل،،قرايتك وشهادتك د سلاحك🖤⚡
تمشي اي حته ومعاك شهاده بقبلوك،،م زي اي كلام فاضي،،والزول م برتقي إلا بالعلم💜،،م تخلو بالكم في الفارغ والحاجات الم بنستفيد منها د،،وقتك د ثمين شديد،،وكلها اربعه سنه وخلاص تتخارج،،وتبقى زول مسؤل وبشغلك وبإنتظامك وبي اي شي،،وكونو انو انتو دخلتو جامعه الخرطوم يبقى م صعبه عليكم تستمرو بنفس الأسلوب وبنفس المذاكره عشان تتفوقو صح؟،،الجامعه د م حاجه ساهلة ولا هينه للفاكرها للعب والضحك وخلاص،،لا هنا ي داب القراية بدت،،الفات من عمركم د كلو بس عشان تتعلمو الحاجات الاساسيه وكيف تقرأ وتكتب وبس،،هنا ي داب ح نبدا،،ف ابدو مع نفسك صفحه جديدة وسنه جديدة خاليه من المشاكل ولا غيرو،،كلكم هنا اخوان وزملاء وأصحاب وساعدوا بعضكم ❤️👌 ،،اتفقنا؟
م تتخيلو كلامو د أداني حماس زياده للمنافسه كيف❤️❤️❤️❤️حبيت الدكتور د شديد لانو زول فاهم والله💜
#اها أدانا المحاضره وانا مركزه معاهو شديد واي شي م اعرفو بسجلو في دفتري،،
رجعتا البيت وكان يوم حلو❤️❤️❤️استحميت واكلتا لي حاجه وحكيت لي امي بكلام الدكتور وقالت لي عاد تمام يلا اسمعي كلامو واجتهدي،،موش د العايزاهو انتي؟ قلتا ليها اي ان شاء الله❤️
ومشيت رقدتا نمتا كنتا تعبانه💜
#اقتباسهه...
"الصفعة التي تتلقاها فجأة، قد تكون هي القوة التي تمسك بيدك نحو تجاوز هولاء البشر💚"
#نتلاقى..
