مشينا كافتريا وانا طبعا متكسفه شديد من حكايه اني بت وسط ولدين،،م عارفه بس حسيت انو حسام حسا بي،،وقال ارح نشيلو ونمشي الشركه احسن ،،انا طوالي قلتا ليهو اي احسن،،فعلا جابوهو ومشينا الشركه،،وطول الطريق محمد وحسام يتونسو،،وانا اشاركهم شوية وارجع لي سرحاني،،رجعنا الشركه ودخلنا مكتب حسام وفطرنا وبعدها جات وحده كدا لمت الاكل وقلتا ليها خليني اساعدك،،قالت لي لالا اصلا د شغلي،،قلتا ليها مالو برضو،،وشلتا معاها ونضفنا محل الاكل..
بعدها حسام قال لي تعالي اوريك مكتبك،،مشيت معاهو وكان معانا محمد،،المكتب حقي م كان بعيد من مكتب حسام،،يمكن فاصلنا مكتبين بس..دخلنا المكتب وكان حلو شدييد🖤🖤ومزين ومرتب❤️❤️❤️✨قال لي داك لابتوبك..وداك جهاز كمبيوتر ودفتر كبير ،،واوراق ملونه،،وحاجات كتيره بتناسب شغلي أو تخصصي حق تصميم ديكور،،محمد قال بنبره ساخره،،اممم لا بأس به،،حسام قعد يضحك قال ليهو لي ياخ؟كل التعب د وتقول لا بأس به😂😂😂،،قلتا لي حسام والله رهيب شديد تسلم❤️❤️❤️✨،،قال لي عجبك؟،،قلتا ليهو شدييد❤️❤️،،قال لي تعالي،،مشيت وراهو وفتح اللابتوب،،وقال لي شايفه؟؟د.كلها تصاميم ويلا انتي م عليك إلا تعملي تصاميم من عندك وانا مرات مرات بديك ملفات كدا تجهزيها لي،،واحنا هسى م عملنا ليك اختبار،،ف ح اديك مهلة لحد بكره تجيبي لي اربعه تصاميم مختلفات ويكونو...الخ،،وبقى يوصف ف التصميم وحاجات كتيره قال لي اعملا،،بعدها حسام طلع وبقى واقف محمد،،قال لي بالتوفيق ومشى،،انا طوالي قعدتا وبديت اعمل ف الحاجات القالا لي،،المكتب فيهو اي شي متوفر وبساعدني ف شغلي،،حتى كمان فيهو تلاجه فيها بارد وشكولاتات،،بقيت شغاله فيهو لحد م باب المكتب حقي دق..قلتا اتفضل،،جاني محمد قال لي الدوام انتهى يلا ارح عشان اوصلك..انا استغربتا وقلتا د لاهسى قاعد؟؟،،قلتا ليهو م تتعب روحك ياهو المسافه من هنا للبيت خمسه دقايق،،قال لي عارف بس برضو يلا،،م حبيت اتناقش معاهو كتير لانو حسيتو ح يديني كف،،شلتا اللابتوب والحاجات البحتاج ليها ومشيت مع محمد..
قلتا ليهو حسام وين؟؟،،قال لي قاعد،،قلتا ليهو م طالع هو؟،،قال لي هو المدير وبطلع اخر زول،،قلتا ليهو ايوا تمام،،وبقينا ماشين وساكتين،،قمتا قلتا ليهو انت م شغال ف الشركه د صح؟؟،،قال لي م شغال فيها اي بس الايام د اخدتا إجازة شوية من الشغل حقي عشان كدا بقيت اقعد.مع حسام كتير ،،قلتا ليهو انت ليك هنا كم؟،،قال لي اييييك من عمري 23سنه،،قلتا ليهو ايواا،،قال لي انتي عمرك كم؟قلتا ليهو 24 قال لي انا 29سنه،،قلتا ليهو بس شكلك م بقول كدا،،قعد يضحك قال لي بقول شنو😂،،قلتا ليهو بقول انت اصغر من كدا،،قال لي امممم بلاي!
قلتا ليهو تمام يلا وصلنا وشكرا ليك😂،،قال لي شكرا ف شنو؟،،قلتا ليهو ع الوصيلا وع الونسه مع اني م كنت قايلاك بتتونس،،ضحك ضحكه خفيفه كدا قال لي كيف يعني م بتونس؟😂،،،قلتا ليهو امممم كدا،،قال لي طيب طيب يلا ..ومشى
دخلتا الشقه واستحميت واكلتا بقيت بحس بشي غريب تجاه محمد د،،بس طوالي يلعن الشيطان..
