طبعا حكايه انو حسام ح يرجع وم ح يقعد معانا د حرقتني شدييد💔💔💔،،قلتا ليهو حسام د كلام شنو د يعني بعد م نقول خلاص احنا اتلمينا تاني عايز تفرقنا؟💔💔،،امي قالت ليهو ي ولدي والله انا مشتاقه ليك ولي اخوانك م ترجع عليك الله خليك هنا،،،بقى يحك في راسو وقال لينا انتو ارحكم
نستقر هناك،،وكان على البيت م مشكلة اجروهو وكل شهر بتجيكم قروشو،،اماني قالت ليهو بس هناك م عندنا بيت ،،حسام قال ليها انا بمشي هناك وبعمل ليكم بيت كدا ف خلال سنه ونجتمع كلنا هناك،،منها قريبه لشركتي ومنها شغل محمد ونشغل معانا حمزه وامنيه برضو ،،وانتو تقعدو هنا لشنو،،البلد د فيها شنو بلاي،،هناك اي شي متوفر،،علاج تعليم شغل ،اي شي متوفر،،،،امي قالت ليهو طيب انت هسى اجازتك كم؟،،قال ليها شهر،،قالت ليهو سمح ي ولدي ع الأقل نشبع بشوفتك ..
اها قفلنا الموضوع د وبقينا قاعدين وجريينا الونسه كلنا وحكينا الحصل معانا شنو وكلو💙💙💙💙💙💙💙✨،،حرفيا القعده د ظبطت لي مزاجي شديد،،ومشينا انا وتوتا واماني نسوي العشاء..
ورصيناهو في السفره ،،وكانت احلى قعده ووونسه وضحك وهظار💙💙💙💙،،بعدها ناس خالتي مشو وتوتا قالت لي بجيكم بكره،،قلتا ليها تمام أن شاء الله💙،،
اها اي زول استلم ليهو غرفه وناس اماني مشو وقالو بجو بكره ويجيبو حاجاتهم..
انا مشيت استحميت ولبستا لي بجامه ولفيت شعري كعكه ومشيت المطبخ(اي عارفه روحي أكاله انتو مالكم😂)،،
اها مشيت المطبخ ولقيت حسام واقف وبياكل في سندوتش وكان ي داب طالع من حمام ولابس ترنسود رمادي وتشيرت كحلي وشعرو الملفلف كأبي موية😂😂😂،،قلتا ليهو والله لكن وانا اقول الجابدني بالاكل الكتير منو؟؟،،اسي موش احنا رفعنا الصينيه؟😂😂،،قال لي انا بتريض وبتعب وبعرق وبجوع أما انتي مالك؟؟اربعه وعشرين قاعده ي إما نايمه أو ماسكه التلفون وطوالي تكوضمي😂😂😂😂😂😂،،قلتا ليهو ح اتجاوزك غايتو،،قعد يضحك قال لي قولي م عرفتي تردي بس،،قمتا جبتا لي صحن وختيت فيهوو زبادي وكبيت ملح وشمار وبقيت باكل وانا قاعده في المصطبه😂،،قال لي د شنو البتاكلي فيهو د،،قلتا ليهو زبادي بملح وشمار ببقى زي المش،،قال لي خلاص ح اكل معاك،،قلتا ليهو جيب عيشه وتعال،،مشى جاب عيشه وقال لي اطلع في المصطبه زيك ولا كيف😂😂،،قلتا ليهو اطلع بس اعمل حسابك م تكسرا،،قال لي هو انتي م اتكسرت بيك تتكسر بي انا؟😂😂،،قلتا ليهو حسام والله م قادره اتقبل فكره انك ح ترجع تاني💔،،رغم انوو انا عرفتكم لي اربعه شهور بس والله بقيتو لي حياة عديل وم بقدر استغنى اوو ابعد عن واحد فيكم 💔،،قال لي نعمل شنو لكن؟انا زاتي م هاين علي اخليكم وابعد منكم بعد م لقيتكم بس صعبه💔،،لكن لو انتو وافقتو انوو انا اعمل ليكم بيت هناك ونرحل كلنا هناك بكون احسن💜💜،،قلتا ليهو خلاص اعملوو انا اديتك الاذن😂،،قعد يضحك وقال لي مجنونه😂😂😂،،
تاني قال لي تتذكري زمان كنا بنلعب مع بعض كيف؟،،قلتا ليهو اي ياخ كانت ايام💜💜💜كنت اقرب زول لي حرفيا ،،،قال لي وانتي برضو،،وللان انتي اقربهم💜💜💜،،قلتا ليهو انت عارف انا مرات بقيم الليل عشانكم وعشان ادعي ربنا يوفقكم والاقيكم وربنا استجاب لي💜💜💜💜💜💜،،قال لي الحمدلله الإتلاقينا🧡🧡🧡🧡،،قلتا ليهو بالجد💙
