بقيت قاعده مع حنين وشغاله وبتديني راتب كويس شدديد وكل يوم بجوني توته وملهم والببقى لي حنين د وعرفتو اسموو مؤمن..
وكل مره انا بسأل توته من اهلي وكدا بتقول لي كويسين،،وانا شبه اتعودتا على القعده هنا..
وكنت دائما ع امل انوو توته تقول لي ابوك قال مسامحك وقال ليك ارجعي ...
بس مشى الحال اسبوع واسبوعين وشهر ولحد م تميت تلاته شهور وخلصتا السمستر الاول ❤️،،وايام الامتحانات حنين م قصرت م كانت بتخليني اشتغل وبتساهر معاي وبتعمل لي الاكل❤️،،وكل مره امها بتجيها..والله مره طيبانه شديييد(عاد بتها طالعه ليها❤️)
واهلها كلهم بقو يعرفوني وصاحبتهم شدديد😂😂😂😂حتى هي قالت لي شايفاك صاحبتي اهلي اكتر مني😂😂،،وبالذات مؤمن د بقى صحبي شديد وبعدين النوع الظريف ووناس داك😂😂😂
مرت الايام وخلصتا سنه اولى..
وبقيت ياهو مؤجزه وقاعده. ..حنين قالت لي اقعدي استغلي الاجازة د وخشي النت واقري لغات وكدا والله بتستفيدي..وانا طبعا خطيره ف الإنجليزي تعالي لي طوالي❤️،،فعلا لمن حسبتها لقيت انو بدل م اقعد ساي كدا احسن اتعلم انجليزي لانو بحتاج ليهو ..
وبقيت بخش النت وحنين بقت تتكلم معاي انجليزي وتعبتا فيهو غايتو ..ومؤمن زاتو م قصر غايتو الكلمات البعرفها لقطتها وبقولا لي😂😂😂لحد م اتعلمتا وبقيت بتكلم بطلاقه❤️❤️لمن اتعلمتو كان الجامعه فتحت ونزلنا سنه تانيه..
وم وقفتا بالعكس طورتا نفسي وبديت ف الفرنسي والاسباني❤️(العالم كلو ي إما بتكلم عربي او انجليزي أو فرنسي أو اسباني..لو اتعلمتي ديل معناها اي دولة ف العالم ممكن تتكلمي معاها❤️❤️)
مرت سنه تانيه وتالت ولحد م بقيت خريجه❤️❤️ود كلو اهلي م شفتهم إلا توته بس💔💔،،م انكر والله بقى م فارق معاي وبقى عندي احساس بالبرود تجاهم كدا ،،ولا حتى فكرو يفتشو فيني💔،،ف جاني كسر من تجاهم زي كأني هنتا عليهم💔،،بس يلا م مشكلة اكيد م بهون ع ربنا❤️
اتخرجتا واهل حنين عملو لي رحلة للمزرعه وجابو فنان عديل وودوني الكوفير ورسمتا واتمكيجتا واشترت لي فستان رهييب بي شنطتو واكسسوارتو وجزمتو ❤️
بالجد اليوم د.ح يكون محفور ف ذاكرتي الى الابد❤️❤️وحنين د حبيتا شديييد ونهائي م قصرت معاي ف شي بالعكس كانت لي زي امي واختي وخالتي وكل اهلي❤️❤️❤️❤️وم عاملتني زي كأني غريبه،،بالعكس زي كأني منهم كلهم❤️❤️❤️وكلهم كانو فرحانين بي شديد وانا كمان اتخرجتا بإمتياز❤️❤️❤️
مشينا المزرعه وقعدنا اتونسنا وطبعا انا بعرف اهلها كلهم❤️😂،،بعدها كان ف واحد بسوي ف اقاشي بالفحم والله حاجه تشهي💛💛💛💛💛💛🤩
بعدها حنين قالت لي ارح نمشي البحر.(البحر جمب المزرعه)
بقينا واقفين وبالجد منظر بهدئ النفس💛💛
قلتا ليها حنين والله م عارفه اقول ليك شنو بس بالجد انتي كنتي لي اي شي ،،والله بالجد الله م بنسا عبدو ،،انا كنت محتاجه زول اقعد معاهو وافضفض ليهو واوريهو الجواي وف نفس الوقت ينقذني..
