بعد حسام ومحمد طلعو مشيت لميت الصينيه والكبابي وغسلتهم ،،تلفوني ضرب مشيت شلتو كانت توتا،،رديت ليها واتونستا معاها عادي ولا جبتا ليها.سيره لي شي،،قفلتا منها واتصلتا ع حنين واتونست معاي برضو وقالت الحمل تاعبها شديد،،بقيت بنصح فيها وهي تكورك مع مجاهد😂،،قفلتا منهم ورقدتا ف السرير،،اتعمدتا اني م افكر ف شي ،،وطوالي نمتا..
الصباح صحيت بصوت المنبه حق التلفون،،ولقيت نفسي تعبانه شديد وم بقدر امشي الشغل،،وعندي حمى وصداع شديد،،بعد م شلتا التلفون وقلتا اتصل ع حسام واقول ليهو اني م بقدر اجي،،تاني اتشجعتا وقلتا لا،،احسن امشي عشان م يزعجني بالتلفونات وكل دقيقه بقيتي كيف وكيف،،مشيت لبستا هدومي وعملتا حبه ميك اب عشان يخفي اثار التعب الفي وشي،،مشيت الشركه ولا حتى شاي م شربتو،،
دخلتا مكتبي طوالي ،،وبقيت شغاله لمن عيوني وجعوني،،والصداع زاد زياده،،زي الساعه9:40،،جاني محمد قال لي ارح يلا نفطر،،قلتا ليهو بصوت تعبان،،م عايزه ،،جا قعد ف الكرسي وقال لي كيف م عايزه،،ارح قومي،،قلتا ليهو م عايزه ياخ،،محمد.قال لي طيب قومي م تاكلي اقعدي معانا ساي،،قلتا ليهو انت م شايف اني شغاله؟؟م عايزه اقعد خليني اخلص عليك الله،،بقى بعاين لي وساكت،،بعدها قام وطلع برا،،وتاني م جاني كلو كلو،،انتهيت من شغلي الساعه5،،وانا شاي م شارباهو💔،،قفلتا اللابتوب وطلعتا من المكتب ومشيت لي حسام،،انتهيت انا يلا فتك بالعافيه(خرفت🤣)،،ومشيت قبل م اسمعو،،رجعتا البيت وغيرتا هدومي ومشيت اكلتا وشربتا عصير ورقدتا نمتا،،وكان عندي حمى مبالغه،،بليت طرحتي ف الموية وختيتا ف راسي ونمتا،،
م حصل شي تاني باقي اليوم د..
تقريبا مر شهر كامل،،وتعاملي مع حسام ومحمد بقى كعب،،كل م يحاولو يقربو مني ويعتبروني اختهم انا بصدهم،،م كنت بديهم فرصه اصلو،،وتقريبا محمد.شماني شديد،،بس حسام لسه مواصل يعاملني كويس رغم المعامله البعاملها ليهم،،بديهم كلام حار كتييير بس عشان يبعدو مني،،بس كانوا لسه مصرين يقيفو ف ضهري،،
في يوم وانا راجعه من الشركه..قلتا عايزه امشي السوق اشتري لي حاجات،،لقيت بتاع محل كدا زي البقاله،،مشيت سألتو من السوق بوين وكدا،،طلع قريب م بعيد،،ومشيت السوق واشتريت لي كم هدوم كدا واسبورتات وحاجات كتيره،،اثناء م انا راجعه برجليني..لاحظتا لي واحد ماشي وراي،،بس م اديت الموضوع اهميه،،لحد م قربتا للبيت وهو لسه ماشي وراي،،لمن اتلفتا عليهو،،لقيتو ولد شاب كدا،،قلتا ليهو ف شنو؟؟(بالانجليزي طبعا)،،قال لي ماف شي وقام لفا،،انا قلتا د شنو د؟؟البلد د اصلا ناسها معاقين كدا؟؟،،،رجعتا البيت،،ورصيت حاجاتي ف الدولاب وكل دقيقتين اشيل واقيس وأتصور واتعاور😂😂😂،،لاحظتا انو اليوم د غريب لانو اول مره م يجيني اتصال من محمد ولا حسام،،حتى لمن اتشاكل معاهم بتصلو علي،،وحتى الليلة ف الشركه حسام م جا،،
م اديت الموضوع اهميه وتابعنتا لبسي ومكياجي وتسريحاتي واشيل وواتصور لمن الذاكره اتملت😂😂😂😂،،
بعدها اتصلتا ع توتا فيديو،،وقالت لي د شنو ي بت سجمناا وووب علينا بقيتي عارضه ازياء ولا شنو،،ومالك مخيفه كدا،،قلتا ليها مخيفه ف عينك اصلا الملاك الناس بتشوفو شيطان😌💜،،قال لي موش لمن تبقى ملاك اول؟؟،،وبعدين تعالي هنا د جبتيهو ومن وين؟،،قلتا ليها اشتريتو😑،،هسى خليك من جبتي من وين،،م حلو عليك الله😉💙،،قالت لي النصيحه سمح والله💙💙💙،،ورسلي لي الصور بعدين،،قلتا ليها اها خبركم شنو وكيف الاهل وكدا،،قالت لي كويسييين يختي ماف عوجه💙💙،،قلتا ليها تمام،،وانتي اشتغلتي وين؟؟،،قالت لي ف شركه زيك حبيبه🤩💜💜،،قلتا ليها والله ؟!