المستقبل💙

5"

الصباح صحيت ولبستا هدوم الجامعه بس جاتني امي،،قالت لي الليلة م تمشي،،استغربتا وقلتا ليها خير ف شنو؟،،مالك حاسه نفسك عيانه؟،،قالت لي لا بس خالتك د الليلة عندها عملية،،طبعا اتخلعتا لانو مافي زول جاب لي سيره،،قمتا قلتا ليها خالتي منو؟،،قالت لي محاسن،،(ام توته)،،قلتا ليها سجمي م كلمتيني لي؟،،مالا عندها شنو؟،،قالت لي والله ظهر لي سرطان ف الثدي وقررو ليها عملية قلتا ليها انتي جاده😲💔💔💔💔،،امي لي كلمتيني 💔💔💔واييي هسى توته ح تكون ماتت عدييل،،انا من دربي د ماشى ليهم ف البيت،،قالت لي استني هم م ف البيت هم ف المستشفى ،،قلتا ليها امي بتبالغي والله ،،سريع قولي لي ف ياتو مستشفى،،ورتني ليها وانا طوالي طلعتا،،وبتصل ع توته م بترد،،واييي ياخ انا قلبي وجعني شديد لمن دمعتا💔💔حالتي د ولا بتجي جمب حاله توته حاليا💔💔💔
اها وصلتا المستشفى وبقيت بفتش فيهم لحد.م لقيت انور ووشو محمرر،،وقفتو وسلمتا عليهو قلتا ليهو قاعدين وين ديل؟،،قال لي اطلعي فوق وأسالي من الغرفه رقم 101 بس خشي وبتلقيهم،،طوالي طلعتا وانا بس عندي احساس حاجه ح تحصل بس اللهم اجعله خيرا،،طلعتا الغرفه وفتحتا ولقيت ناس كتييييره ،،قلتا السلام عليكم بس،،ومشيت لي توته لانو كانت منهاره بالبكاء💔،،طوالي حضنتها وقعدتا ابكي معاها،،والله يخواني حاره عدييل 💔💔جاتني مره كدا قالت ي بتي كفايه عليك الله هو احمدي ربك انو هي لسه م حصلت مرحلةة الخطر ،،بس بعملو ليها العملية وبترجع كويسه💜،،
اها سقتا توته وطلعنا مشينا حمام المستشفى،،خليتا تغسل وشها،،قلتا ليها توته والله عارفه احساسك وعارفاها حاره عليك بس البكاء م بفيد ،،هي محتاجه دعائك ليها،،ان شاء الله بتتطلع بالسلامه مدام هي لسه م وصلت مرحلة الخطر والمرض ف بدايتو💜،،وانا والله م كنت عارفه إلا كلمتني امي بالصباح أثناء م ماشى الجامعه،،ولا استنيتهم يلبسو زاتو جيتك سريع سريع عشان عارفاك ح تكوني منهاره بس كلو لي خير ي توته💜💜💜💜💜،،قشقشت دموعها وقالت لي أن شاء الله تطلع بالسلامه بس⁦❤️⁩قلتا ليها بس انتي خليك قوية عشان هي محتاجه ليك⁦❤️⁩⁦❤️⁩⁦❤️⁩
قالت لي انا ماشى الغرفه ارح،،قلتا ليها ناس ماما جايين هسى وم ح يعرفو المكان الا استناهم تحت ،،قالت لي خلاص تمام انا بمشي،،توته مشت الغرفه وانا مشيت نزلتا تحت،،لقيت لي مصطبه وقعدتا فيها وبقيت مدنقره راسي والشمس حااره نار جهنم بس،،
شوية كدا احس بيد في راسي،،رفعتا راسي،،لقيتو زول غريب م بعرفو،،قال لي ي اخت الشمس د حاره مالك قاعده فيها كدا ،،امشي الكرسي داك فيهو ضل،،قلتا ليهو شكرا ليك ومشيت قعدتا ف الكرسي،،لمن حسيت بالراحه😂هنا ماف شمس ،،بس شوية اشوف امي داخله ومعاها اماني وابوي،،قالت لي محاسن كيف؟،،قلتا ليها والله لسه ف العملية م طلعت ،،ارح اوديك للجماعه ديك،،اها مشينا ووصلنا الغرفه،،امي واماني سلمو عليهم وابوي بس قال السلام عليكم ووقف برا،،لحد م جا انور ومشوو هو وابوي برا،،لانو الغرفه كلها نسوان،،قعدنا ف الغرفه وجمبي توته وبطبطب ع ضهرها⁦❤️⁩

