بعد الجملة القالتها د تلقائيا لقيت محمد محاوطها بيدينو وباس راسها،،وهي قلبتها موال بكى ،،طلعتا خليتهم يتكلمو براحتهم،،مشيت برا المستشفى واشتريت موية وبارد،،جبتهم ليهم،،الدكتور قال لي محمد د ح يقعد يومين تاني،،قلتا ليهو لسه ف خطر ولا شنو؟؟،،قال لي احتمال والله ف عشان كدا ح نخليهو هنا،،قلتا ليهو ماف مشكلة،،كلمتهم ومحمد قال لي احسن عشان ارتاح من الشغل د حبه،،جيت وقعدتا معاهم قلتا لي محمد انت بتبلع ساي مالك غنمايه انت؟؟،،شوف الزول اداك شنو م تبلع ساي،،اسي افترض اداك سم،،قال لي م كنت عارف والله وفعلا غلطتا،،قلتا ليهو باااالغتا موش غلطتا،،كنت ح تموت انت،،امنيه قالت لي حسام خلاص غلطه وم ح يعيدا تاني وهسى الحمدلله هوو كويس،،سكتا خليتهم،،،
قعدنا ف المستشفى يومين،،وشايف امنيه مجتهده شديد معاهو،،ولازم ياكل ويشرب وحافظه مواعيد الدوا حقو،،وبتنوم بعد م هو ينوم،،
جا اليوم المفروض نطلع فيهو..لبستا محمد وطلعنا بعربيتي..
لمن جينا للشارع الفاصل بيتنا وبيت امنيه..قلتا ليها معانا ولا بيتك؟؟،،قالت لي لا معاكم،،م استغربته من ردة فعلها،،طوالي دورتا العربية وع اتجاه بيتنا..
#نتابع بلسان أمنية..
الغلط العملتو في حسام ومحمد م هين،،كان مفروض احترمهم واقدرهم حتى لو م اخواني،،بس انا اتعاملتا معاهم بسغاله وسخافه شديدة،،لحظه محمد كان جوه الغرفه في العملية جاني تأنيب ضمير شدييد واني يمكن ف البحصل معاهو د،،يمكن أنا اكون سبب الصداع الخلاهو يبلع حبوب وم انتبه ليها بسبب الصداع الشديد،،،ختيت اللوم علي انا ،،ولمن فكرتا ف كلام توتا كان صاح ومنطقي شدييد،،ف قررتا اني ابدا معاهم من الاول واغفر غلطتي د،،انا عارفه انو قلبهم ابيض وبسامحو سريع وخصوصا انو هم م صدقو اني اتقبلتا فكره أنهم اخواني،،بس ح اقعد معاهم وح انتبه لمحمد💛💛💛✨
وصلنا البيت،، وانا وحسام سندنا محمد ودخلناهو،،لقيت البيت جايط شديد،،مشيت قلتا لي حسام وين غرفه محمد لانو كان ف غرف كتيره،،قال لي قعديهو في الغرفه العلى يمينك د،،قلتا ليهو لا خليهو برا لحظه خليني انضفا،،مشيت نضفتا الغرفه تمااامم وفرشتا ليهو سريرو،،حتى بعد داك قلتا لي حسام تعال جيبو خلي يرقد،،وفعلا جابو ورقد،،مشيت تابعتا نضافه في باقي الغرف،،رغم انو البيت كبير وواسع والبشوفو م بقول قاعدين فيهو اتنين عزابا😂،،نضفتو وم لقيت بخور 😂😂😂قمتا لقيت لي ريحه كدا في راس المكتبه البرا شلتها وبخيتها،،جاني حسام طالع قال لي د منو البخ ريحتي د،،قلتا ليهو انا معليش😂😂😂😂،،قال لي بالغتي والله د.اشتريتها قبل تلاته يوم وم استعملتها زاتو😂😂،،قلتا ليهو اسمح ريحه والله عشان كدا بخيتها هنا عشان تبقى ريحه البيت حلوة،،،قال لي كويس لكن م بنساها ليك 😂😂😂😂😂،،قعدتا اضححك..بعد خلصتا نضافه دخلتا المطبخ وغسلتا العدة ولميت الحاجات الم نافعه في الوسخ وكدا،،ورتبتا التلاجه،،قمتا خلطتا ليهم عصير كتير ولقيت بطاطس كتير وجداد،،قمتا عملتا ليهم دمعه بطاطس،،ودمعه جداد برضو،،وعملتا شيبس من البطاطس د،،ختيتو كلو في الصينيه بالعصير ووديتو ..
محمد قال لي ي سلااامم ياخ شكرا ليك م قصرتي والله 💛💛💛،،قلتا ليهو على شنو ياخ م بينا💜،،اها قعدنا ناكل ،،حسام ومحمد يشيلو ويشكرو ف الاكل ،،قلتا ليهم هو الاكل طعمو عادي بس انتو طولتو من الحاجات د لانو اكتر شي بتتعمل ف السودان ،،قال لي فعلا طولنا منها بس لكن يدك طاعمه ماشاء الله🌚🧡🧡🧡👌🏾،،قلتا ليهو بالهنا💜،،بقينا ناكل ونهظر ونتعاور لحد م محمد شرق واتجارينا انا وحسام عشان نجيب موية😂😂😂😂😂بعد شرب قعد يضحك قال لينا والله منظركم مضحك وانتو بتجرو😂😂😂،،
