وصلنا الامارات ونزلنا من الطياره وشلنا حاجاتنا،،طبعا توته وحسام سافرو شهر العسل تركيا ولمن جو امي دخنتها وحننتا وعملت معاها كل اللازم😂😂😂😂😂والفتر القبل نسافر فيها د كأنوو قاعدين في الطابق التالت،،وقبل تلاته يوم توته وامي مشو الكوفير واتحننو وعملت ماسكات وحركات وانا باعوني🌚💔💔بعدها توته مشت قعدت مع امها يومين لانو تاني م ح تلاقيها قريب وكدا ،،وجات امبارح بليل ...
اها صحينا الصباح لانو طيارتنا الساعه سته،،انا لبسته عبايه عادية لونا لحمي وطرحه لحميه وجزمه سوداء،،وتوته لبست عبايه لونا حكلي ولبست أسورة دهبيه ومع الحنه والدبلةة دمااار😭💜💜💜طبعا توته لونا قمحي وعيونا واسعه وحواجبه غزيرة ورموشة برضو ماشاء الله وبشرتها ناعمه ونضيفه بس هي ضعيفه لكن م شديد💜💜،،اما انا ملامحي قريبه لي توته وحتى اللون ياهو،،بس انا جسمي سمح ومفصل اكتر من توته،،يعني البشوفنا م بقول قدر بعض😂،،وانا واماني بنتشابه شديد يعني بإختصار احنا التلاته نفس الشي بس اماني لونا اسمر نضيف💜💜اها وصلنا وشلنا حاجاتنا وركبنا تاكسييين ومشينا ..
وقفنا جمب بيت كبيييير وعماااره💜💜💜طبعا انا بحاول استوعب في انو البيت د بيتنا؟؟،،حسام طلع المفتاح وفتحو قال لينا خشو انتو واحنا بنجيب الشنط..
فعلا دخلنا وم شاء الله تبارك الله💜💜💜💜اسمح من بيتنا القاعدين فيهو داك بكتيير حلو بالجد خوورااااافييي عديل💜💜،،،الطابق التحت فيهو اربعه غرف وصالونين وبلكونه كبيييره زي الحوش كدا ..
والطابق التاني نفس الشي وكل الطوابق كدا،،د.سبع طوابق💛انا قلتا لي حسام ماشاء الله بس م قادره اصدق انك بنيت د.في سنه بس؟؟،،قال لي البيت د انا اصلا كنت مشتريهو وبادي البنا فيهو وخلصتا لحد الطابق التاني ولمن جيت هنا تميتوو سريع سريع بس انا اتاخرتا في العفش وكدا،،بس انشاء الله زوقي عجبكم😂اماني قالت ليهو زوقك رهيب وعجبني شديد الصراحه💛💛💛
اها دخلنا حاجاتنا وتوته وحسام في الطابق التاني واماني وعبد الرحمن في الطابق التالت..والباقيات قالو يأجروهم...
رتبنا حاجاتي في غرفتي..وطبعا ضربوها لي لون رمادي والسراير بالدهبي💛💛💛زي غرف الخليجيين😂😂،،كبيره وواسعه..حرفيا عجبتني💛💛
اها بعد رتبتا طوالي رقدنا نمنا..
انا غرفه ومحمد غرفه وحمزه غرفه وامي وابوي غرفه💜،،
تاني يوم حسام مشى جاب عربيتو ومحمد برضو مشى جابا وقرشوها جمب البيت..
ختينا الفطور وفطرنا ،،حسام وتوته فطرو براهم فوق واماني وعبد الرحمن برضو ،،
محمد قال لينا بكره ارح نفسحكم،،قلتا ليهو فسح ناس امي ديل انا بقيت حافظه البلد د😂😂😂،،قال لي هي ها انتي قعدتي فيها اربعه شهور بس قال حفظتها قال ،،ياه انا لمن حفظتها كان تميت فيها خمسه سنين😂😂،،حمزه قال ليهو خلاص بكره ارح نمشي نتغدا برا كلنا ومنها تفسحنا ووتودينا حتات زابطه لاني برضو عايز اكتشف البلد د،،محمد قال ليهو ماف زول هنا بتكلم عربي كلو انجليزي ،،حمزه قال ليهو الحمدلله م عندي مشكلة في الانجليزي،،قلتا ليهو. انت كنت في بريطانيا كيف م تعرف انجليزي😂😂
بعد فطرنا انا لميت الصحانه وغسلتهم..
قلتا اعمل جولة حول البيت😂وبقيت ماشى وبتفرج يعني عجبني شدييد💛💛،،لحد م وصلتا غرفه محمد سامعه صوتوو هو وحمزه بتشاكلو،،ي ززول قووون ،،م قون ولا اي شي،،علي الطلاق قون ودخلها سواريز كمان،،هوي ي كضاب د دخلها زولي بالغلط واتحسبت ليك،،ههههههه هوي يا انت قول الغلب حارقك بس،،م حارقني ولا اي شي ،،،ههههههه اي ظاهر،،
اها دخلتا وقلتا ليهم مالكم..
دخلتا وقفلتا الباب وجيت قعدتا معاهم،،قلتا ليهم ادوني العب معاكم ،،محمد شال اليد من حمزه وقال ليهو امشي ياخ انت م بتعرف تلعب وكمان خرخار🌚💔،،حمزه قعد يضحك وقال لي انصحك م تلعبي مع محمد د لانو خرخار شديد وروحو م رياضيه كلو كلو يعني لو اتغلب.بقررب يبكي😂😂😂😂😂،،محمد حمر عليهو لحظتها حسيتهم ح يقومو يتضاربو،،قلتا لي محمد ارح ارح شغلها نشوفك بتغلبني..
