في اللحظه د حسام جا داخل،،قال لي امنيه خلصتي؟ عشان لو م خلصتي تمي بكره وجيبي لي مع......،،حسامم سكتت مساااافهه وقال لينا بسم الله ف شنو؟؟؟،،انا قمتا طوالي من مكاني وبقيت بعاين ليهم،،دموعي جات جاريه💔💔ديل اخواني؟؟انا م قادره اصدق💔💔ديل ياهم الأنا بدعي ربنا انو يخليني اشوفهم بس ان شاء الله صورة بس💔💔حاليا حاليا هم قدامي ،،،بالجد بالجد.الدنيا د ضيقه شديييد💔💔💔،،حسام قال لي مالك بتبكي بسم الله؟؟؟،،وبقى جاي عليي،،
زحيت منو بعييد ،،،د حسام اخوي؟،،د.حسام حياتي؟؟ د حسام صحبي؟؟ د حسام الأنا كنت متعلقه بيهو من انا صغيره؟؟💔بقيت ببكي بحرقه لمن صوتي طلع وبقيت بصرخ💔💔والغريبه انو محمد م اتفاجأ..زي كأنو كان عارف،،حسام اتخلع من منظري وانا ببكي كيف،،بس بدون مقدمات جا وضماني عليهو،،بقيت ببكي فيهو لمن صوتي راح...حرفيا يخوانا والله د صدمه شدييده💔💔،،بعد مسافه من البكى انتبهتا اني في حضن حسام،،طوالي زحيت منو،،وقشيت دموعي ولسه محمد كان قاعد بس مدنقر راسو،،حسام قال لي مالك؟؟،،قلتا ليهو بصوت مبحوح حسام؟؟💔انت انت اخويي؟؟💔،،انت اخوي ي حسام؟،،قام طوالي اتلفت على محمد وقال ليهو كلمتها؟؟محمد هز ليهو راسو بمعنى اايي((تتذكرو لمن محمد قال لي امنيه عارفك بتحبي الاسنكرس؟يلا هنا هو عرف انو دي اختو وكان حافظ كل شي بتحبو))
بقيت ببكي زياده تقريبا اغمى علي..
صحيت لقيت اني ف المستشفى ومركبين لي درب وجمبي حسام ومحمد،،لمن فتحتا حسام قال لي حمدالله ع السلامه ياخ د كلها صدمه😂،،دموعي تاني نزلت تاني،،محمد قشاها لي قال لي على الطلاق تاني دموعك د م تنزل وانا في😂😂😂❤️،،بقيت بضحك وشعوري بقى ملخبط بين اني زعلانه وفرحانه ❤️💔
حسام قال لي تتذكري لمن قلتا ليك قولي لي اسمك كامل؟اصلا انا كنت شاكي والله لانو ياها ملامحك زاتا م اتغيرت وانا بعرف اميزك كيف بين الناس،،ف لما عرفتا اسمك اتأكدتا انوو انتي اختي ف اتعاملتا معاك عادي وحتى كمان كلمتا محمد بس قلتا ليهو اسكت م تتكلم،،،محمد قال ليهو مجنون انت؟؟اسكت كيف يعني والله م قدرتا طوالي حكيت ليها قصتي عشان اقدر المح ليها انو انا اخوها😑،،بقيت بس بعاين ليهم وم عارفه اقول شنو ولا اعمل شنو بس دموعي د جاريه ..
احساس اخوانك تكوني بتلعبي معاهم من انتي صغيره وجمبك طوالي بس فجاءه يختفو منك وم يظهرو إلا بعد.سنييين لمن تنسى ملامحهم زاتو💔،،محمد قال لي شنو؟؟ موش قلنا م عايزين دموع..
حسام قال لي واخيرا ياخ اتجمعنا تاني❤️❤️❤️❤️قلتا ليهو وين حمزه؟؟،،قال لي والله م عارف ليهو درب لكن الله في..مدام اتلاقينا احنا معناها الله بجمعنا بيهو تاني..
