#المستقبل💙..4"
بقلم،ماب محمداحمد
صحيت المغرب ومشيت صليت العصر والمغرب ،،دخلتا المطبخ قلتا اكل لي حاجه،،اول م دخلت بس اشوفو ليك،،انا اتخلعتهه لاني م لابسه توب ولا شي،،قمتا جريت سريع غرفتي شلتا لي حاجه لبستها وجيت سلمتا عليهو،،قلتا ليهو معليش ياخ م كنت عارفاك قاعد هنا،،قال لي لالا ما مشكلة،،انتي كيفك كويسه؟،،قلتا لييهو بخير الحمدلله وانت كيف وكيف الأهل كويسين؟،،قال لي الحمدلله،،قالو الليلة اول يوم ليك ف الجامعه اها كانت كيف؟،،قلتا ليهو كويسه والله🤗🧡
بعدها امي جات قالت لي امشي سوي ليهو شاي،،قلتا ليها هو د جا متين؟،،قالت لي قبيييل من انتي نايمه؟،،قلتا ليها ايوا،،ووين توته م جات معاهو؟،،قالت لي بري م عارفه والله ،،اها مشيت سويت ليهو الشاي ووديتو ليهو،،قلتا ليهو الاخبار شنو ي انور ولي توته م جات معاك🤣(طبعا عرفتوهو صح؟د انور اخو توته)،،قال لي والله قلتا ليها ارح قالت لي انا دايره انوم،،قلتا ليهو اي الليلة اول يوم في الجامعه بتكون تعبانه زيي😂😂،،قال لي والله الجامعه د احلى منها ماف،،قلتا ليهو لسه والله م شايفه ليها شي لكن الله اعلم🤣❤️،،اها ف اللحظه ديك الباب دقا ،،قمتا عايزه افتحو ،،قال لي قبلك ماشى ويين؟،،قلتا ليهو ماشى افتح الباب،،قال لي انتي تفتحي الباب وانا قاعد؟،،قلتا ليهو انت ضيف🤣،،قال لي م ضيف د بيت خالتي اخت امي وزي اخوك الكبير ،،قلتا ليهو سمح امشي افتحو(خلينا من الفلسفه د)،،مشا فتحو وكانت د اختي اماني وراجلا،،اها انا واماني بالاحضان ❤️❤️❤️
وسلمتا على راجلها وسألني من الجامعه كيف ووو..الخ،،قلتا ليهو كويسه😂❤️،،اها دخلو جوه وامي جات سلمت عليهم ،،وف اللحظه د ابوي جا من الشغل وقعد معاهم ،،مشينا حضرنا العشا انا وامي وجات معانا اماني،،
سوينا العشا واكلنا،،،بعدها انور قال ماشي ،،واماني قالت عايزه تبيت الليلة هنا،،عبدالرحمن راجلها ودعنا ومشا،،وامي قالت لي امشي قدمي أنور،،وانا طبعا فهمتها😒،،مشيت قدمتو ولمن جا طالع قال لي امنيه؟،،قلتا ليهو نعم!،،قال لي رايك شنوو تفكري حبه؟،،قلتا ليهو في شنو؟؟،،قال لي الموضوع الزمان داك؟،،قلتا ليهو م حابه أعيد الكلام والله وانت ود خالتي وبينا قرابه م عايزه اخرب العلاقات ف شنو م تفتح معاي الموضوع د تاني،،قال لي راحتك بس ح يجي اليوم الح توافقي..قلتا ليهو نشوف يلا مع السلامه..
(انور د اخو توته وهو من زمان معجب بي،،واتقدم لي وجا لحد بيتنا،،بس انا الوقت داك رفضتا كنت في أولى ثانوي،،وامي د قتني وشاكلتني كيف ارفضو،،قالت لي د.م بتلقى. زيو وو..الخ،،وكمان قالت لي ف لحظه غضب
انتي هسى حاسبه روحك مع البنات يعني لمن تتخيري وتعزلي؟،،انتي احمدي الله اللقيتي ليك زول قبل بيك،،رغم انو ف لحظه غضب ويمكن تكون ندمت ع كلامها د بس مستحيل انساهو ف يوم💔لانو بالجد اللحظه ديك اتكسرتا وحسيت فعلا انو انا ناقصه م زي البنات رغم انو م فيني شي💔💔،،ولمن رفضتو خالتي وامي اتشاكلو كتييير بس نهائي م أثرت ف علاقتنا انا وتوتا💜،،لحد م اقتنعو انو انا وأنور مستحيل نكون لبعض حتى بعداك سكتو واتصالحو وبقو عاديين💜 )