مبرووك.حييبتي💙💙💙💙💙،،قالت لي اها انتي حصل شنو اليومين الفاتو ديك،،م عارفه بس جاني احساس اني اكلم توتا بحسام ومحمد،،قمتا قلتا ليها عايزه اقول ليك د لكن لو اتكلمتي ولا فتحتي خشمك وقلتيهو لي زول بفصلا منك،،قالت لي سجمي تفصليها عديل،،كدي احكي يختي شكلوو شمار خطير،،قلتا ليها محمد وحسام....وقبل م أتم كلامي قالت لي اشي اشي اشي محمد وحسام لكن😉💜💜اها احكي ياتو المربطه معاهو وياتو العايز يعرسك،،قلتا ليها توتا اسكتي ياخ ديل اخواني المفقودين،،سكتتت مساافه وحركت لي حاجبها بمعنى م فهمتا،،،قلتا ليها حسام ومحمد وحمزه اخواني تتذكريهم؟؟،قالت لي اايي،،قلتا ليها اتخيلي مدير الشركه الشغاله فيها انا طلع حسام اخوي ومحمد اخوي طلع شغال ف شركه حقت معمار هنا،،اما حمزه م عارفاهو وين..وكان شفتي انا اصلو م صدقتا ديل اخواني....الخ(حكيت ليها اي شي)
توتا بقت ف حاله بتاعة صدمه،،بعدها قالت لي انتي بتتكلمي بالجد ولا بتهظري؟،،قلتا ليها د وقت هظار ياخ؟،،،قالت لي واي م قادره اصدق وانتي لي تتعاملي معاهم كدا مدام حسام وراك شهادة الميلاد؟،،يبقى هم اخواتك فعلا،،طيب انا ياني استوعبتا خلاص أنو ديل اخوانك بعد قلتي لي شهادة الميلاد د،،انتي لي م عايزاهم؟؟،،قلتا ليها م عارفه بس هم ح يكونو لي عائق ف حياتي،،قالت لي محنونه انتي؟؟الف زول بتمنى يكون عندو اخو بنصف حنيه حسام ولا رجولة محمد،،غبيه انتي ؟كيف يعني يكونو ليك عائق،،ديل ياهم البشيلو همك ويقيفو ف ضهرك،،الله رسلهم ليك عشان يخففو عليك شوية من الحمل الشايلاهو ف قلبك د،،وانتي بكل بساطه بتتعاملي معاهم كدا؟؟ياخ د لو طلع ود خاله حبوبه بت خاله ود عمه امي م بتعامل معاهو بالطريقه د فما بالك يكون اخوي؟؟،،انتي لو راجعتي نفسك بتلقي فعلا انو مافي سبب يخليك تكرهيهم وانا متاكده من ناحيه انك اقتنعتي انو ديل اخوانك انتي فعلا اقتنعتي بس م بعرف مالك ناكراهم زي الحاجه الشينه،،ياخي انتي براك قلتي لي بلسانك يوم.نطو ليك الحراميه ديل لو م هم كان قرو عليك الفاتحه،،انا لو مكانهم وانتي بتعامليني بالطريقه د والله ولا بسال عليك تاني وبخليك ع راحتك ولو طلبتيني م بجيك،،اجيك بصفتي منو؟؟موش قلتي م اخوك يبقى اجيك لي؟؟،،بطلي تتصرفي زي الشفع وختي عقلك د ف مكانو،،واحترميهم وقدريهم،،افرضي لا قدر الله وأحد فيهم مات،،انتي ح تموتي بوراهو بالندم،،اذا انتي فاكره بالطريقه د بتعاقبني ف نفسك او بتزيدي الاحزان عليك ابشري اصلا من الناحيه د ماف شك انك تدخلي لي طبيب نفسي بعد.كم يوم ،،اما هم م فارق معاهم كتير كل البي يدهم عملوهو والباقي عليك انتي،،انا القدامك د بتمنى يكون عندي اخوان زي اخوانك ديك🙂بس الحمدلله لااعتراض ع حكم الله ..وقفلت الخط ف وشي..
كلام توتا كان حااااااارر حااررر شديييد كمان💔💔،،بس رغم د هي م غلطت ولا غلطه،،يمكن حكايه اني احكي ليها اي شي د كانت كويسه لانو صحتني من حاجات انا كنت غافلة عنها،،حرفيا حسيت اني قدر السمسميه بتصرفاتي دي💔💔،،شلتا التلفون واتصلتا على حسام،،م رد،،اتصلتا تاني وتالت ورابع وم رد،،قمتا اتصلتا ع محمد،،برضو نفس الشي م رد،،بقيت بتصل عليهم كتيييير لحد م ف الآخر حسام رد وقال لي مالك ي امنيه ف شنو؟؟،،قلتا ليهو وين انت بعيد من التلفون؟،،قال ليي.اي احنا ف المستشفى ومحمد د عيان شديد وقررو ليهو عمليه..💔
#اقتباسهه..
"ِ أنتَ من تحدد قيمة لنفسك، فلا تُصغّر من شأنِكَ حين ترىٰ فخامة الآخرين ، فلو كانت القيمة تُقاسُ بالأوزانِ ، لكانتِ الصخور أغلىٰ من الماس.💜✨"
#نتلاقى..