انتي انقذتيني من شي كان ممكن يدمر حياتي للابد،،وكمان كنتي لي اخت واكتر والله 💛💛💛حقك د.ح اكون متذكراهو ليوم الدين ونهائي م قصرتي معاي ،،م عاملتيني زي كأني خدامه عندك ولا كأني غريبه،،بالعكس رحبتي بي وعاملتيني معامله حلوة زي كأني انسان زيك واديتيني حريتي💛💛💛💛💛والله م عارفه اشكرك كيف ولا عارفه اقول ليك شنو بس انا مستحيل انساها ليك وان شاء الله يجي اليوم الح اردها ليك فيهو💛💛💛💛
قالت لي امنيه انتي اختي واكتر وم صح الكلام د منك وانا م عملتا إلا الواجب..وبعدين انتي زولة طمووحه وانا بحب الناس الزيك ديل ف حبيت اساعدك بعد م عرفتا مشكلتك 💛💛وانتي انسانه وليك حريتك وانا م بمنعك منها💛وبعدين الله قال وم جزاء الاحسان إلا الاحسان💛💛💛وبعدين ياخ م بيناتنا💛💛💛وانتي بقيتي جزء من حياتي عديل وحبيتك بالجد💛💛💛
اليوم د مستحيل انساهو ابدا💛💛💛💛
اها رجعنا البيت وطبعا راجلها جا إجازة ..
بقيت قاعده في البيت وبنضف وماسكه التلفون وبدخل النت عشان اعرف معلومات اكتر..
وبعد النضافه والموال د.كلوو بطلع بمشي افتش شغل(عارفين الشغل ف البلد د كيف)
كل يوم برجع يدي فاضيه💔وانا خلاص زهجتا شديد
وقعدتا ف البيت سنه بدون شغل لكن طورتا من نفسي شديد وبقيت خطره ف الكمبيوتر (عندهم كمبيوتر ف البيت)وحتى كمان راجلها جاب لي لابتوب..
وبقيت بعرف اصمم برامج رغم انو م عندها علاقه بتخصصي..
بس يعني اتعلمتا غايتو..
لحد م ف يوم جاني مؤمن قال لي ف منحه انك تقري برا وعايزين ناس تصميم وكدا وتشتغلي معاهم ف شركه ومرتب كويس والأكل عليهم والسكن عليهم..
فرحتا فرح اللحظه ديك..
وقلتا ليهو سرييع وريني ليهو انا ماشى ..
قال لي برسل ليك الموقع ف الايمل حقك..
وفعلا رسلو لي وطوالي دخلتا ليهم ولقيت كاتبين يعني عايزين ناس تصميم وكدا والكلام القالو لي مؤمن د.
وكاتبين رقمهم تحت.طوالي ضربتا ليهم واتكلمتا معاهم ..
وواقفو وقالو التذكره عليهم..وانو مفروض لمن انا اجي يعملو لي اختبار أول وكدا..
قلتا ليهم الحضور متين..قالو لي الاحد الجاي أن شاء الله..قفلتا منهم وانا طايره من الفرح..
وكلمات حنين وباركت لي وحتى كمان زغردت😂🤩💛قالت لي رغم انو ح تبعدي مني وح يفرق معاي شديد بس برضو عشان مستقبلك كل شي يهون🤩💛💛💛💛
اها بديت ارتب حاجاتي..
وماشاء الله اهل حنين مشيت ليهم واحد واحد وودعتهم وقلتا ليهم مسافره وكدا وكل بيت امشي ليهو يفتحو معاي بيت بكى💔،،بالجد كانو اكتر من اهل 💛💛💛
#جا اليوم الح اسافر فيهو رتبتا شنطتي وحتى كمان مؤمن جا وجاب لي معاهو تلفون جديد هدية💛وحنين جابت لي كم عبايه ولبسات حلوة وكامله💛💛وخالاتا جابو لي اكسسورات وجزم وووو..الخ بلاوي غايتو😂🤩
اها وصلوني لحد المطار (نسيت اوريكم اني ماشى وين ،،ماشى الامارات😂😂)
ومؤمن د يشيل ويوصي فيني💛💛💛
اها ودعتهم وحنين د بس تبكي والعجب توته💔💔💔،،انا حزرتها م تكلم اي زول وتعمل رايحه..
اها ركبتا الطياره والرحلة كانت ليلية..
طوالي تكلتا راسي ونمتا..
الله اعلم المنتظرني هناك شنو...
#اقتباسهه..
" سكوتك عن ما لا يرضيك، تنازلاتك الأولى، تغاضيك عن ما أتعبك، إخفاءك لرفضك، تحمُلك، كتمانك جميعها صلابة لم تؤلم أحداً سواك .💔"
#نتلاقى..