قمتا صنقرتا وبقيت بضحك،،حالتي انا اتكرشته عليك ي محمد وقربتا احبك تجي تطلع اخوي😂😂😂😂😂❤️،،جروها ضحكه حلوه😂😂😂😂محمد حضني قال لي مالو هسى حبيني اخوك انا😉❤️❤️❤️،،حسام قال أحم احم ،،محمد قال ليهو م احم ولا اي شي زمان اربعه وعشرين ساعه سوا واصلو م مديني فرصه لكن هسى شوف ليك شي تاني..حسام قال ليهو الله الله؟؟ د كلام جديد د😂😂😂،،قلتا ليهم اماني لوو عرفت ممكن تركب طياره هسى وتجيكم..حسام قال لي صحي انتي اماني كيف وامي كيف وابوي ؟ قلتا ليهو اماني عرست من هي صغير وهسى عندها لؤي ودان(تتذكرو قبل م اهرب كانت حامل؟؟بس ولدت لؤي وبعدو دان)،،اما امي وابوي كويسين بتكلمني بيهم اماني..
ف اللحظه د الدكتور جا وقال ممكن اطلع بعد د ماف خطر علي..
فعلا طلعنا ومحمد كان ساندني وانا كنت خجلانه،،قال لي م تخجلي بعد د انا اخوك😂ركبني العربيه..وبقينا ماشين..
نزلني ف شقتي..ونزلو معاي..دخلتهم وجبتا ليهم موية وقعدنا ف الصالون،،محمد.استعدل ف قعدتو وبقى جادي.كدا قال لي احكي لي الحصل شنو وكيف جيتي هنا..
قلتا ليهو محمد فك الصره د لانو بخاف والله😂قعد يضحك وقال لي اها. ..
قمتا حكيت ليهم من طقطق للسلام عليكم..
حسام د وقف ع حيلو وبقى ماسك راسو..قال لي د كلوو انتي مستحملاهو كيف؟؟💔💔قلتا ليهو اهو زي م شايف بقى م فارق معاي💔،،محمد.د.عروقو د.اتفجرو عديل من الزعل..وبقى يضرب ف الحيطه..
قلتا ليهو محمد هدي شوية..حسام قال لي يهدي كيف يعني اذا ابوي انتي هنتي عليهو بالطريقه د؟؟كيف.يرميك كدا ويخليك تقعدي مع ناس انتي م عارفه عنهم اي شي لا وكمان تشتغلي خدامه عشان تقري؟؟؟؟والزفت الاسمو ايهاب د يصبر لي لمن انزل السودان بقى ماسك راسو ولافي وبتأفف..
قلتا ليهم ي جماعه خلاص الحصل حصل وتعصبكم د بدون فائده ولا ح يرجع الزمن لي ورا،،وبعدين القعدتا معاهم ديل م انكر عاملوني احسن من اهلي..ولولاهم انا م كان وصلتا لهنا،،ويمكن الحصل لي د.درس انو ي امنيه خليك سند لي نفسك ماف زول ح يقيف ورا ضهرك 💔علمني اني انا ممكن اهون على أي زول حتى ابوي لكن م بهون ع ربنا💔والدليل ع كدا انو ف كل خطوه ف حياتي بلقى البساعدني وم بتعب ف شي💔..
علمني انو مهما كان م تختي ثقتك في زول لانو الناس د كلها ماشى وح تخزلك💔💔
محمد جا ووقفني ع حيلي ومسك يدي وضغط عليها..قال لي ياني انا قدامك..وانا وحسام لوو م بقينا ليك ضهر وسند يبقى احنا م رجال والله ..ولمي هدومك دي يلا ارح معانا..بقيت ساااكتهه واصلو م قمتا من حتتي..حسام قال لي محمد تعال دقيقه..
ساقو وبقى يتكلم معاهو بعيد مني..بعد مسافه جاني حسام قال لي خليك قاعده ف شقتك د لانو صعب عليك.تمشي معانا مرره واحده كدا وم ح تكوني مرتاحه..ف خليك براحتك لمن تستوعبي وكدا بعدها اتصلي علينا بنجيبك ف بيتنا..واي شي يحصل ليك اتصلي علي أو على محمد..
قلتا ليهو م عندي رقم محمد،،محمد شال تلفوني سجل رقمو..وفتح مذكرات التلفون وكتب لي عنوان بيتهم .وقال لي ارقدي ارتاحي وبكره م تجي الشغل..قلتا لي حسام اللابتوب ف المكتب حقي وخلصتا التصميم..قال لي تمام..وطلعو..
بقيت قاعده ف الكنبه وبفكر او ممكن اقول بحاول استوعب الصدمه الأنا فيها د،،،ياما تعبتا وعافرتا عشان اشتغل بس ف المجال د.تحديدا وم عارفه لي نفسي فيهو كدا ..وقريت وكملتا قرايتي وقعدتا سنه كامله ف البيت بدون شغل أو م لاقيه شغل اساسا..