بعد تلاته ساعات العمليه خلصت وسمحو لينا نشوفا،،اول وحده دخلت ليها توته وبعدها انور(اولادها توتا وأنور بس)
توتا طلعت بتضحك وفرحانه وحضنتني وقالت لي امي كويسه ي امنيه😭😭💜💜💜💜💜💜💜💜💜💜💜💜،،قلتا ليها م قلتا ليك بتطلع كويسه ساي خسرتي دموع،،قالت الحمدلله الحمدلله الطلعت كويسه بس💜💜💜💜💜،،الدكتور قال تقعد اربعه وعشرين ساعه عشان نطمئن عليها رغم انو مافي شي لكن للضمان،،انا بيتا مع توتا وامي زاتا باتت وخالتي اسلام برضو باتت..
تاني يوم امي لبستها وطلعنا وتوته وانور ديل الفرحه م سايعاهم💜،،وصلناهم البيت وقلتا لي امي انا ببيت معاهم ،،قالت لي خلاص كويس،،
توته رقدت امها ف السرير (طبعا ابوهم متوفي)
وأنور بقى قاعد جنبها وانا دخلتا المطبخ اعمل ليهم الغداء،،وجات توتا ساعدتني،،حضرنا الاكل،،وشلناهو ف صينيه ع غرفه خالتو محاسن واكلنا جمبها وحاولتا اغير الموضوع واخليها تضحك..وحكيت ليها نكات كتيره وخليتها تموت ضحك لمن قالت لي بعد د بتشرقيني وبتقتليني😂😂😂😂قلتا ليها بعد الشر عليك ياخ،،يلا اكلي..

بعد اكلو توتا لمت الصينيه وقلتا ليها انا بغسلا،،بس هي رفضت،،قمتا قلتا ليها عيب عليك ي توتا خليني اغسلا،،وبعد شكل ونبز وكورايك حتى رضت اني اغسلا😂😂😂قلتا ليها انتي بتحسسيني زي كاني ضيفه ولا م حصل غسلتا عده،،😂😂😂،،قالت لي م كدا بس انتي والله تعبانه ،،قلتا ليها ي بت زحي كدا،،وغسلتا العدة ومعاهوو المطبخ ..
بعدها توتا ادتني بجامعه طويلة وتوب،،مشيت استحميت ولبستا البجامه والتوب..
وطبعا عندهم حوش كبيير فيهو سراير ومفرشينو وطبعا الحوش رمله..مشيت جبتا الخرطوش ورشيتو والواطه كانت حاره بس ي داب بردت وكمان مع ريحه الطين والله تخليك تنوم فاتح خشمك،،
مشيت لي خالتو محاسن قلتا ليها رايك شنو نقعد ف الحوش ورشيتو انا،،قالت لي كويس..
اها مسكتها وقعدتها ف الحوش،،قالت لي ي سلااام والله جو سمح ياخ(كان الواطه قربت تمغرب كدا)
وتوتا جات وأنور زاتو وقعدنا نتونس وأنور د عيونو اصلو م نزلت مني..
لحد م قمتا وقلتا ليهم ماشى اعمل ليكم شاي وانتي ي توته م تقومي خليك مع امك،،قالت لي سمح😂 ،،دخلتا المطبخ،،وختيت الشاي ف النار وبقيت مستنيه عشان يفور..
بس فجاءه احس بزول مسكني من ورا...

#اقتباسهه...

"الأيام الجميلة لا تأتي إنها تُصنع ♥✨."

#نتلاقى...