اها لعبنا وي ريت لو م لعبنا لانو أداني 7:0😂😂😂😂😂😂😂خجلتا زاتوو قلتا ليهو أمسك يدك د ويلا مع السلامه ...ضحكو فيني ضحك😂😂😂
بقيت لافه ساي وماف موضوع😂🌚💔،،وتوته بقت مع حسام ومف طريقه اضرب ليها كل يوم واتونس معاها🌚💔،،ايوا ايوا..مف حل غير حنين..
اها اتصلتا عليها واتونستا معاها زيييين ..
ولمن فصلتا منها مشيت اكلتا لي شي ورقدتا نمتا تاني😂😂😂
اها تاني يوم لبسنا وقشرنا وطلعنا كلنا متغدييين برا،،انا قاعده جمب توته ونشيل ونتونس،،حسام قال لينا نفسي افهم د شنو. الانتو بتقولو فيهو د من زمااان لاهسى م خلص؟،،خشمكم د.م بوجعكم😂😂😂،،توته قالت ليهو د حاجات بنات اطلع منها😂😂😂،،قال ليها ايوااا بقى فيها كدا تمام تمام🌚💔،،محمد قال ليهو فتش فتش جبهتك وين😂😂😂😂حمزه قال ليهو م تكون حصلت المطار الحقها😂😂😂😂😂طبعا م عجبني ليهو نهائي تشغيلات محمد وحمزه د😂😂😂،،اها جابو الاكل وبقينا ناكل ونتعاور انا وحسام ونهظر..
ابوي قال لينا ياها نفس حركاتكم الزمان وعوارتكم اصلو م بتخلوها،،قال ليهو انا بخليها لكن العواره د هي تخليها لمنو؟🌚،،قلتا ليهو انا عويرة ي عوير انت😂،،امي قالت لينا اكلوو بطلوو كلام كتير،،م اكلتو من النقه.،،بقينا ناكل واحنا ساكتين .،،حمزه قال لينا الحجه حسمت الفارغه بكلمتين بس😂😂،،قعدنا نضحك لانو سكتنا طوالي بعد كلاما😂😂😂
دان مشت لي حسام وقالت ليهو شليني،،حسام رفعها في رجلو وبقى ياكل ويأكل فيها،،امي قالت ليهو عقبال م تجيك بنيه وتأكلها كدا،،قال ليها اميين ي رب وعاين لي توته💜🤣،،توته ف اللحظه ديك عملت فيها ولا الاطرش داك😂😂😂😂
بعد أكلنا لفينا بالعربيه(طبعا ماشين بعربيتين احنا حقت محمد وحسام لانو م بتشيلنا عربية واحده )
بقينا لافين كدا لحد م نزلنا وحضرنا سينما،،
رجعنا البيت العشاء كدا،،طوالي انا غيرتا هدومي واستحميت وصليت ورقدتا نمتا😂😂😂😂،،وتوته وحسام مشو بيتهم واماني برضو..ومحمد وحمزه نامو بهدومهم زاتا😂😂😂😂
مر شهر وانا نزلتا شغل تاني في شركه حسام ومحمد نزل شغلو هنا من الاول وحمزه برضوو اشتغل في مستشفى..
بقينا قاعدين كدا وحياتنا مستمره وحلوة شديييد💜💜💜💜
في يوم وانا في الشركه جاني حسام (طبعا بنطلع الصباح سوا وبنرجع سوا)،،قال لي ممكن طلب؟؟،،طبعا استغربتا لانو اول مره يطلب مني شي،،قلتا ليهو اتفضل،،قل لي كنت عايز حاجات من السوق بس م بقدر امشي ممكن تمشي لي؟؟،،قلتا ليهو اكيد طبعا قولهم لي اسي بمشي ليك..كتبهم لي في ورقه واداني قروش وقال لي لمن تقربي للبيت اتصلي علي،،قلتا ليهو طيب،،
طلعتا من الشركه وطوالي مشيت السوق،،والحاجات الكاتبا لي د صعبه م بتتلقى بالساهل،،لحد م في الاخر لقيتا واشتريتها وركبتا تاكسي وراجعه البيت،، حسام اتصل علي قال لي وين انتي؟؟،،قلتا ليهو.جمب البيت قال لي لقيتيهم؟قلتا ليهو ااي،،قال لي تمام تسلمي كتير💜💜💜قلتا ليهو العفو ياخ م بينا💜💜💜،،لمن وصلتا باب بيتنا العشاء اذن😂😂💔دخلتا جوه والانوار مطفيه كانت،،انا قلتا يكونو نامو،،اها ختيت الحاجات في غرفتي وضربتا لي حسام قلتا ليهو انزل تعال شيلهم😂😂قال لي جيبيهم فوق،،قلتا ليهو حسااااام😭💔م بقدر اطلع السلالم د.كلها ياخ😭💔،،قال لي معليش حبيبتي بس اطلعي جبيهم..
قفلتا الخط وشلتهم وطلعتا وانا مترفزه💔💔السلالم د.كتيره وانا تعبانه شديد ياخ مفروض يراعي يعني💔
طلعتا ودقيت الجرس ،،جاني صوتو وقال لي لزي الباب فاتح هو..
لزيتو وفجأءه....💙✨
#اقتباسهه..
"قولوا لهم إنَ الذِي ضَيعَنَا بِالقَصدِ ، لَن يَجِدنَا
مَرة أخرَى حَتى بِالصُدفَةِ🖤"
#نتلاقى..