مشيت الغرفه ورقدتا نمتا،،صحيت بصوت تلفوني بضرب ،،لقيت د توته،،سلمتا عليها واتونست معاي وبعدها اتصلتا على حنين وهي برضوو.جرتا معاي ونسه وقالت لي م وريتك،،قلتا ليها شنو؟،،قالت لي ح تبقى خاله🤣،،،قلتا ليها وايييييي ي حنييين مبرووك ياخ❤️❤️❤️❤️❤️❤️❤️✨،،قالت لي الله يبارك فيك❤️❤️،،قلتا ليها اهتمي بأكلك كويس وم ترهقي نفسك،،قالت لي اها ي امي التانيه🤣🤣،،قلتا ليها جدجد اهتمي بنفسك ،،قالت لي أن شاء الله❤️❤️بس ان شاء الله تجيني بت❤️❤️،،قلتا ليها كلو من الله حلو❤️،،اها مجاهد كيف مع القرايه متجرس لسه؟😂،،قالت لي اسكتي ساي سنه رابع د صعبه والله انا م بقدر ليها خليو هو،،قلتا ليها كلو صعب ماف شي ساهل😂😂بس اقري معاها درس اليوم باليوم،،قالت لي اي قاعده اقرا معاهو واراجع ليهو،،وبقت تكورك،،ي مجاهد. ي ولد ،،اي اي اكسرا عشان اكسر راسك د.تعال هنا،،قال ليها اها عايزه شنو(الاولاد صعبين😂)،،قالت ليهو هاك د امنيه اتكلم معاها،،شال التلفون وقال لي منوشه🤣❤️،،قلتا ليهو حبيبي مجاهد شنو لكن عامل تقيل كدا🤣،،قال لي م تقيل بس م لاقي طريقه اضرب ليك،،قلتا ليهو اي عاذراك مع القراية وكدا،،قال لي لالا م قرايه.قصدي الكوره ،،انا طوالي ف الميدان،،قمتا سمعتا حنين قالت ليهو اسي عليك الله الكوره د الفائده منها شنو غير مكرهاني العيشه كان انت ولا ابوك،،قال ليها امي الحاجات د.م.بتعرفيها،،قالت ليهو م عايزه اعرف زاتو،،قمتا قلتا ليهو مجاهد امك د.بتجيب ليها الجلطه🤣🤣خليك كويس معاها،،قال لي سمح اها انتي كيف وكيف البلد،،قلتا ليهو لالا كوييسسه انا❤️❤️قال لي جايانا متين؟،،قلتا ليهو لمن يدوني اجازة،،قال لي سمح مستنينك🧡✨،،،قلتا ليهو اوكيه💛💛✨خلي بالك من نفسك ومن قرايتك واسمع كلام امك،،قال لي كويس،،قفلتا منو وضربتا لي اماني،،واتونستا معاها وسألتها من دان قالت لي لا كويسه ياها تحبي قدامي🤣🤣قلتا ليها كيف عبد ابرحمن،،قالت لي كويس بسلم عليك ،،قلتا ليها الله يسلمو،، يلا حبيبه لبكره بضرب ليك تاني،،،قالت لي كويس،،وقفلتا منها وختيت التلفون ف الشاحن،،،والله المصبرني على الحياة د حنين وتوته واماني💛💛💛💛💛💛💛✨حرفيا يعني وقفو معاي وقفه رجال💛✨،،قبل م اقوم تلفوني ضرب ،،لقيت د حسام ،،م رديت ليهو وكان لسه ضارب لحد.اخر جرس حتى فصل،،،تاني ضرب ،،قمتا رديت قال لي شكلك بعيده من التلفون،،قلتا ليهو اي كنت ف الغرفه وهو ف الصاله،،قال لي ايوا تمام كيف امسيتي؟،،قلتا ليهو الحمدلله وانت؟،،قال لي تمام💛،،قبيل قلتا لي محمد يوصلك ،،قلتا ليهو اي وصلني بس ماف داعي لانو المسافه قصيره،،قال لي برضو عشان نضمن سلامتك وبعدين هو زاتو م عندو موضوع ف قلتا احسن خلي يوصلك ويونسك🤣🤣🤣،،قلتا ليهو امممم تمام،،قال لي اها الشغل كيف ماشي؟،،قلتا ليهو تمام هسى ماشى اواصل،،قال لي خلاص لبكره..قلتا ليهو تمام وقفلتا،،
مشيت جبتا اللابتوب وبقيت شغاله لحد الساعه 1:00 بعدها قفلتوو ودخلتو ف الشنطه ومشيت جهزتا هدومي حقت بكره ومشيت عملتا لي سندوتش وعصير اكلتو ورقدتا نمتا..