لحد م بالصدفهه بس يجيني مؤمن ويكلمني عن الاعلان الكانو عاملنو شركهه ناس حسام..وسبحان الله بس زي التقول الله اختار لي اني م القى شغل عشان اجي هنا واكتشف اخواني،،صعببب علي شدييد اني اتأقلم واتعامل معاهم ك اخواني..يعني م عارفه أوضحا كيف بس احساسي ملخبط شديييد ومرهققه شديييد انا من التفكير ومن اي شي اي شييي حرفييا انا بقى م فيني طاقه اتحمل اكتر من كدا💔💔💔،،روحي د.مرهقه شديييد ودموعي ديل جفو من كتر البكى البكيتو ف حياتي د💔💔،،ي رب ي رب بس الطف بي انا م فيني أحيل والله اشيل نفسي م عايزه ايامي الجايه تكون صدمات وألم و..الخ،،،اثناء م انا بدعي لقيت روحي نمتا ف الكنبه..
صحيت الصباح ،،ومن محلي م قمتا،،رغم اني نايمه ف الكنبه وكسسسرتت ضهري ووجعت رقبتي💔💔،،بس م كان عندي نيه اني اقوم واعمل شي..بس بقيت راقده وبعاين للسقف..
هسى انا ح اتصرف كيف؟؟والهدف شنو من حياتي د؟؟وح اعمل شنو وح اخت بصمتي ف شنو؟؟،،ح اصل لي وين انا؟؟،،ومحمد وحسام ديل ح اتعامل معاهم كيف؟؟،،احسن شي اني اتجاهلهم..💔بسسس!!..بس م اظن اقدر..
،،،ح احاول اني اتجاهلهم واركز ف شغلي الأنا جيت عشانوو من هناك،،وم ح اعتبرهم اخواني ولا اي شي..يمكن تشابه اسماء بس 💔💔(وطيب حمزه د شنو🙄)..
وم ح اكلم اماني ولا توته ولا اي زول عن محمد وحسام..وح اعتبر المووضوع د اتقفل وهم م اخواني ود تشابه اسماء بس!!..
م عارفهه ختيت القرار د ف راسي لي،،بس كان عندي شعور اني لو ملتا لعاطفتي اكتر من كدا ح انهزم وح افوت حاجات كتيره ف حياتي وانا عايزه استغل اي لحظهه عشان اجتهد.واعمل خبرهه واعمل سمعه❤️،،م عايزه شي يشغلني..يكفي اني مشيت من بلدي عشان ع الأقل بالي يرتاح شوية وازح من البلد د حبه ،،لكن الطين زاد بلة،،شكلو م مكتوب لي الراحه،،لكن م مشكلة.انا بحاول مع روحي براي❤️❤️❤️
تاني يوم مشيت الشركه..وانا عندي هدف ف راسي ومبدأ ماشى بيهو واتخذتو مع نفسي..
سلمتا على الشركه كلها،،ودخلتا مكتبي طوالي..
لقيت ملفات كتيره مختوته..شكلو حسام ختاها ع أساس لمن اجي ابدا فيهم..
بس طوالي فتحتا لابتوبي وبقيت شغاله بي جاي والكمبيوتر بي جاي..
بعد مسااااافه باب مكتبي دقا..قلتا اتفضل ع اساس د.حسام ولا محمد..بس الباب لسه بدق.انا عرفتا انو د زول من الشركه وم فهم كلامي.قمتا قلتا..
"you are welcome to enter"(تفضل بالدخول)
بعدها جات داخله بت شكلها د السكرتيره حقت حسام ..قال لي "Mr. Director wants you in the office"(السيد المدير يريدك في المكتب)
قلتا ليها "Do you have information on what he wants me for?
(هل لديكِ معلومات عما يريدني من اجلهِ)
قالت لي "I have no information"
(لا ليس لدي معلومات)
قلتا ليها "ok thank you"(حسناً شكراً لك)
قفلتا المكتب حقي. وطلعتا ومشيت مكتبو..دقيت الباب وقال اتفضل..زي كأنو عارف انو د انا..
دخلتا ولقيت محمد قاعد معاهو..
حسام قام من مكانو وقال اووووو اختي كيفك وكان جاي يسلم علي بس انا اتخطيتو وزحيت منو...!!
#اقتباسهه..
"- البتكسر بتصلح ، والبقع بقوم ، والبتجرح ببرأ ، والٱيام دُول الأذوك بكرة بتأذوا ، والغايب برجع ، والببكي بكرة بضحك ، دا وعد ربنا والله 💙🌸"
#نتلاقى...
